ਮੇਰੀ ਫ਼ਿਲਹਾਲ ਅਮਰੀਕਾ ਜਾਣ ਦੀ ਕੋਈ ਯੋਜਨਾ ਨਹੀਂ: ਮਾਰਕ ਕਾਰਨੀ

ਕੈਨੇਡਾ ਦੇ ਪੀ.ਐੱਮ. ਬਣਨ ਮਗਰੋਂ ਮਾਰਕ ਕਾਰਨੀ ਨੇ ਆਪਣੀ ਪਹਿਲੀ ਸਪੀਚ ਵਿਚ ਇਹ ਸਾਫ ਕੀਤਾ ਹੈ ਕਿ ਉਨ੍ਹਾਂ ਦਾ ਅਮਰੀਕਾ ਜਾਣ ਦਾ ਫਿਲਹਾਲ ਕੋਈ ਪਲੈਨ ਨਹੀਂ ਹੈ। ਕਾਰਨੀ ਨੇ ਕਿਹਾ ਕਿ ਉਨ੍ਹਾਂ ਦਾ ਫੋਕਸ ਇਸ ਸਮੇਂ ਕੈਨੇਡਾ ਦੇ ਵਪਾਰ ਨੂੰ ਯੂਰਪ ਤੇ ਯੂਕੇ ਨਾਲ ਮਜਬੂਤ ਕਰਨ 'ਤੇ ਹੈ। ਕਾਰਨੀ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਉਹ ਟਰੰਪ ਨਾਲ ਸਹੀ ਸਮਾਂ ਆਉਣ 'ਤੇ ਗੱਲ ਕਰਨਗੇ।

ਉਥੇ ਹੀ, ਜਦੋਂ ਕਾਰਨੀ ਅਤੇ ਉਨ੍ਹਾਂ ਦਾ ਮੰਤਰੀ ਮੰਡਲ ਸਹੁੰ ਚੁੱਕ ਰਿਹਾ ਸੀ ਤਾਂ ਉਸ ਸਮੇਂ ਕੈਨੇਡਾ ਵਿਚ ਮੌਜੂਦਾ ਅਮਰੀਕਾ ਦੇ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਦੀ ਕੈਨੇਡੀਅਨ ਪ੍ਰਭੂਸੱਤਾ ਬਾਰੇ ਵਿਵਾਦਤ ਟਿੱਪਣੀ ਸਾਹਮਣੇ ਆਈ, ਜਿਸ ਵਿਚ ਉਨ੍ਹਾਂ ਪੱਤਰਕਾਰਾਂ ਦੇ ਸਵਾਲ ਦੇ ਜਵਾਬ ਵਿਚ ਕਿਹਾ ਕਿ ਟਰੰਪ ਦਾ ਮੰਨਣਾ ਹੈ ਕਿ ਕੈਨੇਡਾ ਲਈ ਅਮਰੀਕਾ ਵਿਚ ਸ਼ਾਮਲ ਹੋਣਾ ਬਿਹਤਰ ਹੋਵੇਗਾ।

ਉਥੇ ਹੀ ਰੂਬੀਓ ਦੀਆਂ ਟਿੱਪਣੀਆਂ ਬਾਰੇ ਪੱਤਰਕਾਰਾਂ ਵਲੋਂ ਪੁੱਛੇ ਜਾਣ 'ਤੇ ਕਾਰਨੀ ਨੇ ਸੰਖੇਪ ਜਵਾਬ ਵਿਚ ਕਿਹਾ ਕਿ ਇਹ ਪਾਗਲਪਨ ਹੈ, ਹੋਰ ਕੁਝ ਨਹੀਂ ਹੈ।