16.19C Vancouver 16.19C VancouverJan 10, 2023 1:17 AM - The Canadian Press
ਨੋਵਾ ਸਕੌਸ਼ੀਆ 'ਚ ਇੱਕ ਪਰਿਵਾਰ ਨੇ ਸੂਬੇ ਦੇ ਹੈਲਥ ਸੰਕਟ 'ਤੇ ਤੁਰੰਤ ਐਕਸ਼ਨ ਦੀ ਮੰਗ ਚੁੱਕੀ ਹੈ।
ਇਸ ਪਰਿਵਾਰ ਨੇ 31 ਦਿਸੰਬਰ ਨੂੰ ਆਪਣੇ ਇੱਕ ਮੈਂਬਰ ਨੂੰ ਐਮਹਰਸਟ ਦੇ ਇੱਕ ਹਸਪਤਾਲ 'ਚ ਸਾਂਭ-ਸੰਭਾਲ ਦੀ ਉਡੀਕ ਕਰਦਿਆਂ ਗਵਾ ਦਿੱਤਾ ਸੀ।
ਪੀੜਤ ਔਰਤ ਦਾ ਨਾਮ ਐਲੀ ਲਿਆਹ ਹੋਲਥੌਫ ਸੀ।
ਅੱਜ 37 ਸਾਲਾ ਔਰਤ ਦੇ ਪਰਿਵਾਰ ਨੇ ਦੱਸਿਆ ਕਿ ਐਲੀ ਹੋਲਥੌਫ ਨੂੰ ਕੰਬਰਲੈਂਡ ਰੀਜਨਲ ਹੈਲਥ ਕੇਅਰ ਸੈਂਟਰ ਦੇ ਐਮਰਜੈਂਸੀ ਡਿਪਾਰਟਮੈਂਟ 'ਚ 'ਕੇਅਰ' ਲਈ ਕਈ ਘੰਟੇ ਉਡੀਕ ਕਰਨੀ ਪਈ ਸੀ ਅਤੇ ਉਹ ਵੀ ਅਜਿਹੇ ਸਮੇਂ ਜਦ ਉਹ ਸਪਸ਼ਟ ਤੌਰ 'ਤੇ ਮੈਡਿਕਲ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰ ਰਹੀ ਸੀ।
ਕੰਬਰਲੈਂਡ ਨੌਰਥ ਦੀ ਇੰਡੀਪੈਂਡੈਂਟ ਐਮ.ਐਲ.ਏ. ਐਲਿਜ਼ਾਬੈਥ ਸਮਿਥ ਮੈਕਰੌਸਿਨ ਨੇ ਦੱਸਿਆ ਕਿ ਉਨ੍ਹਾਂ ਪ੍ਰੀਮਿਅਰ ਟਿਮ ਹੂਸਟਨ ਨੂੰ ਇੱਕ ਚਿੱਠੀ ਭੇਜੀ ਹੈ ਅਤੇ ਤੁਰੰਤ ਇੱਕ ਪਲੈਨ ਲਾਂਚ ਕਰਨ ਦੀ ਮੰਗ ਕੀਤੀ ਹੈ, ਜਿਸ ਨਾਲ ਹਸਪਤਾਲਾਂ 'ਚ ਲੋਕਾਂ ਨੂੰ ਸਹੀ ਸਾਂਭ-ਸੰਭਾਲ ਮਿਲ ਸਕੇ।
ਨੋਵਾ ਸਕੌਸ਼ੀਆ ਹੈਲਥ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਹੋ ਰਹੀ ਹੈ ਅਤੇ ਇਸ ਦੇ ਨਤੀਜੇ ਪਰਿਵਾਰ ਨਾਲ ਸਾਂਝੇ ਕੀਤੇ ਜਾਣਗੇ।
ਪੀੜਤ ਔਰਤ ਦੇ ਪਤੀ ਗੰਥਰ ਹੋਲਥੌਫ ਨੇ ਕਿਹਾ ਕਿ ਉਹ ਉਮੀਦ ਕਰਦੇ ਹਨ ਕਿ ਇਸ ਪ੍ਰਕਾਰ ਦੀ ਸਥਿਤੀ ਦਾ ਸਾਹਮਣਾ ਕਿਸੇ ਹੋਰ ਨੂੰ ਨਾ ਕਰਨਾ ਪਵੇ।
