15.92C Vancouver 15.92C VancouverOct 6, 2021 9:34 PM -
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਨਵੇਂ ਮੈਂਡੇਟੋਰੀ ਐਂਟਰੀ ਲੈਵਲ ਟਰੇਨਿੰਗ ਪ੍ਰੋਗਰਾਮ ਨਾਲ ਸੂਬੇ ਦੇ ਟਰੱਕ ਚਾਲਕ ਵਧੇਰੇ ਸਕਿੱਲਫੁਲ ਬਣ ਸਕਣਗੇ।
ਟਰਾਂਸਪੋਰਟੇਸ਼ਨ ਮੰਤਰਾਲੇ ਦਾ ਕਹਿਣਾ ਹੈ ਕਿ ਅਗਲੇ ਸੋਮਵਾਰ ਤੋਂ ਜੋ ਕੋਈ ਵੀ ਬੀ.ਸੀ. ਕਲਾਸ 1 ਡਰਾਈਵਰਸ ਲਾਈਸੈਂਸ ਲਈ ਅਪਲਾਈ ਕਰੇਗਾ, ਉਨ੍ਹਾਂ ਨੂੰ ਰੋਡ ਟੈਸਟ ਤੋਂ ਪਹਿਲਾਂ ਕਾਮਯਾਬੀ ਨਾਲ ਟਰੇਨਿੰਗ ਪ੍ਰੋਗਰਾਮ ਪੂਰਾ ਕਰਨਾ ਹੋਵੇਗਾ।
ਏਅਰ ਬ੍ਰੇਕਸ ਵਾਲੇ ਟਰੱਕ ਅਤੇ ਟਰੇਲਰ ਰਿਗਸ ਦੇ ਆਪਰੇਟਰਸ ਲਈ ਕਲਾਸ 1 ਲਾਈਸੈਂਸ ਹਾਸਿਲ ਕਰਨਾ ਜਰੂਰੀ ਹੈ।
ਮੰਤਰਾਲੇ ਦੇ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਇਹ ਪ੍ਰੋਗਰਾਮ ਇੱਕ ਨਵੇਂ ਟਰੱਕ ਡਰਾਈਵਰ ਟਰੇਨਿੰਗ ਫਰੇਮਵਰਕ ਨਾਲ ਅਲਾਈਨ ਕੀਤਾ ਗਿਆ ਹੈ।
ਇਸ ਫਰੇਮਵਰਕ ਨੂੰ ਨੈਸ਼ਨਲ ਸੇਫਟੀ ਕੋਡ ਤਹਿਤ ਫਰਵਰੀ 2020 'ਚ ਕੈਨੇਡਾ 'ਚ ਲਾਗੂ ਕੀਤਾ ਗਿਆ ਸੀ।
ਆਪਣੇ 18 ਸਾਲਾ ਪੁੱਤਰ ਲੋਗਨ ਨੂੰ ਸਾਲ 2018 ਦੇ ਹੰਬੋਲਟ ਬਰੌਂਕਸ ਕਰੈਸ਼ 'ਚ ਗਵਾਉਣ ਵਾਲੇ ਲੌਰੈਂਸ ਅਤੇ ਗਿਨੀ ਹੰਟਰ ਨੇ ਘਟਨਾ ਤੋਂ ਬਾਅਦ ਦੇਸ਼ 'ਚ ਬਿਹਤਰ ਟਰੱਕ ਡਰਾਈਵਿੰਗ ਟਰੇਨਿੰਗ ਦੀ ਮੰਗ ਕੀਤੀ ਸੀ।
ਇਨ੍ਹਾਂ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਸ਼ੁਰੂ ਕੀਤਾ ਜਾ ਰਿਹਾ ਪ੍ਰੋਗਰਾਮ ਦੇਸ਼ 'ਚ ਕਮਰਸ਼ਲ ਸੇਫਟੀ ਲਈ ਚੰਗਾ ਉਦਾਹਰਣ ਪੇਸ਼ ਕਰੇਗਾ।
