14.99C Vancouver 14.99C VancouverFeb 17, 2021 10:24 PM -
ਕਰੀਬ ਇੱਕ ਮਹੀਨੇ ਤਕ ਜਾਰੀ ਰਹੇ ਕ੍ਰੈਕਡਾਊਨ ਤੋਂ ਬਾਅਦ ਵੱਡੀ ਗਿਣਤੀ 'ਚ ਲੋਕਾਂ ਖਿਲਾਫ਼ 300 ਦੋਸ਼ਾਂ ਦੀ ਸਿਫਾਰਿਸ਼ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਲੋਕ ਕਥਿਤ ਤੌਰ 'ਤੇ ਹਿੰਸਕ ਅਤੇ ਸ਼ੌਪਲਿਫਟਰ ਹਨ ਜੋ ਕਿ ਡਾਊਨਟਾਊਨ ਵੈਨਕੂਵਰ 'ਚ ਸਰਗਰਮ ਹਨ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਪੁਲਿਸ ਅਫ਼ਸਰਾਂ ਨੇ ਰਿਟੇਲਰਸ ਅਤੇ ਸਟੋਰਾਂ ਦੀਆਂ ਸਿਕਿਉਰਿਟੀ ਟੀਮਾਂ ਨਾਲ ਮਿਲ ਕੇ ਕਰੀਬ 4 ਹਫ਼ਤੇ ਤਕ ਕੰਮ ਕੀਤਾ।
ਇਹ ਜਾਂਚ 12 ਫਰਵਰੀ ਨੂੰ ਪੂਰੀ ਹੋਈ ਦੱਸੀ ਗਈ ਹੈ।
ਇਸ ਕਰੈਕਡਾਊਨ ਦੌਰਾਨ ਕਥਿਤ ਤੌਰ 'ਤੇ 250 ਸ਼ੌਪਲਿਫਟਿੰਗ ਘਟਨਾਵਾਂ ਦਾ ਪਤਾ ਲੱਗਿਆ।
ਇਸ ਨਾਲ ਸੰਬੰਧਤ 130 ਗ੍ਰਿਫਤਾਰੀਆਂ ਹੋਈਆਂ ਅਤੇ 268 ਦੋਸ਼ ਤੈਅ ਕੀਤੇ ਗਏ ਹਨ।
ਪੁਲਿਸ ਅਨੁਸਾਰ $37,000 ਤੋਂ ਵਧੇਰੇ ਦੇ ਚੋਰੀ ਕੀਤੇ ਮਰਚੈਂਡਾਈਜ਼ ਬਰਾਮਦ ਕੀਤੇ ਹਨ।
ਇਸ ਤੋਂ ਇਲਾਵਾ 35 ਹਥਿਆਰ ਬਰਾਮਦ ਹੋਏ ਹਨ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ 'ਚ 45 ਅਜਿਹੇ ਸਨ ਜਿੰਨਾ ਖਿਲਾਫ਼ ਪਹਿਲਾਂ ਤੋਂ ਵਾਰੰਟ ਜਾਰੀ ਸਨ, ਜਾਂ ਜੋ ਜ਼ਮਾਨਤ ਦੀਆਂ ਕੰਡੀਸ਼ਨਾਂ ਤੋੜ ਰਹੇ ਸਨ।
ਇੰਸਪੈਕਟਰ ਰੌਬ ਕਲਾਰਕ ਅਨੁਸਾਰ ਇਹ ਕ੍ਰੈਕਡਾਊਨ ਉਸ ਵੇਲੇ ਲਾਂਚ ਕੀਤਾ ਗਿਆ ਸੀ ਜਦ ਡਾਊਨਟਾਊਨ ਇਲਾਕੇ 'ਚ ਅਪਰਾਧਿਕ ਗਤੀਵਿਧੀਆਂ ਵਧਣ ਲੱਗੀਆਂ ਸਨ।
