17.97C Vancouver 17.97C VancouverMay 18, 2021 8:30 PM -
ਬੀ.ਸੀ. ਕੋਰੋਨਰਸ ਸਰਵਿਸ ਵੱਲੋਂ ਕੁਝ ਅੰਕੜੇ ਸਾਂਝੇ ਕੀਤੇ ਗਏ ਹਨ ਅਤੇ ਦੱਸਿਆ ਗਿਆ ਹੈ ਕਿ ਪੈਂਡੈਮਿਕ ਦਰਮਿਆਨ ਸੂਬੇ 'ਚ ਖੁਦਕੁਸ਼ੀਆਂ ਕਾਰਨ ਹੋਣ ਵਾਲੀਆਂ ਮੌਤਾਂ 'ਚ ਵਾਧਾ ਨਹੀਂ ਹੋਇਆ ਹੈ।
ਦੱਸਿਆ ਗਿਆ ਕਿ ਅਪ੍ਰੈਲ 2020 ਤੋਂ ਫਰਵਰੀ 2021 ਵਿਚਾਲੇ ਸੂਬੇ 'ਚ ਖੁਦਕੁਸ਼ੀਆਂ ਕਾਰਨ ਹੋਣ ਵਾਲੀਆਂ ਮੌਤਾਂ ਦੀ ਗਿਣਤੀ 534 ਦੀ ਰਹੀ।
ਇਸ ਨੂੰ ਅਪ੍ਰੈਲ 2019 ਤੋਂ ਫਰਵਰੀ 2020 ਦੇ ਅੰਕੜੇ ਮੁਕਾਬਲੇ 12% ਘੱਟ ਦੱਸਿਆ ਗਿਆ ਹੈ।
ਸਾਲ 2020 'ਚ ਕੁਲ 609 ਖੁਦਕੁਸ਼ੀ ਸੰਬੰਧਤ ਮੌਤਾਂ ਦਰਜ ਕੀਤੀਆਂ ਗਈਆਂ ਸਨ।
ਇਸ ਦੀ ਪ੍ਰਤੀ ਮਹੀਨਾ ਦੀ ਔਸਤ 51 ਦੀ ਬਣਦੀ ਹੈ।
ਇਸ ਸਾਲ ਜਨਵਰੀ ਅਤੇ ਫਰਵਰੀ ਦੇ ਮਹੀਨੇ 'ਚ ਰਿਪੋਰਟ ਹੋਈਆਂ ਮੌਤਾਂ ਦੀ ਗਿਣਤੀ 98 ਦੱਸੀ ਗਈ ਹੈ।
ਸਾਲ 2019 'ਚ ਖੁਦਕੁਸ਼ੀਆਂ ਸੰਬੰਧੀ 652 ਮੌਤਾਂ ਰਿਪੋਰਟ ਹੋਈਆਂ ਸਨ।
ਸੂਬੇ ਦੀਆਂ 5 ਹੈਲਥ ਅਥਾਰਿਟੀਆਂ ਵਿੱਚੋਂ 3 ਹੈਲਥ ਅਥਾਰਿਟੀਆਂ 'ਚ ਅਪ੍ਰੈਲ 2020 ਤੋਂ ਫਰਵਰੀ 2021 ਦੇ ਵਿਚਾਲੇ, ਅਪ੍ਰੈਲ 2019 ਤੋਂ ਫਰਵਰੀ 2020 ਦੇ ਮੁਕਾਬਲੇ, ਰਿਪੋਰਟ ਹੋਈਆਂ ਮੌਤਾਂ ਦੀ ਗਿਣਤੀ ਘੱਟ ਦੱਸੀ ਗਈ।
