9.83C Vancouver 9.83C VancouverNov 24, 2023 6:39 PM - The Canadian Press
ਕੈਨੇਡਾ ਵਿੱਚ ਓਨਟੇਰੀਓ ਅਤੇ ਫੈਡਰਲ ਸਰਕਾਰ ਵੱਲੋਂ ਵੱਡੇ ਪੱਧਰ 'ਤੇ ਸਬਸਿਡੀਆਂ ਨਾਲ ਇਲੈਕਟ੍ਰਿਕ-ਵਾਹਨ ਬੈਟਰੀ ਪਲਾਂਟ ਲਗਾ ਰਹੀ ਨੈਕਸਟਸਟਾਰ ਐਨਰਜੀ ਨੇ ਇਸ ਪਲਾਂਟ ਦੇ ਨਿਰਮਾਣ ਵਿੱਚ ਸਹਾਇਤਾ ਲਈ 900 ਵਿਦੇਸ਼ੀ ਕਾਮੇ ਹਾਇਰ ਕਰਨ ਦਾ ਫੈਸਲਾ ਕੀਤਾ ਹੈ।
ਨੈਕਸਟਸਟਾਰ ਐਨਰਜੀ ਆਪਣਾ ਇਲੈਕਟ੍ਰਿਕ-ਵਾਹਨ ਬੈਟਰੀ ਪਲਾਂਟ ਵਿੰਡਸਰ ਵਿੱਚ ਲਗਾ ਰਹੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਅਸਥਾਈ ਗਲੋਬਲ ਸਟਾਫ ਲਗਭਗ 1600 ਟਕਨੀਸ਼ੀਅਨਾਂ ਦਾ ਹੋਵੇਗਾ ਜਿਸਦੀ ਵਰਤੋਂ ਇਸਦੇ ਬਾਹਰੀ ਸਪਲਾਇਰ ਕਰਨਗੇ।ਨੈਕਸਟਸਟਾਰ ਦਾ ਕਹਿਣਾ ਹੈ ਕਿ ਇਸ ਪਲਾਂਟ ਦੇ ਮੁਕੰਮਲ ਹੋਣ ਤੋਂ ਬਾਅਦ ਵੀ ਕੈਨੇਡੀਅਨਾਂ ਲਈ 2500 ਫੁੱਲ-ਟਾਈਮ ਨੌਕਰੀਆਂ ਪੈਦਾ ਕਰਨ ਲਈ ਵਚਨਬੱਧ ਹੈ।
ਗੌਰਤਲਬ ਹੈ ਕਿ ਨੈਕਸਟਸਟਾਰ ਫਰਮ ਨੀਦਰਲੈਂਡਜ਼ ਦੇ ਆਟੋਮੇਕਰ ਸਟੈਲੈਂਟਿਸ ਐਨ.ਵੀ ਅਤੇ ਸਾਊਥ ਕੋਰੀਆ ਦੀ ਐੱਲ ਜੀ ਐਨਰਜੀ ਸਿਲੂਸ਼ਨ ਲਿਮਿਟਡ ਦਾ ਗਠਜੋੜ ਹੈ। ਇਹ ਪਲਾਂਟ ਜੁਲਾਈ 2024 ਵਿੱਚ ਓਪਰੇਸ਼ਨਲ ਹੋਣ ਦੀ ਉਮੀਦ ਹੈ।
