18.31C Vancouver 18.31C VancouverJul 14, 2020 7:29 PM -
ਕੰਜ਼ਰਵੇਟਿਵ ਪਾਰਟੀ ਦਾ ਕਹਿਣਾ ਹੈ ਕਿ ਪਾਰਟੀ ਦੇ 269,469 ਮੈਂਬਰ ਹਨ ਜੋ ਮੌਜੂਦਾ ਲੀਡਰਸ਼ਿਪ ਦੀ ਦੌੜ ਵਿੱਚ ਵੋਟ ਪਾਉਣ ਦੇ ਯੋਗ ਹਨ।
ਸਾਲ ਦੀ ਸ਼ੁਰੂਆਤ ਤੋਂ, ਜਦੋਂ ਮੌਜੂਦਾ ਨੇਤਾ ਐਂਡਰਿਊ ਸ਼ੀਅਰ ਦੀ ਥਾਂ ਲੈਣ ਲਈ ਮੁਕਾਬਲਾ ਅਧਿਕਾਰਤ ਤੌਰ 'ਤੇ ਸ਼ੁਰੂ ਹੋਇਆ ਸੀ, ਹੁਣ ਤੱਕ ਲਗਭਗ 100,000 ਮੈਂਬਰਸ਼ਿਪਜ ਖਰੀਦੀਆਂ ਗਈਆਂ ਹਨ।
ਪਾਰਟੀ ਨੇ ਅੱਜ ਅੰਕੜੇ ਜਾਰੀ ਕੀਤੇ ਅਤੇ ਕਿਹਾ ਕਿ ਇਹ ਪਾਰਟੀ ਦੇ ਇਤਿਹਾਸ ਦਾ ਮੈਂਬਰਸ਼ਿਪ ਦਾ ਸਭ ਤੋਂ ਵੱਡਾ ਅੰਕੜਾ ਹੈ।
ਟੋਰੀਜ਼ ਦਾ ਕਹਿਣਾ ਹੈ ਕਿ ਮੈਂਬਰਸ਼ਿਪ ਵਿੱਚ ਸਭ ਤੋਂ ਵੱਡਾ ਵਾਧਾ ਨੋਵਾ ਸਕੋਸ਼ੀਆ, ਕਿਊਬਿਕ, ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ ਅਤੇ ਅਲਬਰਟਾ ਵਿੱਚ ਆਇਆ ਹੈ।
ਕੰਜ਼ਰਵੇਟਿਵ, ਲੀਡਰ ਦੀ ਚੋਣ ਕਰਨ ਲਈ ਇੱਕ ਪੁਆਇੰਟ ਸਿਸਟਮ ਦੀ ਵਰਤੋਂ ਕਰਦੇ ਹਨ- ਹਰੇਕ ਰਾਈਡਿੰਗ ਨੂੰ 100 ਪੁਆਇੰਟ ਮਿਲਦੇ ਹਨ, ਅਤੇ ਕਿਸੇ ਉਮੀਦਵਾਰ ਨੂੰ ਕਿੰਨੇ ਪੁਆਇੰਟ ਮਿਲਦੇ ਹਨ, ਇਹ ਰਾਈਡਿੰਗ ਵਿੱਚ ਉਸਦੇ ਵੋਟ ਦੇ ਹਿੱਸੇ 'ਤੇ ਨਿਰਭਰ ਕਰਦਾ ਹੈ।
ਇਸ ਸਮੇਂ ਡਾਕ ਰਾਹੀਂ ਵੋਟਿੰਗ ਚੱਲ ਰਹੀ ਹੈ ਅਤੇ ਅਗਸਤ ਦੇ ਅਖੀਰ ਵਿੱਚ ਇੱਕ ਨਵੇਂ ਨੇਤਾ ਦਾ ਐਲਾਨ ਕੀਤਾ ਜਾਣਾ ਹੈ।
