21.23C Vancouver 21.23C VancouverJan 24, 2023 1:38 AM - Connect News
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇਲਾਕੇ ਦੇ ਸਕਾਈਟਰੇਨ ਸਟੇਸ਼ਨ ਕੋਲ ਇੱਕ ਡਕੈਤੀ ਅਤੇ ਹਮਲੇ ਦੀ ਕੋਸ਼ਿਸ਼ ਕੀਤੀ ਗਈ।
ਮਾਮਲਾ 17 ਜਨਵਰੀ ਦਾ ਦੱਸਿਆ ਗਿਆ ਹੈ।
ਅਫਸਰਾਂ ਨੂੰ ਸ਼ਾਮ ਕਰੀਬ 5.50 ਵਜੇ ਕਾਰਨਾਰਵਨ ਸਟ੍ਰੀਟ ਦੇ 800 ਬਲੌਕ ਕੋਲ ਸੱਦਿਆ ਗਿਆ ਸੀ।
ਇੱਕ ਵਿਅਕਤੀ ਦੀ ਜਾਣਕਾਰੀ ਮਿਲੀ ਸੀ ਜੋ ਕਿ ਪ੍ਰੇਸ਼ਾਨੀ ਦੀ ਹਾਲਤ 'ਚ ਸੀ ਅਤੇ ਇੱਕ ਗਰੋਸਰੀ ਸਟੋਰ 'ਚ ਆਪਣੇ ਮੂੰਹ 'ਤੇ ਦੁੱਧ ਸੁੱਟ ਰਿਹਾ ਸੀ।
ਅਫਸਰਾਂ ਨੂੰ ਪਤਾ ਲੱਗਿਆ ਕਿ ਇਸ ਵਿਅਕਤੀ 'ਤੇ ਕੁਝ ਹੀ ਸਮਾਂ ਪਹਿਲਾਂ ਬੇਅਰ ਸਪਰੇ ਨਾਲ ਹਮਲਾ ਕੀਤਾ ਗਿਆ ਸੀ ਅਤੇ ਉਸ ਨਾਲ ਡਕੈਤੀ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਸ਼ੱਕੀ ਹਮਲਾਵਰ ਨੇ ਪੀੜਤ ਕੋਲ ਇੱਕ ਰੈਸਟੂਰੈਂਟ ਦੇ ਨੇੜੇ ਪਹੁੰਚ ਕੀਤੀ ਸੀ ਅਤੇ ਉਸ ਤੋਂ ਜੈਕਿਟ ਦੀ ਮੰਗ ਕੀਤੀ ਸੀ ਅਤੇ ਫਿਰ ਅਚਾਨਕ ਬੇਅਰ ਸਪਰੇ ਨਾਲ ਹਮਲਾ ਕਰ ਦਿੱਤਾ ਸੀ।
ਸ਼ੱਕੀ ਆਦਮੀ ਨੂੰ ਇੰਡੀਜਨਸ ਮੂਲ ਦਾ ਆਦਮੀ ਮੰਨਿਆ ਜਾ ਰਿਹਾ ਹੈ ਅਤੇ ਪੁਲਿਸ ਦਾ ਕਹਿਣਾ ਸੀ ਕਿ ਉਸ ਦੇ ਨਾਲ ਇੱਕ ਇੰਡੀਜਨਸ ਮੂਲ ਦੀ ਔਰਤ ਵੀ ਸੀ।
ਪੁਲਿਸ ਨੇ ਲੋਕਾਂ ਤੋਂ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
