10.87C Vancouver 10.87C VancouverApr 9, 2021 2:11 AM -
ਬੀ.ਸੀ. ਸਰਕਾਰ ਨੇ 30 ਮਾਰਚ ਨੂੰ covid-19 ਕਾਰਨ ਐਲਾਨੇ ਗਏ ਸੂਬਾ ਪੱਧਰੀ ਸਿਹਤ ਆਦੇਸ਼ਾਂ ਤੋਂ ਪ੍ਰਭਾਵਿਤ ਕਾਰੋਬਾਰਾਂ ਲਈ 50 ਮਿਲੀਅਨ ਡਾਲਰ ਦੀ ਨਵੀਂ ਸਰਕਟ ਬ੍ਰੇਕਰ ਬਿਜ਼ਨਸ ਰਿਲੀਫ ਗ੍ਰਾਂਟ (Circuit breaker business relief grant) ਦਾ ਐਲਾਨ ਕੀਤਾ ਹੈ।
ਇਸ ਦੇ ਲਈ ਅਗਲੇ ਹਫ਼ਤੇ ਤੋਂ ਅਰਜ਼ੀਆਂ ਦਿੱਤੀਆਂ ਜਾ ਸਕਣਗੀਆਂ।
ਇਸ ਸਬੰਧੀ ਐਲਾਨ ਕਰਦਿਆਂ ਬੀ.ਸੀ. ਦੇ ਮਿਨਿਸਟਰ ਆੱਫ ਜੌਬਜ਼, ਇਕਨੌਮਿਕ ਰਿਕਵਰੀ ਅਤੇ ਇਨੋਵੇਸ਼ਨ, ਰਵੀ ਕਾਹਲੋਂ ਨੇ ਦੱਸਿਆ ਕਿ 14,000 ਪ੍ਰਭਾਵਤ ਕਾਰੋਬਾਰਾਂ ਨੂੰ ਕਿਰਾਏ, ਕਰਮਚਾਰੀਆਂ ਦੀਆਂ ਤਨਖਾਹਾਂ ਅਤੇ ਯੂਟੀਲਿਟੀਜ਼ ਜਿਹੇ ਖਰਚਿਆਂ ਲਈ ਇੱਕ ਵਾਰ ਦੇ ਲਈ 10,000 ਡਾਲਰ ਤਕ ਦਿੱਤੇ ਜਾਣਗੇ।
ਹਾਲਾਂਕਿ ਇਸ ਦੇ ਲਈ ਉਹ ਵਪਾਰ ਯੋਗ ਨਹੀਂ ਹੋਣਗੇ ਜਿਨ੍ਹਾਂ ਨੂੰ ਸਿਹਤ ਨਿਰਦੇਸ਼ਾਂ ਦੀ ਉਲੰਘਣਾ ਕਾਰਨ ਬੰਦ ਕੀਤਾ ਗਿਆ ਹੋਵੇ।
