16.19C Vancouver 16.19C VancouverJan 4, 2023 1:40 AM - The Canadian Press
ਔਂਟੈਰੀਓ 'ਚ ਹੈਮਿਲਟਨ 'ਚ 4 ਲੋਕਾਂ ਦੀ ਮੌਤ ਦਾ ਕਾਰਨ ਬਣੀ 29 ਦਿਸੰਬਰ ਨੂੰ ਇੱਕ ਘਰ 'ਚ ਲੱਗੀ ਅੱਗ ਦੀ ਘਟਨਾ ਸੰਬੰਧੀ ਅੱਜ ਵਧੇਰੇ ਜਾਣਕਾਰੀ ਜਾਰੀ ਕੀਤੀ ਗਈ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਿਸ ਟਾਊਨਹਾਊਸ 'ਚ ਅੱਗ ਲੱਗੀ, ਉਸ 'ਚ ਸਮੋਕ ਅਲਾਰਮ ਕੰਮ ਨਹੀਂ ਕਰ ਰਹੇ ਸਨ।
ਔਂਟੈਰੀਓ ਦੇ ਫਾਇਰ ਮਾਰਸ਼ਲ ਜੌਨ ਪੈਗ ਨੇ ਘਟਨਾ ਸੰਬੰਧੀ ਪ੍ਰੈਸ ਕਾਨਫਰੰਸ ਕੀਤੀ।
ਉਨ੍ਹਾਂ ਦੱਸਿਆ ਕਿ ਅੱਗ ਦੇ ਕਾਰਨ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ ਪਰ ਅੱਗ ਗਰਾਊਂਡ ਫਲੋਰ ਦੇ ਇੱਕ ਸੋਫੇ ਤੋਂ ਸ਼ੁਰੂ ਹੋਈ ਮੰਨੀ ਜਾ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਘਟਨਾ ਮੌਕੇ ਪੀੜਤ ਲੋਕ ਦੂਜੀ ਮੰਜਿਲ 'ਤੇ ਸਨ ਅਤੇ ਹੇਠਾਂ ਅੱਗ ਦੇ ਫੈਲਣ ਕਾਰਨ ਉਹ ਸਮਾਂ ਰਹਿੰਦੇ ਹੇਠਾਂ ਉਤਰਨ 'ਚ ਕਾਮਯਾਬ ਨਾ ਹੋ ਸਕੇ।
ਪੁਲਿਸ ਨੇ ਪਹਿਲਾਂ ਦੱਸਿਆ ਸੀ ਕਿ ਮੌਕੇ 'ਤੇ ਪਹੁੰਚਣ 'ਤੇ ਘਰ ਦੇ ਅੰਦਰ 6 ਲੋਕ ਮਿਲੇ ਸਨ ਜਿੰਨਾ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਘਟਨਾ 'ਚ 2 ਐਡਲਟਸ ਅਤੇ 2 ਬੱਚਿਆਂ ਦੀ ਜਾਨ ਚਲੀ ਗਈ ਸੀ।
2 ਲੋਕਾਂ ਦੀ ਸਥਿਤੀ ਸਥਿਰ ਦੱਸੀ ਗਈ ਸੀ।
ਪੀੜਤਾਂ ਦੀ ਪਛਾਣ ਫਿਲਹਾਲ ਸਾਂਝੀ ਨਹੀਂ ਕੀਤੀ ਗਈ ਹੈ।
