29.7C Vancouver 29.7C VancouverMar 26, 2021 3:38 PM -
ਨਵੇਂ ਫੈਡਰਲ ਮਾਡਲਿੰਗ ਦੇ ਅੰਕੜਿਆਂ ਅਨੁਸਾਰ ਗੰਭੀਰਤਾ ਦੇ ਸੰਕੇਤਕ ਅਤੇ ਕੋਵਿਡ-19 ਦੇ ਰੋਜ਼ਾਨਾ ਮਾਮਲੇ ਵੱਧ ਰਹੇ ਹਨ, ਅਤੇ ਇਨ੍ਹਾਂ ਤੋਂ ਨੌਜਵਾਨ ਸਭ ਤੋਂ ਵੱਧ ਪ੍ਰਭਾਵਤ ਹੋ ਰਹੇ ਹਨ।
ਚੀਫ ਪਬਲਿਕ ਹੈਲਥ ਅਫਸਰ ਡਾਕਟਰ ਥੈਰੇਸਾ ਟਾਮ ਦਾ ਕਹਿਣਾ ਹੈ ਕਿ ਪਿਛਲੇ ਦੋ ਹਫ਼ਤਿਆਂ ਦੌਰਾਨ ਰੋਜ਼ਾਨਾ ਮਾਮਲਿਆਂ ਵਿੱਚ 30 ਪ੍ਰਤੀਸ਼ਤ ਤੋਂ ਵੱਧ ਦਾ ਵਾਧਾ ਹੋਇਆ ਹੈ ਅਤੇ ਹਰ ਰੋਜ਼ ਔਸਤ 29 ਮੌਤਾਂ ਹੋ ਰਹੀਆਂ ਹਨ।
ਟੈਮ ਮੁਤਾਬਕ ਕਈ ਸੂਬਿਆਂ ਵਿੱਚ ਮਾਮਲਿਆਂ ਵਿੱਚੋਂ ਵਧੇਰੇ ਗਿਣਤੀ ਵਾਇਰਸ ਦੀਆਂ ਨਵੀਆਂ ਕਿਸਮਾਂ ਦੀ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਹੁਣ ਵੈਕਸੀਨ ਅਤੇ ਇਨ੍ਹਾਂ ਵੇਰੀਅੰਟਸ ਵਿਚਕਾਰ ਇੱਕ ਦੌੜ ਲੱਗੀ ਪ੍ਰਤੀਤ ਹੁੰਦੀ ਹੈ।
ਕੈਨਡਾ ਦੀ ਪਬਲਿਕ ਹੈਲਥ ਏਜੰਸੀ ਵੱਲੋਂ ਅੱਜ ਜਾਰੀ ਕੀਤੇ ਗਏ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ 80 ਤੋਂ ਵੱਧ ਉਮਰ ਦੇ ਕਨੇਡੀਅਨ ਲੋਕਾਂ ਵਿੱਚ ਮਾਮਲਿਆਂ ਦੀ ਗਿਣਤੀ ਵਿੱਚ ਕਮੀ ਆਈ ਹੈ, ਪਰ 20 ਤੋਂ 39 ਸਾਲ ਦੇ ਨੌਜਵਾਨ ਬਾਲਗਾਂ ਵਿੱਚ ਮਾਮਲਿਆਂ ਦੀ ਦਰ ਸਭ ਤੋਂ ਵੱਧ ਹੈ।
ਟੈਮ ਦਾ ਕਹਿਣਾ ਹੈ ਕਿ ਘੱਟ ਉਮਰ ਦੇ, ਵਧੇਰੇ ਮੋਬਾਈਲ ਅਤੇ ਸਮਾਜਿਕ ਉਮਰ ਸਮੂਹਾਂ ਵਲੋਂ ਵੱਧ ਖਤਰੇ ਵਾਲੀ ਆਬਾਦੀ ਵਿੱਚ ਵਾਇਰਸ ਨੂੰ ਵਧੇਰੇ ਫੈਲਾਉਣ ਦਾ ਜੋਖ਼ਮ ਜਾਰੀ ਹੈ।
ਦੇਸ਼ ਭਰ ਵਿਚ ਵੇਰੀਅੰਟਸ ਦੇ 7,100 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ਵਿੱਚ 90 ਫ਼ੀਸਦੀ ਉਸ ਵੇਰੀਐਂਟ ਦੇ ਮਾਮਲੇ ਹਨ ਜਿਸ ਦੀ ਸਭ ਤੋਂ ਪਹਿਲਾਂ ਪਛਾਣ ਯੂ.ਕੇ. ਵਿਚ ਹੋਈ ਸੀ।
ਟੈਮ ਨੇ ਕਿਹਾ ਕਿ ਬਾਲਗਾਂ ਵਿੱਚ ਵਾਇਰਸ ਦੀਆਂ ਨਵੀਆਂ ਕਿਸਮਾਂ ਦੀ ਗੰਭੀਰਤਾ ਨੂੰ ਲੈਕੇ ਚਿੰਤਾ ਬਣੀ ਹੋਈ ਹੈ।
