9.77C Vancouver 9.77C VancouverMay 5, 2020 9:33 PM -
ਅਮਰੀਕਾ 'ਚ ਨਿਊ ਯਾਰਕ ਸਟੇਟ ਵੱਲੋਂ ਅੱਜ 1,700 ਤੋਂ ਵਧੇਰੇ ਕੋਵਿਡ-19 ਸੰਬੰਧੀ ਮੌਤਾਂ ਦਾ ਖੁਲਾਸਾ ਕੀਤਾ ਗਿਆ ਹੈ।
ਇਹ ਮੌਤਾਂ ਨਰਸਿੰਗ ਹੋਮਜ਼ ਅਤੇ ਐਡਲਟ ਕੇਅਰ ਫੈਸਿਲਿਟੀਆਂ 'ਚ ਰਿਪੋਰਟ ਹੋਈਆਂ ਹਨ, ਅਤੇ ਇਹ ਅਜਿਹੇ ਮਾਮਲੇ ਹਨ ਜੋ ਪਹਿਲਾਂ ਵਾਪਰੇ ਸਨ, ਪਰ ਜਿੰਨਾ ਬਾਰੇ ਪਹਿਲਾਂ ਰਿਪੋਰਟ ਨਹੀਂ ਕੀਤਾ ਗਿਆ ਸੀ।
ਇਨ੍ਹਾਂ ਨਵੇਂ ਸਾਂਝੇ ਕੀਤੇ ਗਏ ਅੰਕੜਿਆਂ ਦੇ ਨਾਲ ਇਨ੍ਹਾਂ ਨਰਸਿੰਗ ਹੋਮਜ਼ ਨਾਲ ਸੰਬੰਧਤ ਜਾਨ ਗਵਾਉਣ ਵਾਲੇ ਪੀੜਤਾਂ ਦੀ ਗਿਣਤੀ 4,800 ਤੱਕ ਪਹੁੰਚ ਗਈ ਹੈ।
ਸੂਬੇ ਦੇ ਨਵੇਂ ਖੁਲਾਸੇ ਦੇ ਬਾਵਜੂਦ, ਇਹ ਸਪਸ਼ਟ ਨਹੀਂ ਹੈ ਕਿ ਨਰਸਿੰਗ ਹੋਮ ਨਾਲ ਸੰਬੰਧਤ ਕਿੰਨੇ ਰੈਜ਼ੀਡੈਂਟਸ ਦੀ ਮੌਤ ਹੋ ਚੁੱਕੀ ਹੈ।
ਇਸਦੀ ਵੱਡੀ ਵਜ੍ਹਾ ਇਹ ਹੈ ਕਿ ਇਸ ਲਿਸਟ 'ਚ ਓਹ ਮਾਮਲੇ ਸ਼ਾਮਿਲ ਨਹੀਂ ਹਨ ਜਿਹੜੇ ਰੈਜ਼ੀਡੈਂਟਸ ਨੂੰ ਮੌਤ ਤੋਂ ਪਹਿਲਾਂ ਹਸਪਤਾਲਾਂ 'ਚ ਸ਼ਿਫਟ ਕੀਤਾ ਗਿਆ ਸੀ।
ਨਿਊ ਯਾਰਕ ਸਟੇਟ 'ਚ ਕੋਵਿਡ-19 ਸੰਬੰਧੀ 19,000 ਤੋਂ ਵਧੇਰੇ ਮੌਤਾਂ ਹੋਣ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
