ਬੀ.ਸੀ. ਦੇ ਯੂਕੋਨ ਵਿਚ ਤੇਜ਼ੀ ਨਾਲ ਵੱਧ ਰਹੀ ਅੱਗ, 100 ਘਰਾਂ ਲਈ ਚਿਤਾਵਨੀ ਜਾਰੀ

ਬੀ.ਸੀ. ਦੇ ਯੂਕੋਨ ਵਿਚ ਜੰਗਲੀ ਅੱਗ ਤੇਜ਼ੀ ਨਾਲ ਵੱਧਦੀ ਜਾ ਰਹੀ ਹੈ। ਇਸ ਕਾਰਨ ਬੀਤੇ ਦਿਨ ਡਾਅਸਨ ਨੇੜਲੇ 100 ਘਰਾਂ ਲਈ ਨਿਕਾਸੀ ਦੀ ਚਿਤਾਵਨੀ ਨੂੰ ਜਾਰੀ ਕੀਤਾ ਗਿਆ। ਫਾਇਰ ਕਰੂ ਮੁਤਾਬਕ ਇਸ ਦਾ ਆਕਾਰ ਇਕ ਦਿਨ ਵਿਚ ਦੁੱਗਣਾ ਹੋ ਗਿਆ ਹੈ। ਐਮਰਜੈਂਸੀ ਕੋਆਰਡੀਨੇਸ਼ਨ ਸੈਂਟਰ ਮੁਤਾਬਕ ਕਿਊਬੈਕ ਕ੍ਰੀਕ ਫਾਇਰ ਨੇ 34 ਵਰਗ ਕਿਲੋਮੀਟਰ ਦਾ ਇਲਾਕਾ ਘੇਰਿਆ ਹੈ।

ਬੀਤੀ ਸ਼ਾਮ ਇਹ ਅੱਪਰ ਵੈਸਟ ਡਾਅਸਨ ਤੋਂ ਕਰੀਬ 10 ਕਿਲੋਮੀਟਰ ਦੀ ਦੂਰੀ 'ਤੇ ਸੀ। ਮਾਊਂਟ ਲਿਓਟਾ ਫਾਇਰ ਵੀ ਕਰੀਬ ਦੁੱਗਣੀ ਵੱਧ ਗਈ ਹੈ, ਜਿਸ ਕਾਰਨ ਹੈਂਡਰਸਨ ਕਾਰਨਰ-ਡੈਂਪਸਟਰ ਕੱਟਆਫ ਖੇਤਰ ਦੇ ਲੋਕਾਂ ਲਈ ਵੀ ਖਤਰਾ ਵੱਧ ਗਿਆ ਹੈ।

ਫਾਇਰ ਫਾਈਟਰਜ਼ ਮੁਤਾਬਕ ਇਹ 9 ਵਰਗ ਕਿਲੋਮੀਟਰ ਤੋਂ ਵੱਧ ਕੇ 17 ਵਰਗ ਕਿਲੋਮੀਟਰ ਹੋ ਗਈ ਹੈ। ਇਸ ਕਾਰਨ 80 ਘਰਾਂ ਨੂੰ ਨਿਕਾਸੀ ਦੀ ਚਿਤਾਵਨੀ 'ਤੇ ਰੱਖਿਆ ਗਿਆ ਹੈ। ਇਸ ਕਾਰਨ ਬਿਜਲੀ ਦੀਆਂ ਤਾਰਾਂ ਸੜ ਗਈਆਂ ਹਨ ਅਤੇ ਕਈ ਘਰ ਬਿਨਾਂ ਬਿਜਲੀ ਦੇ ਰਹਿਣ ਦੇ ਮਜਬੂਰ ਹਨ। ਅੱਗ ਕਾਰਨ ਹੈਂਡਰਸਨ ਕਾਰਨਰ ਤੋਂ ਟਿੰਟੀਨਾ ਟਰੈਂਚ ਵਿਚਕਾਰਲਾ ਉੱਤਰੀ ਕਲੋਂਡਾਇਕ ਹਾਈਵੇ ਬੰਦ ਰੱਖਿਆ ਗਿਆ ਹੈ।