ਹਮਾਸ ਨਾਲ ਜੰਗਬੰਦੀ ਵਿਚਾਲੇ ਨੇਤਨਯਾਹੂ ਨੇ ਰਫਾਹ ’ਤੇ ਹਮਲਾ ਕਰਨ ਦਾ ਲਿਆ ਸੰਕਲਪ

ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਮੰਗਲਵਾਰ ਨੂੰ ਗਾਜ਼ਾ ਸ਼ਹਿਰ ’ਤੇ ਹਮਲਾ ਕਰਨ ਦਾ ਸੰਕਲਪ ਲਿਆ, ਜੋ ਹਜ਼ਾਰਾਂ ਫਲਸਤੀਨੀਆਂ ਨੂੰ ਪਨਾਹ ਦਿੰਦਾ ਹੈ। ਨੇਤਨਯਾਹੂ ਨੇ ਕਿਹਾ ਕਿ ਇਜ਼ਰਾਈਲ ਹਮਾਸ ਬਟਾਲੀਅਨਾਂ ਨੂੰ ਨਸ਼ਟ ਕਰਨ ਲਈ ‘ਕਿਸੇ ਸਮਝੌਤੇ ਨਾਲ ਜਾਂ ਬਿਨਾਂ’ ਰਫਾਹ ਵਿੱਚ ਦਾਖਲ ਹੋਵੇਗਾ।

ਇਜ਼ਰਾਈਲ ਅਤੇ ਹਮਾਸ ਬੰਧਕਾਂ ਨੂੰ ਛੁਡਾਉਣ ਅਤੇ ਕਰੀਬ ਸੱਤ ਮਹੀਨਿਆਂ ਤੋਂ ਚੱਲੀ ਜੰਗ ਤੋਂ ਕੁਝ ਰਾਹਤ ਦੇਣ ਲਈ ਜੰਗਬੰਦੀ ਸਮਝੌਤੇ ’ਤੇ ਗੱਲਬਾਤ ਕਰ ਰਹੇ ਹਨ। ਨੇਤਨਯਾਹੂ ਨੇ ਯੁੱਧ ਵਿੱਚ ‘ਪੂਰੀ ਜਿੱਤ’ ਪ੍ਰਾਪਤ ਕਰਨ ਦੀ ਸਹੁੰ ਖਾਧੀ ਹੈ ਅਤੇ ਰਫਾਹ ਵਿੱਚ ਹਮਲਾ ਕਰਨ ਲਈ ਆਪਣੀ ਸਰਕਾਰ ਵਿੱਚ ‘ਰਾਸ਼ਟਰਵਾਦੀ’ ਸਹਿਯੋਗੀਆਂ ਦੇ ਦਬਾਅ ਦਾ ਸਾਹਮਣਾ ਕਰ ਰਿਹਾ ਹੈ। ਇਜ਼ਰਾਈਲ ਦਾ ਮੰਨਣਾ ਹੈ ਕਿ ਰਫਾਹ ਸ਼ਹਿਰ ਹਮਾਸ ਦਾ ਆਖਰੀ ਬਾਕੀ ਵੱਡਾ ਗੜ੍ਹ ਹੈ।