14.57C Vancouver 14.57C VancouverOct 2, 2025 5:39 PM - The Canadian Press
ਨਿਆਗਰਾ ਪੁਲਿਸ ਨੇ “ਪ੍ਰਾਜੈਕਟ ਰੋਡ ਕਿੰਗ,” ਤਹਿਤ ਇੱਕ ਸਾਲ ਦੀ ਲੰਮੀ ਜਾਂਚ ਤੋਂ ਬਾਅਦ ਸੰਗਠਿਤ ਅਪਰਾਧ ਨਾਲ ਜੁੜੇ 30 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਲੱਖਾਂ ਡਾਲਰ ਦੇ ਚੋਰੀ ਹੋਏ ਵਾਹਨ, ਡਰੱਗ, $500,000 ਤੋਂ ਵੱਧ ਕੈਨੇਡੀਅਨ ਕੈਸ਼ ਅਤੇ 17 ਲੰਬੀਆਂ ਬੰਦੂਕਾਂ ਤੇ ਤਿੰਨ ਹੈਂਡਗੰਨਸ ਨੂੰ ਜ਼ਬਤ ਕੀਤਾ ਹੈ। ਇਹ ਕ੍ਰਾਈਮ ਨੈੱਟਵਰਕ ਨਿਆਗਰਾ, ਹੈਮਿਲਟਨ ਅਤੇ ਟੋਰਾਂਟੋ ਸਮੇਤ ਕਈ ਖੇਤਰਾਂ ਵਿਚ ਕੰਮ ਕਰ ਰਿਹਾ ਸੀ, ਜਿਸ ਦੇ ਅੰਤਰਰਾਸ਼ਟਰੀ ਸਬੰਧ ਸਨ। 9 ਸਤੰਬਰ 2025 ਨੂੰ ਅਧਿਕਾਰੀਆਂ ਨੇ ਨਿਆਗਰਾ, ਹੈਮਿਲਟਨ ਅਤੇ ਟੋਰਾਂਟੋ ਵਿਚ 12 ਸਰਚ ਵਾਰੰਟ ਜਾਰੀ ਕੀਤੇ।
ਨਿਆਗਰਾ ਪੁਲਿਸ ਨੇ ਕਿਹਾ ਕਿ ਉਸ ਨੇ ਹੋਰ ਖੇਤਰਾਂ ਦੀ ਪੁਲਿਸ ਨਾਲ ਸਾਂਝੀ ਕਾਰਵਾਈ ਦੇ ਨਤੀਜੇ ਵਜੋਂ 38 ਚੋਰੀ ਹੋਏ ਵਾਹਨ ਬਰਾਮਦ ਕੀਤੇ, ਜਿਨ੍ਹਾਂ ਦੀ ਕੀਮਤ $3.3 ਮਿਲੀਅ ਤੋਂ ਵੱਧ ਹੈ, ਇਨ੍ਹਾਂ ਵਿਚੋਂ ਕੁਝ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਐਕਸਪੋਰਟ ਕੀਤੇ ਜਾਣੇ ਸਨ।
ਇਸ ਤੋਂ ਇਲਾਵਾ ਪੁਲਿਸ ਨੇ ਲਗਭਗ 15 ਕਿਲੋਗ੍ਰਾਮ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ, ਜਿਨ੍ਹਾਂ ਵਿਚ ਕੋਕੇਨ, ਮੈਥਾਮਫੇਟਾਮਾਈਨ ਅਤੇ ਐਮ.ਡੀ.ਐਮ.ਏ. ਸ਼ਾਮਲ ਸਨ। ਗ੍ਰਿਫਤਾਰ ਕੀਤੇ ਗਏ ਸ਼ੱਕੀਆਂ ਦੀ ਉਮਰ 22 ਤੋਂ 54 ਸਾਲ ਹੈ।
