17.8C Vancouver 17.8C VancouverAug 24, 2020 6:59 PM -
ਜਿਹੜੇ ਲੋਕ ਮੌਜੂਦਾ ਸਮੇਂ ਵਿਜ਼ਟਰ ਵੀਜ਼ੇ 'ਤੇ ਕੈਨੇਡਾ ਪਹੁੰਚੇ ਹੋਏ ਹਨ, ਅਤੇ ਜਿੰਨਾ ਕੋਲ ਵੈਧ ਜੌਬ ਆਫਰ ਹਨ, ਉਹ ਹੁਣ ਐਂਪਲਾਇਰ ਸਪੈਸੀਫਿਕ ਵਰਕ ਪਰਮਿਟ ਅਪਲਾਈ ਕਰ ਸਕਣਗੇ, ਅਤੇ ਜੇਕਰ ਅਰਜ਼ੀ ਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ, ਤਾਂ ਉਹ ਬਿਨਾ ਦੇਸ਼ ਤੋਂ ਬਾਹਰ ਗਏ ਪਰਮਿਟ ਹਾਸਲ ਕਰ ਸਕਣਗੇ।
ਇਸ ਮਾਮਲੇ ਸੰਬੰਧੀ ਐਲਾਨ ਅੱਜ ਇਮੀਗ੍ਰੇਸ਼ਨ, ਰੈਫਿਊਜੀ ਅਤੇ ਸਿਟੀਜ਼ਨਸ਼ਿਪ ਮੰਤਰੀ, ਮਾਰਕੋ ਈ.ਐਲ. ਮੈਂਡੀਚੀਨੋ ਨੇ ਨਵੀਂ ਪਬਲਿਕ ਪਾਲਿਸੀ 'ਚ ਐਲਾਨ ਕੀਤਾ।
ਇਸ ਟੈਂਪਰੇਰੀ ਪਾਲਿਸੀ 'ਚ ਤੁਰੰਤ ਪ੍ਰਭਾਵ ਨਾਲ ਬਦਲਾਅ ਕੀਤੇ ਗਏ ਹਨ।
ਇਸ ਦਾ ਲਾਭ ਉਨ੍ਹਾਂ ਐਂਪਲਾਇਰਸ ਨੂੰ ਹੋ ਸਕੇਗਾ, ਜਿੰਨਾ ਨੂੰ ਮੌਜੂਦਾ ਹਾਲਾਤਾਂ 'ਚ ਕਾਮੇ ਲੱਭਣ 'ਚ ਦਿੱਕਤ ਪੇਸ਼ ਆ ਰਹੀ ਹੈ।
ਇਸ ਤੋਂ ਇਲਾਵਾ ਇਸ ਦਾ ਲਾਭ ਟੈਂਪਰੇਰੀ ਨਿਵਾਸੀਆਂ ਨੂੰ ਵੀ ਹੋਵੇਗਾ, ਜੋ ਕਿ ਕੋਵਿਡ-19 ਪੈਂਡੇਮਿਕ ਦਰਮਿਆਨ ਕੈਨੇਡਾ ਦੀ ਰਿਕਵਰੀ 'ਚ ਯੋਗਦਾਨ ਪਾ ਸਕਣਗੇ।
ਪੈਂਡੇਮਿਕ ਦਰਮਿਆਨ ਜਿਹੜੇ ਟੈਂਪਰੇਰੀ ਰੈਜ਼ੀਡੈਂਟ ਕੈਨੇਡਾ 'ਚ ਹੀ ਰਹੇ, ਉਨ੍ਹਾਂ ਨੂੰ ਵੈਧ ਲੀਗਲ ਸਟੇਟਸ ਰੱਖਣ ਲਈ ਪ੍ਰੇਰਿਤ ਕੀਤਾ ਗਿਆ ਸੀ। ਵਿਸ਼ਵ ਭਰ 'ਚ ਹਵਾਈ ਯਾਤਰਾ ਸੀਮਤ ਹੋਣ ਕਾਰਨ, ਕੈਨੇਡਾ ਪਹੁੰਚੇ ਕਈ ਵਿਜ਼ਿਟਰ ਦੇਸ਼ ਛੱਡ ਹੀ ਨਹੀਂ ਸਕੇ।
ਕੁਝ ਵਿਦੇਸ਼ੀ ਕਾਮਿਆਂ ਨੂੰ ਵੀ ਆਪਣਾ ਸਟੇਟਸ ਵਿਜ਼ਿਟਰ ਦੇ ਤੌਰ 'ਤੇ ਬਦਲਣਾ ਪਿਆ ਸੀ, ਕਿਉਂਕਿ ਉਨ੍ਹਾਂ ਦਾ ਵਰਕ ਪਰਮਿਟ ਐਕਸਪਾਇਰ ਹੋ ਗਿਆ ਸੀ।
ਇਸ ਦਾ ਲਾਭ ਹਾਸਿਲ ਕਰ ਲਈ ਕੁਝ ਸ਼ਰਤਾਂ ਪੂਰੀਆਂ ਕਰਨਾ ਜ਼ਰੂਰੀ ਹੈ।
-24 ਅਗਸਤ ਤੱਕ ਕੈਨੇਡਾ 'ਚ ਵਿਜ਼ਿਟਰ ਦੇ ਤੌਰ 'ਤੇ ਅਤੇ ਇੱਥੇ ਰਹਿਣ ਲਈ ਵੈਧ ਸਟੇਟਸ ਜ਼ਰੂਰੀ ਹੈ।
-ਜੌਬ ਆਫਰ ਹੋਣਾ ਜ਼ਰੂਰੀ ਹੈ।
-31 ਮਾਰਚ 2021 ਤੋਂ ਪਹਿਲਾਂ, ਐਲ.ਐਮ.ਆਈ.ਏ. ਦਾ ਐਂਪਲਾਇਰ ਸਪੈਸੀਫਿਕ ਵਰਕ ਪਰਮਿਟ, ਜਾਂ ਐਲ.ਐਮ.ਆਈ.ਏ. ਐਗਜੈਂਪਟ ਆਫਰ ਆਫ ਐਂਪਲਾਇਮੈਂਟ ਦੀ ਅਰਜ਼ੀ ਦਾਖਿਲ ਕਰਨੀ ਹੋਵੇਗੀ।
ਬਾਕੀ ਦੇ ਸਾਰੇ ਸਟੈਂਡਰਡ ਐਡਮੀਜ਼ੀਬਿਲਿਟੀ ਕਰਾਈਟੀਰੀਆ ਇਸ ਟੈਂਪਰੇਰੀ ਪਬਲਿਕ ਪਾਲਿਸੀ ਆਸਰੇ, ਉਨ੍ਹਾਂ ਐਪਲੀਕੈਂਟਸ ਨੂੰ ਵੀ ਮੌਕਾ ਮਿਲੇਗਾ, ਜੋ ਬੀਤੇ 12 ਮਹੀਨੇ 'ਚ ਵੈਧ ਵਰਕਿੰਗ ਪਰਮਿਟ 'ਤੇ ਸਨ।
ਇਹ ਲੋਕ ਨਵੇਂ ਐਂਪਲਾਇਰ ਲਈ ਕੰਮ ਕਰ ਸਕਣਗੇ ਅਤੇ ਇਸ ਦੇ ਲਈ ਨਵੀਂ ਪਰਮਿਟ ਐਪਲੀਕੇਸ਼ਨ ਨੂੰ ਮਨਜ਼ੂਰੀ ਮਿਲਣ ਦੀ ਉਡੀਕ ਵੀ ਨਹੀਂ ਕਰਨੀ ਪਵੇਗੀ।
