ਨਿਊਫਾਊਂਡਲੈਂਡ ਦੇ ਇੱਕ ਉਸਾਰੀ ਵਰਕਰ ਨੇ ਇਸ ਸੀਜ਼ਨ ਦੇ ਕੈਨੇਡਾ ਗੌਟ ਟੈਲੇਂਟ ਦਾ ਜਿੱਤਿਆ ਖਿਤਾਬ

ਨਿਊਫਾਊਂਡਲੈਂਡ ਦੇ ਇੱਕ ਉਸਾਰੀ ਵਰਕਰ ਨੇ ਇਸ ਸੀਜ਼ਨ ਦੇ ਕੈਨੇਡਾ ਗੌਟ ਟੈਲੇਂਟ ਦਾ ਖਿਤਾਬ ਜਿੱਤਿਆ ਹੈ, ਜਿਸ ਨੂੰ $1-ਮਿਲੀਅਨ ਪੁਰਸਕਾਰ ਦੇ ਰੂਪ ਵਿਚ ਮਿਲਣਗੇ। ਜੈਕਬ ਲੁਈਸ ਨੇ ਬੀਤੀ ਰਾਤ ਫੀਨਾਲੇ ਵਿਚ ਟੀਨਾ ਟਰਨਰ ਦਾ ਗੀਤ 'ਦਿ ਬੈਸਟ' ਗਾ ਕੇ ਜੱਜ ਅਤੇ ਦਰਸ਼ਕਾਂ ਦਾ ਦਿਲ ਮੋਹ ਲਿਆ। ਲੁਈਸ ਨੇ 7 ਹੋਰ ਕੈਨੇਡੀਅਨ ਫਾਈਨਲਿਸਟ ਨੂੰ ਮੁਕਾਬਲੇ ਵਿਚ ਮਾਤ ਦਿੱਤੀ।

ਲੁਈਸ-ਨਿਊਫਾਊਂਡਲੈਂਡ ਦੇ ਬਟਲਰਵਿਲੇ ਤੋਂ ਇੱਕ ਤੇਲ ਅਤੇ ਗੈਸ ਨਿਰਮਾਣ ਕਰਮਚਾਰੀ ਹੈ। ਇੱਕ ਪ੍ਰੈਸ ਰਿਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਲੁਈਸ ਦਾ ਲੰਬੇ ਸਮੇਂ ਤੋਂ ਗਾਇਕ ਬਣਨ ਦਾ ਸੁਪਨਾ ਸੀ ਪਰ ਪੰਜ ਸਾਲ ਪਹਿਲਾਂ ਜਦੋਂ ਉਸ ਦੇ ਜੁੜਵਾਂ ਬੇਟਿਆਂ ਦਾ ਜਨਮ ਸਮੇਂ ਤੋਂ ਪਹਿਲਾਂ ਕਈ ਪੇਚੀਦਗੀਆਂ ਨਾਲ ਹੋਇਆ ਤਾਂ ਉਸ ਨੇ ਆਪਣੀਆਂ ਇੱਛਾਵਾਂ ਨੂੰ ਰੋਕ ਦਿੱਤਾ ਸੀ।