14.42C Vancouver 14.42C VancouverNov 22, 2023 5:48 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਹੁਣ ਤੱਕ ਏਵੀਅਨ ਫਲੂ ਨਾਲ 5 ਮਿਲੀਅਨ ਦੇ ਕਰੀਬ ਮੁਰਗੀਆਂ ਮਰ ਚੁੱਕੀਆਂ ਹਨ ਜਿਸ ਨੂੰ ਬਰਡ ਫਲੂ ਵੀ ਕਿਹਾ ਜਾਂਦਾ ਹੈ।
ਬੀ ਸੀ ਪੋਲਟਰੀ ਐਸੋਸੀਏਸ਼ਨ ਦੀ ਮੁੱਖ ਸੂਚਨਾ ਅਧਿਕਾਰੀ ਬ੍ਰਿਟੇਨ ਅਨੁਸਾਰ ਫਰੇਜ਼ਰ ਵੈਲੀ ਦੇ ਪੋਲਟਰੀ ਕਿਸਾਨਾਂ ਲਈ ਇਹ ਦਿਨ-ਰਾਤ ਦੀ ਚਿੰਤਾ ਦਾ ਵਿਸ਼ਾ ਬਣ ਚੁੱਕਾ ਹੈ। ਬ੍ਰਿਟੇਨ ਦਾ ਕਹਿਣਾ ਹੈ ਕਿ ਏਵੀਅਨ ਫਲੂ ਇੱਕ ਖਤਰਾ ਹੈ ਜਿਸ ਕਾਰਨ ਲੱਖਾਂ ਪੰਛੀਆਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਇਹ ਕਿਸਾਨਾਂ ਲਈ ਡਰ ਦਾ ਸਬੱਬ ਬਣ ਗਿਆ ਹੈ। ਬ੍ਰਿਟੇਨ ਅਨੁਸਾਰ ਇਹ ਉਦਯੋਗ ਤੀਸਰੇ ਪੱਧਰ ਵਿੱਚੋਂ ਸਭ ਤੋਂ ਉੱਪਰ ਲਾਲ ਪੱਧਰ 'ਤੇ ਪਹੁੰਚ ਗਿਆ ਹੈ ਕਿਉਂਕਿ ਇਸਦੇ ਜੀਵ ਸੁਰੱਖਿਆ ਪ੍ਰੋਗਰਾਮ ਵਿੱਚ ਕਿਸਾਨ ਉਸ ਪ੍ਰਕੋਪ ਨਾਲ ਲੜ੍ਹ ਰਹੇ ਹਨ ਜੋ ਜੰਗਲੀ ਪੰਛੀਆਂ ਦੇ ਪ੍ਰਵਾਸ ਕਾਰਨ ਪੈਦਾ ਹੋਏ ਹਨ।
ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਬੀਸੀ ਵਿੱਚ ਅਕਤੂਬਰ 20 ਤੋਂ ਹੁਣ ਤੱਕ H5N1 ਏਵੀਅਨ ਫਲੂ ਦੇ 39 ਕੇਸ ਸਾਹਮਣੇ ਆ ਚੁੱਕੇ ਹਨ। ਏਜੰਸੀ ਦਾ ਕਹਿਣਾ ਹੈ ਕਿ ਇਸ ਮਹੀਨੇ ਬੀਸੀ ਦੇ 34 ਇਮਾਰਤਾਂ ਵਿੱਚ ਇਹ ਬਿਮਾਰੀ ਫੈਲ ਚੁੱਕੀ ਹੈ ਜਿਸ ਵਿੱਚੋਂ 33 ਫਰੇਜ਼ਰ ਵੈਲੀ ਵਿੱਚ ਵਪਾਰਕ ਪੋਲਟਰੀ ਸੰਚਾਲਨ ਕਰਦੇ ਹਨ।
ਦੂਜੇ ਪਾਸੇ ਸੂਬਾਈ ਸਿਹਤ ਅਧਿਕਾਰੀ ਬੋਨੀ ਹੈਨਰੀ ਵੱਲੋਂ ਏਵੀਅਨ ਫਲੂ ਦੇ ਪੋਲਟਰੀ ਉਦਯੋਗ ਤੋਂ ਮਨੁੱਖਾਂ ਵਿੱਚ ਫੈਲਣ ਦੀ ਵੀ ਸ਼ੰਕਾ ਜਤਾਈ ਜਾ ਰਹੀ ਹੈ।
