13.96C Vancouver 13.96C VancouverJun 11, 2022 12:06 AM - The Canadian Press
ਕੈਨੇਡਾ ਦੇ ਵਿੱਚ ਹੁਣ ਸਿਗਰੇਟ ਦਾ ਇਸਤੇਮਾਲ ਕਰਨ ਵਾਲੇ ਲੋਕਾਂ ਨੂੰ ਆਪਣੇ ਸਿਗਰੇਟ ਸੇਵਨ ਦੇ ਮੌਕੇ 'ਤੇ ਕੁਝ ਬਦਲਾਅ ਵੇਖਣ ਨੂੰ ਮਿਲਣਗੇ।
ਪਹਿਲਾਂ ਸਿਗਰੇਟਸ ਦੇ ਪੈਕੇਜ 'ਤੇ ਲਿਖਿਆ ਵੇਖਣ ਨੂੰ ਮਿਲਦਾ ਸੀ ਕਿ ਸਿਗਰੇਟ ਸਿਹਤ ਲਈ ਹਾਨੀਕਾਰਕ ਹੈ।
ਪਰ ਹੁਣ ਪੈਕੇਜ ਦੇ ਵਿੱਚ ਹਰ ਸਿਗਰੇਟ 'ਤੇ ਵੀ ਇਹੀ ਚੇਤਾਵਨੀ ਹੋਵੇਗੀ।
ਐਡਿਕਸ਼ਨਸ ਮੰਤਰੀ, ਕੈਰੋਲੀਨ ਬੈਨੇਟ ਦਾ ਕਹਿਣਾ ਸੀ ਕਿ ਇਸ ਕਦਮ ਨਾਲ ਵਧ ਤੋਂ ਵਧ ਲੋਕਾਂ ਤਕ ਪਹੁੰਚ ਕਰਨ ਦੀ ਕੋਸ਼ਿਸ਼ ਹੋਵੇਗੀ ਕਿ ਲੋਕਾਂ ਨੂੰ ਸਿਗਰੇਟ ਸੇਵਨ ਦੇ ਖਤਰੇ ਤੋਂ ਜਾਣੂ ਕਰਵਾਇਆ ਜਾ ਸਕੇ।
ਉਨ੍ਹਾਂ ਕਿਹਾ ਬਹੁਤ ਸਾਰਾ ਯੁਵਾ ਵਰਗ ਸਿਗਰੇਟ ਦੇ ਡੱਬੇ ਖਰੀਦਦਾ ਨਹੀਂ ਬਲਕਿ ਇੱਕੋ ਡੱਬੇ ਵਿੱਚੋਂ ਇੱਕ-ਦੂਜੇ ਨਾਲ ਸਿਗਰੇਟਸ ਸਾਂਝੀਆਂ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਕਦਮ ਨਾਲ ਯੁਵਾ ਵਰਗ ਨੂੰ ਹੱਥ 'ਚ ਫੜੀ ਸਿਗਰੇਟ ਬਾਰੇ ਉਸ 'ਤੇ ਲਿਖੇ ਖਤਰੇ ਬਾਰੇ ਪਤਾ ਲੱਗ ਸਕੇਗਾ।
ਕੈਨੇਡਾ ਵਿਸ਼ਵ ਦਾ ਪਹਿਲਾ ਅਜਿਹਾ ਦੇਸ਼ ਹੋਵੇਗਾ ਜੋ ਇਸ ਪ੍ਰਕਾਰ ਦਾ ਕਦਮ ਚੁੱਕਣ ਦਾ ਮਨ ਬਣਾ ਰਿਹਾ ਹੈ।
ਇਸ ਸੰਬੰਧੀ 75 ਦਿਨ ਦਾ ਕੰਸਲਟੇਸ਼ਨ ਪੀਰੀਅਡ ਕੱਲ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ।
ਕੈਰੋਲੀਨ ਬੈਨੇਟ ਨੇ ਸਿਗਰੇਟ ਦੇ ਡੱਬਿਆਂ 'ਤੇ ਵਧੇਰੇ ਸਿਹਤ ਸੰਬੰਧੀ ਖਤਰਿਆਂ ਦੀ ਸੂਚੀ ਜਾਰੀ ਕਰਨ ਸੰਬੰਧੀ ਵੇਰਵੇ ਵੀ ਸਾਂਝੇ ਕੀਤੇ।
