7.55C Vancouver 7.55C VancouverFeb 25, 2020 5:17 PM -
ਹੈਮਿਲਟਨ ਦੇ ਨਜ਼ਦੀਕ ਲਾਏ ਗਏ ਨਾਕੇ ਕਾਰਨ ਟਰਾਂਟੋ ਨੂੰ ਕਮਿਊਟਰ ਟਰੇਨਾਂ ਰਾਹੀਂ ਰੋਜ਼ਾਨਾ ਜਾਂਦੇ ਹਜ਼ਾਰਾਂ ਯਾਤਰੀਆਂ ਨੂੰ ਅੱਜ ਸਵੇਰ ਤੋਂ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਸੋਮਵਾਰ ਸ਼ਾਮ ਤੋਂ ਗੋ (GO) ਟਰੇਨ ਸਰਵਿਸ ਬੰਦ ਕਰਨੀ ਪਈ ਹੈ।
ਇਹ ਨਾਕਾ ਪਾਈਪਲਾਈਨ ਦਾ ਵਿਰੋਧ ਕਰਨ ਵਾਲੇ ਵੈਟ’ਸੁ’ਵੈਟ’ਇਨ ਸਟਰੌਂਗ: ਹੈਮਿਲਟਨ ਇਨ ਸੌਲੀਡੈਰਿਟੀ (Wet'suwet'en Strong: Hamilton in Solidarity) ਨਾਂ ਦੇ ਗਰੁੱਪ ਵਲੋਂ ਲਾਇਆ ਗਿਆ ਹੈ।
ਗਰੁੱਪ ਵਲੋਂ ਫੇਸਬੁੱਕ ਉੱਤੇ ਇਹ ਸੁਨੇਹਾ ਸਾਂਝਾ ਕੀਤਾ ਗਿਆ ਕਿ, “ਇਹ ਇੱਕ ਨਵਾਂ ਦਿਨ ਹੈ ਅਤੇ ਅਸੀਂ ਸੀ.ਐੱਨ.ਰੇਲ ਵੱਲੋਂ ਦਿੱਤੇ ਗਏ ਅਦਾਲਤੀ ਹੁਕਮ ਨੂੰ ਸਾੜ ਕੇ ਇਸ ਦੀ ਸ਼ੁਰੂਆਤ ਕਰ ਰਹੇ ਹਾਂ”।
ਸੋਮਵਾਰ ਨੂੰ ਓਨਟਾਰਿਓ ਵਿੱਚ ਬੈੱਲਵਿਲ ਦੇ ਨਜ਼ਦੀਕ, ਟੈਨਡਿਨਾਗਾ ਮੋਹਾਕ ਟੈਰੀਟੋਰੀ ਵਿੱਚ ਰੇਲ ਨਾਕੇ ਨੂੰ ਹਟਾਉਣ ਵਾਸਤੇ, ਪੁਲਿਸ ਵਲੋਂ ਦਰਜਨਾਂ ਪ੍ਰਦਰਸ਼ਨਕਾਰੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ।
ਟੋਰਾਂਟੋ ਅਤੇ ਮਾਂਟਰੀਅਲ ਦੇ ਵਿੱਚਕਾਰ ਰੇਲ ਸੇਵਾਵਾਂ ਹਾਲੇ ਵੀ ਰੱਦ ਹਨ।
ਵੈਨਕੂਵਰ ਵਿੱਚ ਪ੍ਰਦਰਸ਼ਨਕਾਰੀਆਂ ਨੇ ਪੋਰਟ ਆਫ ਵੈਨਕੂਵਰ ਨੂੰ ਜਾਂਦੀ ਇੱਕ ਵੱਡੀ ਇੰਟਰਸੈਕਸ਼ਨ ਨੂੰ ਵੀ ਰੋਕਿਆ ਹੋਇਆ ਹੈ।
