17.93C Vancouver 17.93C VancouverNov 6, 2025 6:07 PM - "Connect Newsroom - Jasmine Singh with files from The Canadian Press"
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਅਕਤੂਬਰ ਮਹੀਨੇ ਦੌਰਾਨ ਸੂਬੇ ਭਰ ਵਿਚ ਲਗਭਗ 8,000 ਡਰਾਈਵਰਾਂ ਨੂੰ ਸਪੀਡ ਲਈ ਚਲਾਨ ਜਾਰੀ ਕੀਤੇ ਹਨ। ਇਹ ਕਾਰਵਾਈ “ਡ੍ਰਾਈਵ ਰਿਲੇਟਿਵ ਟੂ ਕੰਡੀਸ਼ਨਜ਼ ਅਤੇ “ਪੈਡੈਸਟਰਿਅਨ ਅਵੇਅਰਨੈਸ” ਕੰਪੇਨ ਦਾ ਹਿੱਸਾ ਸੀ।
ਇਸ ਤਹਿਤ ਕੁੱਲ 7,888 ਸਪੀਡਿੰਗ ਟਿਕਟਾਂ ਜਾਰੀ ਹੋਈਆਂ। ਸਭ ਤੋਂ ਵੱਧ ਉਲੰਘਣਾਵਾਂ ਸਾਊਥ ਕੋਸਟ ਖੇਤਰ ਵਿਚ ਪਾਈਆਂ ਗਈਆਂ, ਜਿਸ ਵਿਚ ਮੈਟਰੋ ਵੈਨਕੂਵਰ, ਸੀ-ਟੂ-ਸਕਾਈ, ਫਰੇਜ਼ਰ ਵੈਲੀ ਸ਼ਾਮਲ ਹਨ ਇੱਥੇ 2,167 ਟਿਕਟਾਂ ਜਾਰੀ ਕੀਤੀਆਂ ਗਈਆਂ।
ਵੈਨਕੂਵਰ ਆਈਲੈਂਡ ਵਿਚ 1,598, ਉੱਤਰੀ ਬੀ.ਸੀ. ਵਿਚ 1,486 ਅਤੇ ਸੈਂਟਰਲ ਬੀ.ਸੀ. ਵਿਚ 1,443 ਟਿਕਟਾਂ ਜਾਰੀ ਹੋਈਆਂ। ਕੂਟੇਨੇ ਖੇਤਰ ਵਿਚ ਪੁਲਿਸ ਵਲੋਂ 1,171 ਅਤੇ ਸਪੈਸ਼ਲ ਟ੍ਰੈਫਿਕ ਓਪਰੇਸ਼ਨ ਤਹਿਤ 23 ਹੋਰ ਚਲਾਨ ਕੀਤੇ ਗਏ।
ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਡਰਾਈਵਰਾਂ ਨੂੰ ਸੜਕਾਂ 'ਤੇ ਸੁਰੱਖਿਅਤ ਅਤੇ ਬਿਹਤਰ ਅਨੁਭਵ ਬਣਾਉਣ ਵਿਚ ਸਾਡੀ ਮਦਦ ਕਰਨੀ ਚਾਹੀਦੀ ਹੈ। ਇਹ ਸੜਕ ਸੁਰੱਖਿਆ ਮੁਹਿੰਮ ਹਰ ਸਾਲ ਅਕਤੂਬਰ ਵਿਚ ਆਈ.ਸੀ.ਬੀ.ਸੀ. ਅਤੇ ਸਥਾਨਕ ਪੁਲਿਸ ਦੇ ਸਹਿਯੋਗ ਨਾਲ ਚਲਾਈ ਜਾਂਦੀ ਹੈ।
