11.54C Vancouver 11.54C VancouverOct 27, 2022 10:18 PM - Connect News
ਬੀ.ਸੀ. ਦੇ ਪ੍ਰੀਮਿਅਰ ਡੈਜ਼ੀਗਨੇਟ ਡੇਵਿਡ ਇਬੀ ਸੂਬੇ ਦੇ 37ਵੇਂ ਪ੍ਰੀਮਿਅਰ ਵਜੋਂ 18 ਨਵੰਬਰ ਨੂੰ ਸਹੁੰ ਚੁੱਕਣਗੇ।
18 ਨਵੰਬਰ ਦਾ ਦਿਨ ਸ਼ੁੱਕਰਵਾਰ ਹੈ ਅਤੇ ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਦੀ ਮੌਜੂਦਗੀ 'ਚ ਡੇਵਿਡ ਇਬੀ ਵੱਲੋਂ ਸੂਬੇ ਦੇ ਅਗਲੇ ਪ੍ਰੀਮਿਅਰ ਵਜੋਂ ਸਹੁੰ ਚੁੱਕੀ ਜਾਵੇਗੀ।
ਇਹ ਸਮਾਗਮ ਗਵਰਨਮੈਂਟ ਹਾਊਸ ਵਿਖੇ ਹੋਵੇਗਾ ਅਤੇ ਇਸ ਦੀ ਟਾਈਮਿੰਗ ਅਤੇ ਮੀਡੀਆ ਕਵਰੇਜ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਜਾਣੀ ਬਾਕੀ ਹੈ।
ਇਬੀ ਦੀ ਲੈਜਿਸਲੇਟਿਵ ਅਸੈਂਬਲੀ ਨਾਲ ਬਤੌਰ ਪ੍ਰੀਮਿਅਰ 21 ਨਵੰਬਰ ਨੂੰ ਮੁਲਾਕਾਤ ਹੋਵੇਗੀ।
ਯਾਦ ਰਹੇ ਬੀ.ਸੀ. ਦੀ ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਬੁੱਧਵਾਰ ਨੂੰ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨਾਲ ਮੁਲਾਕਾਤ ਕੀਤੀ ਸੀ।
ਜੈਨੇਟ ਔਸਟਿਨ ਨੇ ਹੌਰਗਨ ਦੀ ਸਲਾਹ ਮਨਜੂਰ ਕਰ ਲਈ ਸੀ ਕਿ ਡੇਵਿਡ ਇਬੀ ਨੂੰ ਸੂਬੇ ਦਾ ਨਵਾਂ ਪ੍ਰੀਮਿਅਰ ਥਾਪਿਆ ਜਾਵੇ।
ਲਿਊਟਨੈਂਟ ਗਵਰਨਰ ਨੇ ਪ੍ਰੀਮਿਅਰ ਹੌਰਗਨ ਦਾ ਅਸਤੀਫਾ ਵੀ ਮਨਜੂਰ ਕਰ ਲਿਆ ਸੀ।
ਨਵੇਂ ਪ੍ਰੀਮਿਅਰ ਦੇ ਸਹੁੰ ਚੁੱਕਣ ਦੇ ਨਾਲ ਹੀ ਇਹ ਅਸਤੀਫਾ ਲਾਗੂ ਹੋ ਜਾਵੇਗਾ।
ਇਸ ਦੇ ਨਾਲ ਹੀ ਜੈਨੇਟ ਔਸਟਿਨ ਨੇ ਪ੍ਰੀਮਿਅਰ ਡੈਜ਼ੀਗਨੇਟ ਡੇਵਿਡ ਇਬੀ ਨਾਲ ਵੀ ਮੁਲਾਕਾਤ ਕੀਤੀ ਸੀ।
ਲਿਊਟਨੈਂਟ ਗਵਰਨਰ ਨੇ ਪ੍ਰੀਮਿਅਰ ਹੌਰਗਨ ਦੀ ਨਿਭਾਈ ਸੇਵਾ ਲਈ ਧੰਨਵਾਦ ਕੀਤਾ ਸੀ।
