11.25C Vancouver 11.25C VancouverOct 27, 2021 1:40 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਨਵੇਂ ਕੈਬਿਨੇਟ 'ਚ ਬ੍ਰਿਟਿਸ਼ ਕੋਲੰਬੀਆ ਦੇ ਸੂਬੇ ਦੇ ਕੁਝ ਲਿਬਰਲ ਉਮੀਦਵਾਰਾਂ ਦੇ ਹੱਥ ਤਰੱਕੀ ਲੱਗੀ ਹੈ ਅਤੇ ਕੁਝ ਦੇ ਹੱਥ ਨਿਰਾਸ਼ਾ।
ਵੈਨਕੂਵਰ ਸਾਊਥ ਤੋਂ ਜੇਤੂ ਲਿਬਰਲ ਉਮੀਦਵਾਰ ਹਰਜੀਤ ਸੱਜਣ ਨੂੰ ਹੁਣ ਰੱਖਿਆ ਮੰਤਰੀ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ।
ਹੁਣ ਉਨ੍ਹਾਂ ਨੂੰ ਇੰਟਰਨੈਸ਼ਨਲ ਡਵੈਲਪਮੈਂਟ ਅਤੇ ਪੈਸੀਫਿਕ ਇਕਨੌਮਿਕ ਡਵੈਲਪਮੈਂਟ ਏਜੈਂਸੀ ਸੰਬੰਧੀ ਮੰਤਰਾਲੇ ਦੀ ਜਿੰਮੇਵਾਰੀ ਸੌਂਪੀ ਗਈ ਹੈ।
ਨੌਰਥ ਵੈਨਕੂਵਰ ਦੇ ਜੋਨਾਥਨ ਵਿਲਕਿੰਸਨ ਤੋਂ ਵਾਤਾਵਰਨ ਮੰਤਰਾਲਾ ਵਾਪਿਸ ਲੈ ਲਿਆ ਗਿਆ ਹੈ।
ਹੁਣ ਵਿਲਕਿੰਸਨ ਨੂੰ ਨੈਚੁਰਲ ਰਿਸੋਰਸਿਸ ਮੰਤਰਾਲਾ ਸੌਂਪਿਆ ਗਿਆ ਹੈ।
ਵੈਨਕੂਵਰ ਕਵਾਡਰਾ ਐਮ.ਪੀ. ਜਾਇਸ ਮਰੇ ਨੇ ਵੱਡੀ ਛਾਲ ਮਾਰੀ ਹੈ ਅਤੇ ਉਨ੍ਹਾਂ ਨੂੰ ਫਿਸ਼ਰੀਸ ਪੋਰਟਫੋਲੀਓ ਸੌਂਪਿਆ ਗਿਆ ਹੈ।
ਉਹ ਪਹਿਲਾਂ ਟ੍ਰੀਯਰੀ ਬੋਰਡ ਦੀ ਪ੍ਰਧਾਨ ਸਨ ਅਤੇ ਮਿਨਿਸਟਰ ਆਫ ਡਿਜੀਟਲ ਗਵਰਨਮੈਂਟ ਦੀ ਜਿੰਮੇਵਾਰੀ ਸੰਭਾਲ ਰਹੀ ਸਨ।
ਡੈਲਟਾ ਐਮ.ਪੀ. ਕਾਰਲਾ ਕੁਆਲਟਰੋ ਨੂੰ ਇੱਕ ਵਾਰ ਫਿਰ ਤੋਂ ਆਪਣੀ ਪਹਿਲਾਂ ਦੀ ਜਿੰਮੇਵਾਰੀ ਯਾਨੀ ਕਿ ਮਿਨਿਸਟਰ ਆਫ ਐਂਪਲਾਇਮੈਂਟ, ਵਰਕਫੋਰਸ ਡਵੈਲਪਮੈਂਟ ਅਤੇ ਡਿਸਐਬਿਲਿਟੀ ਦੀ ਕਮਾਨ ਸੌਂਪੀ ਗਈ ਹੈ।
