ਕੈਲੋਨਾ ਵਿਚ ਇੱਕ ਨਵੇਂ ਮਿਡਲ ਸਕੂਲ ਲਈ ਫੰਡਿੰਗ ਕੀਤੀ ਗਈ ਮਨਜ਼ੂਰ

ਕੈਲੋਨਾ ਵਿਚ ਇੱਕ ਨਵੇਂ ਮਿਡਲ ਸਕੂਲ ਲਈ ਫੰਡਿੰਗ ਮਨਜ਼ੂਰ ਕੀਤੀ ਗਈ ਹੈ, ਜਿਸ ਵਿਚ 800 ਵਿਦਿਆਰਥੀਆਂ ਲਈ ਜਗ੍ਹਾ ਹੋਵੇਗੀ। ਇਨਫਰਾਸਟਰਕਚਰ ਬੋਵਿਨ ਮਾ ਨੇ ਕਿਹਾ ਕਿ ਇਹ ਨਵਾਂ ਮਿਡਲ ਸਕੂਲ ਓਕਾਨਾਗਨ ਵਿਚ ਸਾਡੇ ਵਲੋਂ ਕੀਤੇ ਜਾ ਰਹੇ ਕਈ ਨਿਵੇਸ਼ਾਂ ਵਿਚੋਂ ਇੱਕ ਹੈ ਤਾਂ ਕਿ ਪਰਿਵਾਰਾਂ ਦੀ ਵੱਧਦੀ ਮੰਗ ਨੂੰ ਪੂਰਾ ਕੀਤਾ ਜਾ ਸਕੇ ਅਤੇ ਆਉਣ ਵਾਲੇ ਸਾਲਾਂ ਵਿਚ ਵਿਦਿਆਰਥੀਆਂ ਲਈ ਸਪੋਰਟ ਬਣੀ ਰਹੇ।

ਉਨ੍ਹਾਂ ਕਿਹਾ ਕਿ ਨਵਾਂ ਬਰਚ ਰੋਡ ਮਿਡਲ ਸਕੂਲ -ਕੇਲੋਨਾ ਦੇ ਗਲੇਨਮੋਰ ਇਲਾਕੇ ਵਿਚ ਹੋਵੇਗਾ। ਸੈਂਟਰਲ ਓਕਾਨਾਗਨ ਪਬਲਿਕ ਸਕੂਲਜ਼ ਬੋਰਡ ਆਫ਼ ਐਜੂਕੇਸ਼ਨ ਦੀ ਚੇਅਰ ਜੂਲੀਆ ਫਰੇਜ਼ਰ ਨੇ ਸੂਬਾ ਸਰਕਾਰ ਦੇ ਕਦਮ ਦਾ ਸਵਾਗਤ ਕਰਦੇ ਹੋਏ ਕਿਹਾ ਕਿ ਇਸ ਨਵੇਂ ਸਕੂਲ ਨਾਲ ਹੋਰ ਸਕੂਲਾਂ 'ਤੇ ਬੋਝ ਘੱਟ ਹੋਵੇਗਾ।

ਇਸ ਨਵੇਂ ਮਿਡਲ ਸਕੂਲ ਵਿਚ ਇਨਡੀਜਨਸ ਕਮਿਊਨਿਟੀ ਨਾਲ ਸਲਾਹ ਮਸ਼ਵਰੇ ਨਾਲ ਡਿਜ਼ਾਇਨ ਕੀਤੇ ਗਏ ਕਲਚਰਲੀ ਰਿਸਪਾਂਸਿਸ ਸਪੇਸਿਸ ਵੀ ਸ਼ਾਮਲ ਹੋਣਗੀਆਂ। ਇਸ ਸਕੂਲ ਪ੍ਰੋਜੈਕਟ 'ਤੇ ਲਗਭਗ $101 ਮਿਲੀਅਨ ਖ਼ਰਚ ਹੋਣ ਦੀ ਉਮੀਦ ਹੈ।