13.46C Vancouver 13.46C VancouverMar 24, 2021 7:29 PM -
ਦੱਖਣੀ ਵੈਨਕੂਵਰ ਆਈਲੈਂਡ 'ਤੇ 90 ਤੋਂ ਵਧੇਰੇ ਅਫੋਰਡੇਬਲ ਘਰਾਂ ਨੂੰ ਲਿਆਂਦਾ ਜਾ ਰਿਹਾ ਹੈ।
ਬੀ.ਸੀ. ਅਤੇ ਫੈਡਰਲ ਸਰਕਾਰ ਨੇ ਇਸ ਉਪਰਾਲੇ ਲਈ 13.1 ਮਿਲੀਅਨ ਡਾਲਰ ਦੀ ਫ਼ੰਡਿੰਗ ਦਾ ਐਲਾਨ ਕੀਤਾ ਹੈ।
ਇਹ ਘਰ ਸਾਨਿਚ ਅਤੇ ਸੈਂਟਰਲ ਸਾਨਿਚ ਦੇ ਇਲਾਕੇ 'ਚ ਸਥਾਪਿਤ ਹੋਣਗੇ। ਘਰਾਂ ਦੀ ਉਸਾਰੀ, ਇਸੇ ਸਾਲ ਬਸੰਤ ਜਾਂ ਗਰਮੀ ਦੀ ਰੁੱਤ 'ਚ ਹੋਣ ਦੀ ਆਸ ਹੈ।
ਇਹ ਫ਼ੰਡਿੰਗ ਫੈਡਰਲ ਸਰਕਾਰ ਦੇ ਰੈਪਿਡ ਹਾਊਸਿੰਗ ਇਨੀਸ਼ੀਏਟਿਵ (Rapid Housing Initiative) ਦਾ ਹਿੱਸਾ ਹੈ ਅਤੇ ਇਸ ਦਾ ਟੀਚਾ ਦੇਸ਼ ਭਰ ਵਿੱਚ 4,700 ਅਫੋਰਡੇਬਲ ਹਾਊਸਿੰਗ ਯੂਨਿਟ ਸਥਾਪਿਤ ਕਰਨ ਦਾ ਹੈ।
ਬੀ.ਸੀ. ਸਰਕਾਰ ਵੱਲੋਂ ਇਹਨਾਂ ਪ੍ਰੋਜੈਕਟਸ ਨੂੰ ਸਾਲਾਨਾ ਆਪਰੇਟਿੰਗ ਫੰਡਿੰਗ ਆਸਰੇ ਅਗਲੇ 20 ਸਾਲ ਤਕ ਸਹਿਯੋਗ ਪ੍ਰਦਾਨ ਕੀਤਾ ਜਾਵੇਗਾ।
ਇਹਨਾਂ ਪ੍ਰਾਪਰਟੀਆਂ ਨੂੰ ਸੰਭਾਲਣ ਲਈ ਗੈਰ-ਮੁਨਾਫ਼ਾ ਸੰਗਠਨਾਂ ਨੂੰ ਚੁਣਿਆ ਜਾਵੇਗਾ।
ਬੀ.ਸੀ. 'ਚ ਅਫੋਰਡੇਬਲ ਹਾਊਸਿੰਗ ਲਈ ਜ਼ਿੰਮੇਵਾਰ ਮੰਤਰੀ, ਡੇਵਿਡ ਇਬੀ ਨੇ ਕਿਹਾ ਕਿ ਇਹ ਫ਼ੰਡਿੰਗ ਉਸੇ ਪ੍ਰਕਾਰ ਦੀ ਸਾਂਝੇਦਾਰੀ ਵਿਖਾਉਂਦੀ ਹੈ, ਜਿਸ ਦੀ ਸੂਬੇ ਦੇ ਕਮਜ਼ੋਰ ਲੋਕਾਂ ਨੂੰ ਲੋੜ ਸੀ।
ਇਸ ਫ਼ੰਡਿੰਗ ਦਾ ਐਲਾਨ ਫੈਡਰਲ ਮੰਤਰੀ ਚਿੱਮੜ ਹੁਸੈਨ ਨੇ ਕੀਤਾ ਹੈ।
