18.95C Vancouver 18.95C VancouverSep 28, 2020 7:29 PM -
ਆਰ.ਸੀ.ਐਮ.ਪੀ ਦਾ ਕਹਿਣਾ ਹੈ ਕਿ ਦਾੜ੍ਹੀ ਰੱਖਣ ਵਾਲੇ ਅਧਿਕਾਰੀਆਂ ਲਈ ਅਜੇ ਤੱਕ ਕੋਈ ਵੀ ਸੁਰੱਖਿਅਤ ਅਤੇ ਸਾਬਿਤ ਕੀਤਾ ਗਿਆ ਫੇਸ ਮਾਸਕ ਨਹੀਂ ਪਾਸ ਕੀਤਾ ਗਿਆ ਹੈ।
ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਸਥਾਈ ਤੌਰ 'ਤੇ ਫਰੰਟ-ਲਾਈਨ ਪੁਲੀਸਿੰਗ ਤੋਂ ਪਰੇ ਕੀਤੇ ਗਏ ਸਿੱਖ ਮੈਂਬਰਾਂ ਲਈ ਉਹ ਹੱਲ ਲੱਭਣ ਵੱਲ ਕੰਮ ਕਰ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀਂ ਇਸ ਮਾਮਲੇ ਦੇ ਸੰਬੰਧ ਵਿਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਵੀ ਨਿਰਾਸ਼ਾ ਜ਼ਾਹਿਰ ਕੀਤੀ ਗਈ ਸੀ।
ਉਨ੍ਹਾਂ ਕਿਹਾ ਸੀ ਕਿਸੇ ਵੀ ਧਰਮ ਦੇ ਵਿਅਕਤੀ ਨਾਲ ਇਸ ਤਰ੍ਹਾਂ ਦਾ ਭੇਦਭਾਵ ਨਹੀਂ ਹੋਣਾ ਚਾਹੀਦਾ ਅਤੇ ਉਨ੍ਹਾਂ ਆਰ.ਸੀ.ਐਮ.ਪੀ. ਨੂੰ ਆਪਣੀ ਗਲਤੀ ਸੁਧਾਰਣ ਲਈ ਆਖਿਆ ਸੀ।
ਅੱਜ ਜਾਰੀ ਕੀਤੇ ਗਏ ਬਿਆਨ ਵਿਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਰੈਸਪੀਰੇਟਰਜ਼ ਜਿਵੇਂ ਕਿ ਐਨ95, ਹਰ ਤਰ੍ਹਾਂ ਦੀਆਂ ਫਰੰਟ-ਲਾਈਨ ਸਥਿਤੀਆਂ ਲਈ ਲਾਜ਼ਮੀ ਨਹੀਂ ਹੈ, ਇਹ ਕਈ ਵਾਰ ਖ਼ਤਰਾ ਘੱਟ ਕਰਨ ਲਈ ਕੰਮ ਆਉਂਦੇ ਹਨ।
ਨੈਸ਼ਲਰ ਪੁਲਿਸ ਫੋਰਸ ਦਾ ਕਹਿਣਾ ਹੈ ਕਿ ਉਹ ਵਿਲੱਖਣ ਸਥਿਤੀ ਵਿਚ ਹਨ, ਕਿਉਂਕਿ ਬਾਕੀ ਪੁਲਿਸ ਫੋਰਸ ਦੇ ਮੁਕਾਬਲੇ ਉਹ ਕੈਨੇਡਾ ਲੇਬਰ ਕੋਡ, ਕੈਨੇਡਾ ਔਕਿਊਪੇਸ਼ਨਲ ਹੈਲਥ ਅਤੇ ਸੇਫ਼ਟੀ ਰੈਗੂਲੇਸ਼ਨਜ਼ ਦੇ ਅਦੀਨ ਹਨ।
ਆਰ.ਸੀ.ਐਮ.ਪੀ. ਦਾ ਰਹਿਣਾ ਹੈ ਕਿ ਉਹ ਮਸਲੇ ਨੂੰ ਹੱਲ ਕਰਨ ਲਈ ਵਸੀਲੇ ਲੱਭ ਰਹੇ ਹਨ।
