15.92C Vancouver 15.92C VancouverOct 7, 2021 8:44 PM -
ਬੀ.ਸੀ. 'ਚ ਟੈਕਮਲੂਪਸ ਸੁਵੈਟਮਕ ਫਰਸਟ ਨੇਸ਼ਨ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਰੈਜ਼ੀਡੈਂਸ਼ੀਅਲ ਸਕੂਲਾਂ ਦੇ ਸਰਵਾਈਵਰਸ ਪ੍ਰਤੀ ਆਪਣੀ ਵਚਨਬੱਧਤਾ ਦਰਸ਼ਾਉਣ ਦਾ ਇੱਕ ਚੰਗਾ ਮੌਕਾ ਗਵਾ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਫਰਸਟ ਨੇਸ਼ਨ ਦੇ ਨੈਸ਼ਨਲ ਡੇ ਫਾਰ ਟਰੂਥ ਐਂਡ ਰੀਕੰਸੀਲੀਏਸ਼ਨ ਦੇ ਮੌਕੇ 'ਤੇ ਭੇਜੇ ਗਏ ਸੱਦੇ ਦਾ ਕੋਈ ਜਵਾਬ ਨਹੀਂ ਦਿੱਤਾ।
ਕੈਮਲੂਪਸ ਦੇ ਇਸ ਫਰਸਟ ਨੇਸ਼ਨ ਵੱਲੋਂ ਅੱਜ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ।
ਬਿਆਨ 'ਚ ਦੱਸਿਆ ਗਿਆ ਕਿ ਇੱਕ ਨਹੀਂ ਬਲਕਿ ਪ੍ਰਧਾਨ ਮੰਤਰੀ ਨੂੰ 2 ਚਿੱਠੀਆਂ ਭੇਜ ਕੇ ਉਨ੍ਹਾਂ ਨੂੰ ਸੱਦਾ ਦਿੱਤਾ ਗਿਆ ਸੀ।
ਬਿਆਨ 'ਚ ਕਿਹਾ ਗਿਆ ਕਿ ਇਸ 'ਤੇ ਕੋਈ ਜਵਾਬ ਨਾ ਦੇਣਾ ਬੇਇੱਜਤ ਕਰਨ ਜਿਹਾ ਪ੍ਰਤੀਤ ਹੋਇਆ।
ਹਾਲਾਂਕਿ ਫਰਸਟ ਨੇਸ਼ਨ ਦਾ ਕਹਿਣਾ ਹੈ ਕਿ ਇਸ ਦੇ ਬਾਵਜੂਦ ਜਦ ਇਸ ਮਹੀਨੇ ਦੇ ਅੰਤ 'ਚ ਪ੍ਰਧਾਨ ਮੰਤਰੀ ਫਰਸਟ ਨੇਸ਼ਨ ਦਾ ਦੌਰਾ ਕਰਨਗੇ ਤਾਂ ਉਨ੍ਹਾਂ ਦਾ ਸਵਾਗਤ ਕੀਤਾ ਜਾਵੇਗਾ।
ਬਿਆਨ 'ਚ ਕਿਹਾ ਗਿਆ ਕਿ ਉਸ ਦਿਨ ਟਰੂਡੋ ਦੀ ਕਮਿਊਨਿਟੀ 'ਚ ਮੌਜੂਦਗੀ ਦੇਸ਼ 'ਚ ਇਤਿਹਾਸਿਕ ਗਲਤੀਆਂ ਨੂੰ ਸੁਧਾਰਨ ਪ੍ਰਤੀ ਉਨ੍ਹਾਂ ਦੀ ਕਮਿਟਮੈਂਟ ਦਰਸ਼ਾ ਸਕਦੀ ਸੀ ਪਰ ਅਜਿਹਾ ਨਹੀਂ ਹੋਇਆ।
