9.33C Vancouver 9.33C VancouverSep 25, 2025 6:22 PM - The Canadian Press
ਬੀ. ਸੀ. ਗ੍ਰੀਨ ਪਾਰਟੀ ਦੀ ਨਵੀਂ ਲੀਡਰ ਐਮਿਲੀ ਲੋਵਨ ਨੇ ਸਰਕਾਰ ਨੂੰ ਸ਼ਹਿਰਾਂ ਲਈ ਸਥਾਈ ਫੰਡਿੰਗ ਸਥਾਪਿਤ ਕਰਨ ਦੀ ਮੰਗ ਕੀਤੀ ਹੈ। ਲੋਵਨ ਨੇ ਕਿਹਾ ਕਿ ਸੂਬਾ ਸਰਕਾਰ ਸੋਸ਼ਲ ਸਰਵਿਸ ਦਾ ਨਿੱਜੀਕਰਨ ਕਰ ਰਹੀ ਹੈ ਅਤੇ ਕਾਰਪੋਰੇਸ਼ਨਾਂ ਨੂੰ ਸਬਸਿਡੀ ਦੇ ਰਹੀ ਹੈ, ਜਦੋਂ ਕਿ ਇਨ੍ਹਾਂ ਦੇ ਖਰਚੇ ਨਗਰ ਪਾਲਿਕਾਵਾਂ 'ਤੇ ਪਾ ਰਹੀ ਹੈ।
ਉਨ੍ਹਾਂ ਇਸ ਦੇ ਹੱਲ ਵਜੋਂ ਜਾਇਦਾਦ ਟੈਕਸ ਅਤੇ ਵਿੰਡਫਾਲ ਪ੍ਰੋਫਿਟ ਟੈਕਸ ਦਾ ਸੁਝਾਅ ਦਿੱਤਾ।ਲੋਵਨ ਨੇ ਕਿਹਾ ਕਿ ਇਨ੍ਹਾਂ ਕਦਮਾਂ ਨਾਲ ਸੋਸ਼ਲ ਸਰਵਿਸ ਦੀ ਫੰਡਿੰਗ ਲਈ ਪੈਸਾ ਆਵੇਗਾ ਅਤੇ ਇਹ ਯਕੀਨੀ ਹੋਵੇਗਾ ਕਿ ਬੀ. ਸੀ. ਦੇ ਸਭ ਤੋਂ ਅਮੀਰ ਕਾਰਪੋਰੇਸ਼ਨਾਂ ਤੇ 1 ਫੀਸਦੀ ਲੋਕ ਆਪਣਾ ਬਣਦਾ ਹਿੱਸਾ ਅਦਾ ਕਰ ਰਹੇ ਹਨ।
ਉਨ੍ਹਾਂ ਇਹ ਟਿੱਪਣੀਆਂ ਵੀਰਵਾਰ ਨੂੰ ਯੂਨੀਅਨ ਔਫ ਬ੍ਰਿਟਿਸ਼ ਕੋਲੰਬੀਆ ਮਿਉਂਸਪੈਲਟੀਜ਼ ਦੇ ਸਾਲਾਨਾ ਸੰਮੇਲਨ ਵਿਚ ਡੈਲੀਗੇਟ ਨੂੰ ਸੰਬੋਧਨ ਕਰਦਿਆਂ ਕੀਤੀਆਂ, ਇੱਕ ਦਿਨ ਪਹਿਲਾਂ ਹੀ ਐਮਿਲੀ ਲੋਵਨ ਨੇ ਬੀ. ਸੀ. ਗ੍ਰੀਨ ਪਾਰਟੀ ਦੀ ਲੀਡਰਸ਼ਿਪ ਚੋਣ ਜਿੱਤੀ ਸੀ। ਲੋਵਨ ਨੇ ਕਿਹਾ ਕਿ ਸੂਬਾ ਸਰਕਾਰ ਨੂੰ ਸ਼ਹਿਰਾਂ ਲਈ ਫੰਡਿੰਗ ਵਧਾਉਣ ਅਤੇ ਸਥਾਨਕ ਅਧਿਕਾਰ ਖੇਤਰ ਵਿਚ ਦਖ਼ਲ ਦੇਣ ਤੋਂ ਪਿੱਛੇ ਹਟਣ ਦੀ ਲੋੜ ਹੈ।
