ਦੁਨੀਆ ਦੇ ਸਭ ਤੋਂ ਮੋਹਰੀ ਅੰਗਰੇਜ਼ੀ ਟੈਸਟ ਲਈ ਨਵਾਂ ਦੌਰ:ਆਈਡੀਪੀ ਨੇ ਖ਼ਰੀਦਿਆ ਭਾਰਤ ਵਿੱਚ ਬ੍ਰਿਟਿਸ਼ ਕਾਉਂਸਿਲ ਦਾ ਆਈਲਸ ਕਾਰੋਬਾਰ

ਦੁਨੀਆਂ ਦੇ ਸਭ ਤੋਂ ਮਸ਼ਹੂਰ ਜੋਖਿਮ ਵਾਲੇ ਅੰਗਰੇਜ਼ੀ ਬੋਲੀ ਦੇ ਟੈਸਟ, ਆਈਲਸ ਦੇ ਦੋ ਭਾਈਵਾਲ, ਆਈ ਡੀ ਪੀ ਅਤੇ ਬ੍ਰਿਟਿਸ਼ ਕਾਉਂਸਿਲ ਨੇ ਅੱਜ ਐਲਾਨ ਕੀਤਾ ਹੈ ਕਿ ਬ੍ਰਿਟਿਸ਼ ਕਾਉਂਸਿਲ ਭਾਰਤ ਵਿਚਲਾ ਆਪਣਾ ਆਈਲਸ ਦਾ ਕਾਰੋਬਾਰ ਆਈ ਡੀ ਪੀ ਨੂੰ ਵੇਚੇਗਾ।

ਇਸਦਾ ਮਤਲਬ ਹੈ ਕਿ ਭਾਰਤ ਵਿੱਚ ਆਈਲਸ ਟੈਸਟ ਆਈਡੀਪੀ ਵੱਲੋਂ ਹੀ ਕਰਾਏ ਜਾਣਗੇ।

ਇਸ ਸਮਝੌਤੇ ਮੁਤਾਬਕ, ਆਈਡੀਪੀ ਬ੍ਰਿਟਿਸ਼ ਕਾਉਂਸਿਲ ਦਾ ਭਾਰਤ ਵਿਚਲਾ 100 ਫ਼ੀਸਦ ਕਾਰੋਬਾਰ, ਕਰਜ਼ਾ ਮੁਕਤ ਅਤੇ ਨਕਦ ਮੁਕਤ ਤਰੀਕੇ, 130 ਮਿਲੀਅਨ ਪਾਊਂਡ ਵਿੱਚ ਹਾਸਲ ਕਰੇਗਾ।

ਸਮਝੌਤੇ ਮੁਤਾਬਕ ਭਾਰਤ ਵਿੱਚ ਬ੍ਰਿਟਿਸ਼ ਕਾਉਂਸਿਲ ਦੇ ਆਈਲਸ ਦੇ ਕਾਮੇ ਹੁਣ ਆਈਡੀਪੀ ਦਾ ਹਿੱਸਾ ਹੋਣਗੇ।

ਲੈਣ-ਦੇਣ ਰਵਾਇਤੀ ਸ਼ਰਤਾਂ ਮੁਤਾਬਕ ਅਗਸਤ ਮਹੀਨੇ ਵਿੱਚ ਹੋਣ ਦੀ ਸੰਭਾਵਨਾ ਹੈ।

ਇੰਟਰਨੈਸ਼ਨਲ ਇੰਗਲਿਸ਼ ਲੈਂਗੂਏਜ ਟੈਸਟਿੰਗ ਸਿਸਟਮ, ਜਾਂ ਆਈਲਸ, ਪੜ੍ਹਨ ਜਾਂ ਪਰਵਾਸ ਲਈ ਦੁਨੀਆਂ ਦਾ ਅੰਗਰੇਜ਼ੀ ਜ਼ਬਾਨ ਦਾ ਸਭ ਤੋਂ ਮਸ਼ਹੂਰ ਟੈਸਟ ਹੈ, ਜਿਸ 'ਤੇ ਪੂਰੀ ਦੁਨੀਆਂ ਦੇ 10,000 ਤੋਂ ਵੀ ਵੱਧ ਅਦਾਰਿਆਂ ਵੱਲੋਂ, ਅੰਗਰੇਜ਼ੀ 'ਚ ਮਹਾਰਤ ਲਈ ਇੱਕ ਸੁਰੱਖਿਅਤ ਅਤੇ ਭਰੋਸੇਯੋਗ ਮਾਣਕ ਦੇ ਤੌਰ 'ਤੇ ਭਰੋਸਾ ਕੀਤਾ ਜਾਂਦਾ ਹੈ।

ਇਸ ਸੌਦੇ ਦਾ ਸਭ ਤੋਂ ਅਹਿਮ ਫ਼ਾਇਦਾ ਇਹ ਹੈ ਕਿ ਗਾਹਕ ਉਸ ਟੈਸਟ ਨੂੰ ਲਗਤਾਰ ਦੇ ਸਕਣਗੇ, ਜਿਸਨੂੰ ਉਹ ਜਾਣਦੇ ਹਨ ਅਤੇ ਜਿਸ 'ਤੇ ਉਹ ਯਕੀਨ ਕਰਦੇ ਹਨ।

ਆਈਡੀਪੀ ਦੇ ਸੀਈਓ, ਐਂਡ੍ਰਿਊ ਬਰਕਲਾ ਨੇ ਆਖਿਆ,"ਇਹ ਸਮਝੌਤਾ, ਭਾਰਤ ਵਿੱਚ ਆਈਲਸ ਦੇ ਨਵੇਂ ਦੌਰ ਦੀ ਸ਼ੁਰੂਆਤ ਹੈ।"

ਸ਼੍ਰੀ ਮਾਨ ਬਰਕਲਾ ਨੇ ਆਖਿਆ,"ਦੋ ਮਾਹਰ ਟੀਮਾਂ ਇਕੱਠੀਆਂ ਹੋਣ ਨਾਲ, ਟੈਸਟ ਲੈਣ ਵਾਲੇ ਹੋਰ ਵੀ ਭਰੋਸਾ ਮਹਿਸੂਸ ਕਰਨਗੇ ਕਿ ਉਹ ਸੰਸਾਰ ਦੇ ਇਸ ਮੋਹਰੀ ਟੈਸਟ ਲੈਣ ਵਾਲੀ ਪ੍ਰਣਾਲੀ ਦਾ ਸਭ ਤੋਂ ਉੱਤਮ ਤਜ਼ਰਬਾ ਲੈ ਰਹੇ ਹਨ।"

"ਸਾਡੇ ਟੈਸਟ ਲੈਣ ਵਾਲੇ ਵੀ ਪਹਿਲਾਂ ਤੋਂ ਹੀ ਯੋਜਨਾਬੱਧ ਤਰੀਕੇ ਨਾਲ ਤਿਆਰ ਟੈਸਟ ਲਈ ਤਿਆਰੀ 'ਤੇ ਫੋਕਸ ਕਰ ਸਕਣਗੇ ਅਤੇ ਸਾਡੀ ਟੀਮ ਇਹ ਵੇਖਣ ਲਈ ਹੈ ਹੀ, ਕਿ ਟੈਸਟ ਵਾਲੇ ਦਿਨ ਸਭ ਕੁਝ ਠੀਕ ਹੋਵੇ,"ਉਨ੍ਹਾਂ ਆਖਿਆ।

"ਆਈਲਸ ਦੇ 30 ਸਾਲਾਂ ਦੇ ਇਤਿਹਾਸ ਅਤੇ ਗਲੋਬਲ ਭਾਈਵਾਲੀ ਮਾਡਲ ਦਾ ਮਤਲਬ ਹੈ ਕਿ ਇਸਦੀ ਗੁਣਵੱਤਾ ਗਲੋਬਲ ਪੱਧਰ 'ਤੇ ਮਾਨਕਾਂ ਨੂੰ ਪੂਰਾ ਕਰਦੀ ਹੈ ਅਤੇ ਇਸਦੀ ਇਮਾਨਦਾਰੀ ਭਰਿਆ ਕੰਮ ਹਰ ਅਦਾਰੇ ਵਿੱਚ ਪਹਿਲਾਂ ਤੋਂ ਹੀ ਸਭ ਜਾਣਦੇ ਹਨ,"ਉਨ੍ਹਾਂ ਆਖਿਆ।

ਬਰਕਲਾ ਨੇ ਆਖਿਆ ਕਿ ਇਹ ਸਮਝੌਤਾ ਭਾਰਤ ਵਿੱਚ ਕਈ ਲੋਕਾਂ ਨੂੰ ਉਨ੍ਹਾਂ ਦੇ ਗਲੋਬਲ ਟੀਚਿਆਂ ਨੂੰ ਪੂਰਾ ਕਰਨ ਲਈ, ਮੁੜ ਉਹਨਾਂ ਵਿਚ ਜੋਸ਼ ਭਰੇਗਾ।

"ਇਹ ਸਮਝੌਤਾ ਸਾਨੂੰ ਮਾਹਰ ਟੀਮਾਂ, ਮਜ਼ਬੂਤ ਰਣਨੀਤੀ ਅਤੇ ਭਾਰਤ ਦੇ ਵੱਡੇ ਭੂਗੋਲਿਕ ਖੇਤਰ ਵਿੱਚ ਸਾਨੂੰ ਅੱਗੇ ਲੈਕੇ ਜਾਵੇਗਾ,"ਉਨ੍ਹਾਂ ਆਖਿਆ।

"ਅਸੀਂ ਮਿਲ ਕੇ ਭਾਰਤ ਵਿੱਚ ਜ਼ਿਆਦਾ ਲੋਕਾਂ ਦੀ ਗਲੋਬਲ ਪੱਧਰ 'ਤੇ ਪੜ੍ਹਾਈ, ਕੰਮ ਅਤੇ ਕਿੱਤੇ ਲਈ ਪਹਿਲੇ ਕਦਮ ਵਿੱਚ ਮਦਦ ਕਰ ਸਕਣ ਲਈ ਸਹੀ ਹਾਲਤ ਵਿੱਚ ਹਾਂ,"ਬ੍ਰਿਟਿਸ਼ ਕਾਉਂਸਿਲ ਦੀ ਅੰਤਰਿਮ ਸੀਈਓ, ਕੇਟ ਐਵਰਟ-ਬਿਗਸ ਨੇ ਭਾਰਤ ਵਿੱਚ ਇਸਦੀਆਂ ਵੱਡੇ ਪੱਧਰ 'ਤੇ ਦਿੱਤੀਆਂ ਸੇਵਾਵਾਂ ਦੀ ਵਚਨਬੱਧਤਾ ਨੂੰ ਦੁਹਰਾਉਂਦਿਆਂ ਆਖਿਆ।

"ਆਈਲਸ ਨੂੰ ਸਿਰਫ਼ ਆਈਡੀਪੀ ਜ਼ਰੀਏ ਵੰਡਣਾ ਭਾਰਤ ਵਿੱਚ ਹੁਣ ਗਾਹਕਾਂ ਦੇ ਆਈਲਸ ਟੈਸਟ ਦੇ ਤਜ਼ਰਬੇ ਨੂੰ ਹੋਰ ਸੌਖਾ ਅਤੇ ਬਿਹਤਰ ਬਣਾਵੇਗਾ। ਜਿਵੇਂ ਕਿ ਆਈਡੀਪੀ ਪਹਿਲਾਂ ਤੋਂ ਹੀ ਭਾਰਤ ਵਿੱਚ ਆਪਣੀਆਂ ਸੇਵਾਵਾਂ ਦੇ ਰਿਹਾ ਹੈ, ਇਸਦੀਆਂ ਆਈਲਸ ਗਾਹਕਾਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਉੱਚ ਗੁਣਵੱਤਾ ਦੀਆਂ ਸੇਵਾਵਾਂ ਉਸੇ ਤਰਾਂ ਹੀ ਰਹਿਣਗੀਆਂ।"

"ਇਹ ਯਕੀਨੀ ਕਰਨ ਲਈ ਕਿ ਅਸੀਂ ਗਲੋਬਲ ਸਭਿਆਚਾਰਕ ਸਬੰਧਾਂ ਦੀ ਮੁਹਿੰਮ ਦੀ ਸੇਵਾ ਲਗਾਤਾਰ ਦਿੰਦੇ ਰਹੇ ਹਾਂ, ਅਸੀਂ 2020 ਵਿੱਚ ਆਈਡੀਪੀ ਨਾਲ ਅੰਗਰੇਜ਼ੀ ਪ੍ਰੀਖਿਆ ਕਾਰੋਬਾਰ ਲਈ ਨਵੇਂ ਰਣਨੀਤਿਕ ਵਿਕਲਪ ਲੱਭੇ ਹਨ। ਇਸ ਸੌਦੇ ਨਾਲ ਕੋਵਿਡ-19 ਦੇ ਬ੍ਰਿਟਿਸ਼ ਕਾਉਂਸਿਲ ਦੇ ਵਿੱਤ 'ਤੇ ਪਏ ਪ੍ਰਭਾਵ ਨਾਲ, ਵਿੱਤੀ ਹਾਲਾਤ ਸੁਧਰਣਗੇ,"ਐਵਰਟ-ਬਿਗਸ ਨੇ ਆਖਿਆ।

" ਭਾਰਤ ਵਿੱਚ ਸਾਡਾ ਬ੍ਰਿਟਿਸ਼ ਕਾਉਂਸਿਲ ਦਾ ਕੰਮ ਵੱਡੇ ਪੱਧਰ 'ਤੇ ਚੱਲਦਾ ਰਹੇਗਾ। ਯੂਨਾਈਟਿਡ ਕਿੰਗਡਮ ਅਤੇ ਭਾਰਤ ਦਰਮਿਆਨ ਸਾਡੇ ਕਲਾ, ਸਿੱਖਿਆ, ਮੁਲਾਂਕਣਅਤੇ ਅੰਗਰੇਜ਼ੀ ਭਾਸ਼ਾ ਜ਼ਰੀਏ ਭਰੋਸਾ ਅਤੇ ਆਪਸੀ ਸਮਝ ਵਧਾਉਣ ਦੇ ਟੀਚੇ ਪ੍ਰਤੀ ਅਸੀਂ ਵਚਨਬੱਧ ਹਾਂ।"

"ਅਸੀਂ ਭਾਰਤ ਵਿਚਲੇ ਆਪਣੇ ਸਟਾਫ਼ ਦੀ ਸਖ਼ਤ ਮਿਹਨਤ ਦੀ ਸ਼ਲਾਘਾ ਕਰਦੇ ਹਾਂ, ਜਿਨ੍ਹਾਂ ਨੇ ਕਈ ਸਾਲਾਂ ਤੋਂ ਲਗਾਤਾਰ ਕੰਮ ਕੀਤਾ ਹੈ, ਖ਼ਾਸਕਰ ਕੋਵਿਡ-19 ਮਹਾਮਾਰੀ ਦੌਰਾਨ। ਭਾਰਤ ਵਿੱਚ ਇਹ ਸਾਡੀ ਬ੍ਰਿਟਿਸ਼ ਇੰਡੀਆ ਦੀ ਮੋਹਰੀ ਟੀਮ ਹੈ, ਜੋ ਹੁਣ ਆਈਡੀਪੀ 'ਚ ਤਬਦੀਲ ਹੋ ਰਹੀ ਹੈ, ਜਿਨ੍ਹਾਂ ਨੇ ਹਰ ਸਾਲ ਆਪਣੀ ਪੂਰੀ ਵਾਹ ਸੁਰੱਖਿਅਤ ਅਤੇ ਭਰੋਸੇਯੋਗ ਟੈਸਟਿੰਗ ਸੇਵਾਵਾਂ ਦੇਣ 'ਚ ਲਾਈ।"

ਇਹ ਖ਼ਬਰ ਪੀਆਰ ਨਿਊਜ਼ਵਾਇਰ ਵੱਲੋਂ ਦਿੱਤੀ ਗਈ ਹੈ। ਇਸ ਆਰਟੀਕਲ ਦੀ ਸਮੱਗਰੀ ਲਈ ਖ਼ਬਰ ਏਜੇਂਸੀ ਏਐੱਨਆਈ ਜ਼ਿਮੇਵਾਰ ਨਹੀਂ ਹੈ।