13.68C Vancouver 13.68C VancouverMar 8, 2022 12:10 AM - The Canadian Press
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਦਾ ਕਹਿਣਾ ਹੈ ਕਿ ਐਲਬਰਟਾ ਦੇ ਗੈਸ ਸੰਬੰਧੀ ਫੈਸਲੇ ਦਾ ਬੀ.ਸੀ. ਵੱਲੋਂ ਫਿਲਹਾਲ ਕੋਈ ਫੌਲੋ ਕਰਨ ਦਾ ਇਰਾਦਾ ਨਹੀਂ ਹੈ।
ਐਲਬਰਟਾ ਨੇ ਗੈਸ ਦੀਆਂ ਵਧਦੀਆਂ ਕੀਮਤਾਂ ਵਿਚਾਲੇ ਸੂਬਾਈ ਟੈਕਸ ਘਟਾਇਆ ਹੈ।
ਐਲਬਰਟਾ ਸਰਕਾਰ ਨੇ ਗੈਸ ਸਟੇਸ਼ਨਾਂ 'ਤੇ ਪਹੁੰਚਦੇ ਲੋਕਾਂ ਨੂੰ ਕੀਮਤਾਂ ਤੋਂ ਕੁਝ ਰਾਹਤ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ।
ਅੱਜ ਕੀਤੀ ਇੱਕ ਨਿਊਜ ਕਾਨਫਰੰਸ 'ਚ ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਗੈਸ ਦੀਆਂ ਕੀਮਤਾਂ ਪ੍ਰੋਵਿੰਸ਼ੀਅਲ ਕੰਟਰੋਲ ਤੋਂ ਬਾਹਰ ਹਨ ਅਤੇ ਇਸ ਪਿੱਛੇ ਰੂਸ ਵੱਲੋਂ ਯੂਕਰੇਨ 'ਤੇ ਕੀਤਾ ਹਮਲਾ ਇੱਕ ਮੁੱਖ ਕਾਰਨ ਹੈ।
ਐਲਬਰਟਾ ਨੇ ਇਸ ਵਿਚਾਲੇ ਗੈਸ ਅਤੇ ਡੀਜਲ 'ਤੇ 13 ਸੈਂਟ ਪ੍ਰਤੀ ਲੀਟਰ ਟੈਕਸ ਘਟਾਉਣ ਦਾ ਐਲਾਨ ਕਰ ਦਿੱਤਾ ਹੈ।
ਪਰ ਫਾਰਨਵਰਥ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ 'ਚ $2 ਦੇ ਪਾਰ ਪਹੁੰਚੀਆਂ ਗੈਸ ਦੀਆਂ ਕੀਮਤਾਂ ਦੇ ਹੱਲ ਦਾ ਕੋਈ ਸਰਲ ਸੌਲਿਊਸ਼ਨ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ 1 ਅਪ੍ਰੈਲ ਤੋਂ ਕਾਰਬਨ ਟੈਕਸ ਲਾਗੂ ਕਰੇਗੀ ਅਤੇ ਗੈਸ ਕੀਮਤਾਂ 'ਚ 1 ਸੈਂਟ ਪ੍ਰਤੀ ਲੀਟਰ ਦਾ ਟੈਕਸ ਇਜਾਫਾ ਹੋਵੇਗਾ।
