16.82C Vancouver 16.82C VancouverApr 19, 2020 4:34 PM -
ਜੇਕਰ ਸਰਕਾਰ ਅਤੇ ਵਿਰੋਧੀ ਪਾਰਟੀਆਂ ਵਿਚਕਾਰ ਇਸ ਸੰਬੰਧ ਵਿੱਚ ਕੋਈ ਨਵਾਂ ਸਮਝੌਤਾ ਨਾ ਹੋਇਆ ਤਾਂ ਮੌਜੂਦਾ ਸਥਿਤੀ ਮੁਤਾਬਕ ਮੈਂਬਰਾਂ ਨੂੰ ਕੱਲ੍ਹ ਤੋਂ ਹਾਊਸ ਆਫ ਕਾਮਨਜ਼ ਵਿੱਚ ਪਹੁੰਚ ਕੇ ਕਾਰਵਾਈ ਸ਼ੁਰੂ ਕਰਨੀ ਪਵੇਗੀ।
ਲਿਬਰਲ ਪਾਰਟੀ ਦੇ ਸੁਝਾਅ ਮੁਤਾਬਕ ਅਗਲੇ ਹਫਤੇ ਤੋਂ ਹਾਊਸ ਆਫ਼ ਕਾਮਨਜ਼ ਵਿੱਚ ਹਰ ਹਫ਼ਤੇ ਇੱਕ ਅਜਿਹਾ ਸੈਸ਼ਨ ਹੋਵੇਗਾ ਜਿਸ ਵਿੱਚ ਕੁਝ ਇੱਕ ਮੈਂਬਰ ਮੌਜੂਦ ਰਹਿਣਗੇ।
ਇਸ ਤੋਂ ਇਲਾਵਾ ਸਰਕਾਰ ਤੋਂ ਸਵਾਲ ਪੁੱਛਣ ਲਈ ਕਈ ਆਨਲਾਈਨ ਸੈਸ਼ਨ ਵੀ ਕਰਵਾਏ ਜਾਣ ਦਾ ਸੁਝਾਅ ਹੈ।
ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਐਂਡਰੂ ਸ਼ੀਅਰ ਚਾਹੁੰਦੇ ਹਨ ਕਿ ਹਰ ਹਫਤੇ ਤਿੰਨ ਅਜਿਹੇ ਸੈਸ਼ਨ ਹੋਣ ਜਿਸ ਵਿੱਚ ਮੈਂਬਰ ਔਟਵਾ ਵਿਖੇ ਹਾਊਸ ਆਫ ਕਾਮਨਜ਼ ਵਿੱਚ ਮੌਜੂਦ ਹੋਣ।
ਟਰੂਡੋ ਦਾ ਕਹਿਣਾ ਹੈ ਕਿ ਕੰਜ਼ਰਵੇਟਿਵ ਪਾਰਟੀ ਦਾ ਇਹ ਸੁਝਾਅ ਵਾਜਬ ਨਹੀਂ ਹੈ।
ਉਨ੍ਹਾਂ ਦੱਸਿਆ ਕਿ ਐਨਡੀਪੀ ਅਤੇ ਬਲਾਕ ਸਰਕਾਰ ਦੇ ਸੁਝਾਅ ਨਾਲ ਸਹਿਮਤ ਹਨ, ਅਤੇ ਉਮੀਦ ਜਤਾਈ ਕਿ ਜਲਦ ਹੀ ਸਾਰੀਆਂ ਪਾਰਟੀਆਂ ਵਿਚਕਾਰ ਇਸ ਮਾਮਲੇ ਨੂੰ ਲੈ ਕੇ ਕੋਈ ਸਮਝੌਤਾ ਹੋ ਜਾਵੇਗਾ।
