14.72C Vancouver 14.72C VancouverAug 30, 2024 5:23 PM - The Canadian Press
ਕੈਲਗਰੀ ਫਲੇਮਸ ਦੇ ਸਾਬਕਾ ਖਿਡਾਰੀ ਜੌਨੀ ਗੌਡਰੂ ਅਤੇ ਉਸ ਦੇ ਭਰਾ ਮੈਥਿਊ ਦੀ ਨਿਊ ਜਰਸੀ ਵਿਚ ਵਾਪਰੇ ਹਾਦਸੇ ਦੌਰਾਨ ਮੌਤ ਹੋਣ ਦੀ ਖਬਰ ਹੈ। ਇਹ ਹਾਦਸਾ ਅਮੈਰਿਕਾ ਦੀ ਨਿਊ ਜਰਸੀ ਸਟੇਟ ਵਿਚ ਵੀਰਵਾਰ ਰਾਤ 8.20 ਵਜੇ ਵਾਪਰਿਆ। ਦੋਵੇਂ ਭਰਾ ਸਲੇਮ ਕਾਉਂਟੀ ਵਿਚ ਬਾਈਸਾਈਕਲ ਰਾਹੀਂ ਜਾ ਰਹੇ ਸਨ ਅਤੇ ਐੱਸ.ਯੂ.ਵੀ. ਨਾਲ ਟਕਰਾ ਗਏ। ਗੌਡਰੂ ਦੀ ਉਮਰ 31 ਸਾਲ ਅਤੇ ਉਸ ਦੇ ਭਰਾ ਮੈਥਿਊ ਦੀ 29 ਸਾਲ ਸੀ।
ਦੋਹਾਂ ਨੂੰ ਇਸ ਦੌਰਾਨ ਜਾਨਲੇਵਾ ਸੱਟਾਂ ਲੱਗੀਆਂ ਅਤੇ ਦੋਹਾਂ ਨੇ ਦਮ ਤੋੜ ਦਿੱਤਾ। ਵਾਹਨ ਦੇ ਡਰਾਈਵਰ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਉਸ ਨੇ ਸ਼ਰਾਬ ਪੀਤੀ ਸੀ। 43 ਸਾਲਾ ਸੀਨ ਹਿੰਗਸ ਨੂੰ ਕਾਰ ਹਾਦਸੇ ਵਿਚ ਮੌਤ ਦੇ ਦੋ ਮਾਮਲਿਆਂ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।
ਉਸ ਨੂੰ ਸਲੇਮ ਕਾਉਂਟੀ ਸੁਧਾਰਾਤਮਕ ਸਹੂਲਤ ਵਿਚ ਰੱਖਿਆ ਗਿਆ ਹੈ। ਨੈਸ਼ਨਲ ਹਾਕੀ ਲੀਗ ਦੇ ਕਮਿਸ਼ਨਰ ਗੈਰੀ ਬੈਟਮੈਨ ਨੇ ਸ਼ੁੱਕਰਵਾਰ ਸਵੇਰੇ ਇਸ ਦੀ ਜਾਣਕਾਰੀ ਦਿੰਦਿਆਂ ਦੁੱਖ ਸਾਂਝਾ ਕੀਤਾ। ਜੌਨੀ ਨੂੰ ਜੌਨੀ ਹਾਕੀ ਦੇ ਨਾਮ ਵਜੋਂ ਜਾਣਿਆ ਜਾਂਦਾ ਸੀ। ਉਸ ਦੇ ਪਰਿਵਾਰ ਵਿਚ ਉਸ ਦੀ ਪਤਨੀ, ਬੱਚਾ ਅਤੇ ਟੀਮਮੇਟ ਭਰਾ ਸੀ। ਪਰਿਵਾਰ, ਦੋਸਤ ਅਤੇ ਟੀਮ ਵਲੋਂ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਜਾ ਰਹੀ ਹੈ।
