13.2C Vancouver 13.2C VancouverDec 21, 2021 8:20 PM - Connect News
ਨੌਰਥ ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਵੱਲੋਂ ਇੱਕ ਟੀਨੇਜਰ ਤਕ 2 ਦਿਨਾਂ 'ਚ 2 ਵਾਰ ਪਹੁੰਚ ਕੀਤੀ ਗਈ ਹੈ।
ਇਸ ਵਿਅਕਤੀ ਦਾ ਸਕੈੱਚ ਜਾਰੀ ਕਰਦੇ ਹੋਏ ਪੁਲਿਸ ਨੇ ਲੋਕਾਂ ਨੂੰ ਮੰਗ ਕੀਤੀ ਹੈ ਕਿ ਵਿਅਕਤੀ ਦੀ ਪਛਾਣ 'ਚ ਮਦਦ ਕੀਤੀ ਜਾਵੇ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ 18 ਨਵੰਬਰ ਨੂੰ ਸ਼ਾਮ ਕਰੀਬ 7 ਵਜੇ ਇੱਕ ਆਦਮੀ ਨੇ ਇੱਕ ਲੜਕੇ ਤਕ ਪਹੁੰਚ ਕੀਤੀ।
ਲੜਕੇ ਦੀ ਉਮਰ 14 ਸਾਲ ਦੱਸੀ ਗਈ ਹੈ।
ਲੜਕਾ ਬਲੂਰਿਜ ਐਲੀਮੈਂਟਰੀ ਸਕੂਲ ਦੇ ਕੋਲ ਇੱਕ ਟਰੇਲ 'ਤੇ ਤੁਰ ਕੇ ਜਾ ਰਿਹਾ ਸੀ।
ਆਦਮੀ ਨੇ ਕਥਿਤ ਤੌਰ 'ਤੇ ਲੜਕੇ ਨੂੰ ਉਸ ਦੇ ਨਾਲ ਚੱਲਣ ਦੀ ਮੰਗ ਕੀਤੀ।
ਆਦਮੀ ਨੇ ਕਿਹਾ ਕਿ ਉਸ ਦਾ ਕੁੱਤਾ ਗਵਾਚ ਗਿਆ ਹੈ।
ਇਸ ਤੋਂ ਅਗਲੇ ਦਿਨ ਉਸੇ ਆਦਮੀ ਨੇ ਫਿਰ ਤੋਂ ਲੜਕੇ ਤਕ ਪਹੁੰਚ ਕੀਤੀ।
ਸ਼ਾਮ ਕਰੀਬ 4 ਵਜੇ ਲੜਕਾ ਸੇਮੋਰ ਹਾਈਟਸ ਐਲੀਮੈਂਟਰੀ ਸਕੂਲ ਕੋਲ ਤੁਰ ਕੇ ਜਾ ਰਿਹਾ ਸੀ ਜਦ ਆਦਮੀ ਨੇ ਫਿਰ ਤੋਂ ਉਸ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ।
ਕਾਂਸਟੇਬਲ ਕੈਲੀ ਮੈਕਿਨਟਾਇਰ ਨੇ ਕਿਹਾ ਕਿ ਫਿਲਹਾਲ ਉਨ੍ਹਾਂ ਕੋਲ ਕੋਈ ਕਾਰਨ ਨਹੀਂ ਹੈ ਕਿ ਘਟਨਾ ਨੂੰ ਖਤਰੇ ਭਰੀ ਮੰਨਿਆ ਜਾਵੇ ਪਰ ਉਹ ਆਦਮੀ ਨਾਲ ਗੱਲ ਕਰਨੀ ਚਾਹੁੰਦੇ ਹਨ।
ਆਦਮੀ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਅਤੇ ਉਸ ਦਾ ਕੱਦ ਕਰੀਬ 5'7" ਦੱਸਿਆ ਗਿਆ ਹੈ।
