12.43C Vancouver 12.43C VancouverJan 24, 2023 1:42 AM - Connect News
ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਚਾਕੂ ਨਾਲ ਹਮਲੇ ਦੀ ਵਾਰਦਾਤ ਦੇ ਮਾਮਲੇ 'ਚ ਲੋਕਾਂ ਤੋਂ ਜਾਣਕਾਰੀ ਸਾਂਝੀ ਕਰਨ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਮਾਮਲਾ ਸ਼ਨੀਵਾਰ 21 ਜਨਵਰੀ ਦਾ ਦੱਸਿਆ ਗਿਆ ਹੈ।
ਦੁਪਹਿਰ ਕਰੀਬ 1.15 ਵਜੇ ਪੁਲਿਸ ਨੂੰ ਕਾਲ ਕਰ ਦੱਸਿਆ ਗਿਆ ਸੀ ਕਿ ਇੱਕ ਵਿਅਕਤੀ 'ਤੇ ਚਾਕੂ ਨਾਲ ਕਈ ਵਾਰ ਕੀਤੇ ਗਏ ਸਨ।
ਅਫਸਰਾਂ ਨੇ ਮੌਕੇ 'ਤੇ ਪਹੁੰਚ ਕੀਤੀ ਅਤੇ ਇੱਕ ਬੱਸ 'ਚ ਪੀੜਤ ਨੂੰ ਲੋਕੇਟ ਕੀਤਾ ਅਤੇ ਤੁਰੰਤ ਉਸ ਨੂੰ ਮੈਡਿਕਲ ਮਦਦ ਪ੍ਰਦਾਨ ਕੀਤੀ।
ਅਫਸਰਾਂ ਨੂੰ ਪਤਾ ਲੱਗਿਆ ਕਿ ਪੀੜਤ ਨੂੰ ਨਿਊ ਵੈਸਟ ਕੋਲ ਪਾਰਕੇਡ ਦੇ ਵਿੱਚ ਲੁੱਟ ਦਾ ਨਿਸ਼ਾਨਾ ਬਣਾਇਆ ਗਿਆ ਸੀ ਅਤੇ ਹਮਲਾ ਕਰ ਦਿੱਤਾ ਗਿਆ ਸੀ।
ਪੀੜਤ ਨੇ ਕਿਸੇ ਤਰ੍ਹਾਂ ਹਮਲਾਵਰ ਕੋਲੋਂ ਭੱਜ ਕੇ ਇੱਕ ਬੱਸ ਤੱਕ ਪਹੁੰਚ ਕੀਤੀ।
ਸ਼ੱਕੀ ਹਮਲਾਵਰ ਬਾਰੇ ਦੱਸਿਆ ਗਿਆ ਕਿ ਉਸ ਦੀ ਉਮਰ 20 ਤੋਂ 40 ਸਾਲ ਦਰਮਿਆਨ ਅਤੇ ਕੱਦ ਕਰੀਬ 5'7" ਮੰਨਿਆ ਜਾ ਰਿਹਾ ਹੈ ਅਤੇ ਸ਼ੱਕੀ ਨੂੰ ਕੌਕੇਸ਼ੀਅਨ ਮੂਲ ਦਾ ਵਿਅਕਤੀ ਦੱਸਿਆ ਗਿਆ।
ਅਫ਼ਸਰ ਸ਼ੱਕੀ ਵਿਅਕਤੀ ਨੂੰ ਲੋਕੇਟ ਕਰਨ 'ਚ ਨਾਕਾਮ ਰਹੇ ਪਰ ਦੱਸਿਆ ਕਿ ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ ਦੇ ਫੌਰੈਂਸਿਕ ਆਈਡੈਂਟੀਫਿਕੇਸ਼ਨ ਯੂਨਿਟ ਨੇ ਇਲਾਕੇ ਨੂੰ ਵਧੇਰੇ ਸਬੂਤ ਇਕੱਤਰ ਕਰਨ ਲਈ ਖੰਗਾਲਿਆ ਸੀ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਸੰਬੰਧੀ ਕਿਸੇ ਕੋਲ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
