12.32C Vancouver 12.32C VancouverMay 7, 2021 9:36 PM -
ਬੀ.ਸੀ. 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਸੂਬੇ 'ਚ ਸਥਾਪਿਤ ਕੀਤੇ ਗਏ ਇੱਕ ਰੋਡਬਲੌਕ ਤੋਂ ਕਿਸੇ ਵੀ ਗੱਡੀਆਂ ਨੂੰ ਵਾਪਿਸ ਨਹੀਂ ਮੋੜਿਆ ਗਿਆ ਸੀ।
ਇਹ ਰੋਡਬਲੌਕ ਇਸਲਈ ਸਥਾਪਿਤ ਕੀਤੇ ਗਏ ਹਨ ਕਿ ਕੋਵਿਡ-19 ਸੰਬੰਧੀ ਪਬੰਦੀਆਂ ਦਾ ਪਾਲਣ ਹੋ ਸਕੇ।
ਕੌਰਪੋਰਲ ਕ੍ਰਿਸ ਮਾਨਸੇਉ ਦਾ ਕਹਿਣਾ ਸੀ ਕਿ ਮੈਨਿੰਗ ਪਾਰਕ ਦੇ ਰੋਡਬਲੌਕ 'ਤੇ ਕੁੱਲ 127 ਵਾਹਨਾਂ ਨੂੰ ਰੋਕਿਆ ਗਿਆ ਸੀ।
ਉਨ੍ਹਾਂ ਦੱਸਿਆ ਕਿ ਇਸ ਦੌਰਾਨ ਕੋਈ ਵੀ ਜੁਰਮਾਨੇ ਨਹੀਂ ਲਗਾਏ ਗਏ ਸਨ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਸਪਸ਼ਟ ਤਰੀਕੇ ਨਾਲ ਅੱਗੇ ਲੱਗੇ ਰੋਡਬਲੌਕ ਬਾਰੇ ਜਾਣਕਾਰੀ ਦਿੱਤੀ ਜਾਂਦੀ ਹੈ ਤਾਂ ਜੋ ਵਾਹਨ ਚਲਾ ਰਹੇ ਲੋਕ ਪਹਿਲਾਂ ਹੀ ਤਿਆਰ ਰਹਿਣ।
ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੌਸਟਨ ਬਾਰ ਇਲਾਕੇ 'ਚ ਹਾਈਵੇਅ 1 ਦੇ ਕੋਲ, ਮੈਨਿੰਗ ਪਾਰਕ ਕੋਲ ਹਾਈਵੇਅ 3, ਹਾਈਵੇਅ 5 'ਤੇ ਓਲਡ ਟੌਲ ਬੂਥ ਏਰੀਆ ਅਤੇ ਲੀਲੋਏਟ ਦੇ ਕੋਲ ਹਾਈਵੇਅ 99 'ਤੇ ਰੋਡ ਚੈੱਕ ਲਗਾਏ ਜਾ ਰਹੇ ਹਨ।
ਕਿਸੇ ਗੈਰ-ਜ਼ਰੂਰੀ ਕੰਮ ਕਾਰਨ 3 ਜ਼ੋਨਸ ਵਿੱਚ ਆਪਣੇ ਜ਼ੋਨ ਤੋਂ ਬਾਹਰ ਯਾਤਰਾ ਕਰਦੇ ਪਾਏ ਜਾਣ ਵਾਲੇ ਵਿਅਕਤੀ 'ਤੇ $575 ਦਾ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ।
ਕਿਸੇ ਰੋਡ ਚੈੱਕ 'ਤੇ ਅਫ਼ਸਰਾਂ ਦੇ ਨਿਰਦੇਸ਼ ਨਾ ਮੰਨਣ ਲਈ 230 ਡਾਲਰ ਦਾ ਜੁਰਮਾਨਾ ਹੋ ਸਕਦਾ ਹੈ।
ਕਿਸੇ ਰੋਡ ਚੈੱਕ 'ਤੇ ਵਾਹਨ ਚਾਲਕ ਦਾ ਨਾਮ, ਲਾਈਸੈਂਸ ਅਤੇ ਘਰ ਦੇ ਪਤੇ ਬਾਰੇ ਪੁੱਛਿਆ ਜਾ ਸਕਦਾ ਹੈ।
ਜੇਕਰ ਅਫ਼ਸਰ ਨੂੰ ਲਗਦਾ ਹੈ ਕਿ ਵਾਹਨ ਚਾਲਕ ਆਪਣੇ ਹੈਲਥ ਅਥਾਰਿਟੀ ਜ਼ੋਨ ਤੋਂ ਕਿਸੇ ਹੋਰ ਜ਼ੋਨ 'ਚ ਦਾਖਿਲ ਹੋਣ ਜਾ ਰਿਹਾ ਹੈ ਤਾਂ ਉਨ੍ਹਾਂ ਨੂੰ ਅਜਿਹਾ ਨਾ ਕਰਨ ਦੇ ਨਿਰਦੇਸ਼ ਦਿੱਤੇ ਜਾ ਸਕਦੇ ਹਨ।
