30.09C Vancouver 30.09C VancouverJan 22, 2021 2:12 AM -
ਵੈਨਕੂਵਰ ਡਾਊਨਟਾਊਨ 'ਚ ਸਥਿਤ ਸੇਂਟ ਪੌਲਸ ਹਸਪਤਾਲ 'ਚ ਕੋਵਿਡ-19 ਦੀ ਨਵੀਂ ਆਊਟਬ੍ਰੇਕ ਐਲਾਨੀ ਗਈ ਹੈ।
ਹਸਪਤਾਲ ਦੀ 6ਵੀਂ ਮੰਜਿਲ 'ਤੇ ਸਥਿਤ ਰੀਨਲ ਯੂਨਿਟ 'ਚ ਆਊਟਬ੍ਰੇਕ ਐਲਾਨਿਆ ਗਿਆ ਹੈ।
ਇਸ ਹਸਪਤਾਲ ਨੂੰ ਚਲਾਉਣ ਵਾਲੇ ਪਰੌਵਿਡੈਂਸ ਕੇਅਰ ਦਾ ਕਹਿਣਾ ਹੈ ਕਿ ਆਊਟਬ੍ਰੇਕ ਕੱਲ ਹੀ ਐਲਾਨ ਦਿੱਤਾ ਗਿਆ ਸੀ।
ਇਸ ਤੋਂ ਪਹਿਲਾਂ ਵੀ ਹਸਪਤਾਲ ਦੇ 'ਹਾਰਟ ਕੇਅਰ ਸੈਂਟਰ' ਅਤੇ 'ਕਾਰਡੀਐਕ ਸਰਜਰੀ ਇੰਟੈਂਸਿਵ ਕੇਅਰ ਯੂਨਿਟ' 'ਚ ਆਊਟਬ੍ਰੇਕ ਐਲਾਨੇ ਜਾ ਚੁੱਕੇ ਹਨ।
ਹਸਪਤਾਲ ਦੇ ਰੀਨਲ ਯੂਨਿਟ ਦੀਆਂ ਸੇਵਾਵਾਂ ਨੂੰ ਫਿਲਹਾਲ ਹੋਰ ਇਲਾਕਿਆਂ 'ਚ ਜਾਰੀ ਰੱਖਿਆ ਜਾ ਰਿਹਾ ਹੈ, ਜਦਕਿ ਨਵੇਂ ਐਡਮਿਸ਼ਨ ਫਿਲਹਾਲ ਰੋਕ ਦਿੱਤੇ ਗਏ ਹਨ।
ਹਾਲਾਂਕਿ ਬਾਕੀ ਦੇ ਹਸਪਤਾਲ ਅਤੇ ਐਮਰਜੈਂਸੀ ਰੂਮ 'ਚ ਸੇਵਾਵਾਂ ਜਾਰੀ ਹਨ।
ਯਾਦ ਰਹੇ ਪ੍ਰੋਵੀਡੈਂਸ ਕੇਅਰ ਵੱਲੋਂ ਆਪਰੇਟ ਕੀਤੇ ਜਾਂਦੇ ਸੇਂਟ ਜੋਸਫ ਹਸਪਤਾਲ 'ਚ ਵੀ ਆਊਟਬ੍ਰੇਕ ਐਲਾਨੀ ਗਈ ਹੈ।
