14.28C Vancouver 14.28C VancouverApr 8, 2021 8:32 PM -
ਕੈਨੇਡਾ ਦੇ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਅਜੇ ਵੀ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਨਾਲ ਸੰਬੰਧਤ ਕਿਸੇ ਬਲੱਡ ਕਲੌਟਸ ਦੀਆਂ ਰਿਪੋਰਟਸ ਨਹੀਂ ਹਨ।
ਔਟਵਾ 'ਚ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ, ਡਾ. ਨਿਊ ਨੇ ਦੱਸਿਆ ਕਿ ਸਿਹਤ ਅਧਿਕਾਰੀ ਲਗਾਤਾਰ ਜਾਂਚ ਕਰ ਰਹੇ ਹਨ ਕਿ ਕਿਸੇ ਵੀ ਵੈਕਸੀਨ ਨਾਲ ਸੰਬੰਧਤ ਕੋਈ ਗਲਤ ਪ੍ਰਭਾਵ ਤਾਂ ਉਜਾਗਰ ਨਹੀਂ ਹੋ ਰਹੇ।
ਉਨ੍ਹਾਂ ਕਿਹਾ ਕਿ 400 ਦੇ ਕਰੀਬ ਹੋਰ ਪ੍ਰਭਾਵਾਂ ਦਾ ਪਤਾ ਲੱਗਿਆ ਹੈ, ਪਰ ਹੁਣ ਤਕ ਕੋਈ ਬਲੱਡ ਕਲੌਟਸ ਦੀਆਂ ਰਿਪੋਰਟ ਨਹੀਂ ਆਈਆਂ ਹਨ।
ਕੈਨੇਡਾ 'ਚ ਹੁਣ ਤਕ 7 ਮਿਲੀਅਨ ਤੋਂ ਵਧੇਰੇ ਵੈਕਸੀਨ ਡੋਜ਼ ਪ੍ਰਦਾਨ ਕੀਤੀਆਂ ਜਾ ਚੁੱਕੀਆਂ ਹਨ।
ਜੁਲਾਈ ਦੇ ਮਹੀਨੇ ਤਕ 30 ਮਿਲੀਅਨ ਖੁਰਾਕਾਂ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਦੀ ਗੱਲ ਆਖੀ ਗਈ ਹੈ।
ਡਾ. ਹੌਵਰਡ ਨਿਊ ਨੇ ਇਹ ਵੀ ਕਿਹਾ ਹੈ ਕਿ ਵਾਇਰਸ ਦੇ ਵੇਰੀਐਂਟਸ ਦੇ ਨਾਲ ਇੱਕ ਸਖਤ ਦੌੜ ਜਾਰੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਇਸ 'ਤੇ ਕਾਬੂ ਪਾਉਣ ਲਈ ਵੈਕਸੀਨੇਸ਼ਨ ਇੱਕ ਤਰੀਕਾ ਜ਼ਰੂਰ ਹੈ ਪਰ ਇਹ ਇਕਲੌਤਾ ਤਰੀਕਾ ਨਹੀਂ ਹੈ।
