18.41C Vancouver 18.41C VancouverJun 19, 2025 3:46 PM - The Canadian Press
ਨੋਵਾ ਸਕੋਸ਼ੀਆ ਸਰਕਾਰ ਨੇ ਪੇਂਡੂ ਇਲਾਕੇ ਪਿਕਟੋ ਕਾਊਂਟੀ ਤੋਂ ਦੋ ਮਈ ਤੋਂ ਲਾਪਤਾ 6 ਸਾਲਾ ਲਿਲੀ ਸੁਲੀਵਨ ਅਤੇ ਉਸ ਦਾ 4 ਸਾਲਾ ਭਰਾ ਜੈਕ ਸੁਲੀਵਨ ਬਾਰੇ ਜਾਣਕਾਰੀ ਦੇਣ ਵਾਲੇ ਲਈ $150,000 ਦੇ ਇਨਾਮ ਦੀ ਘੋਸ਼ਣਾ ਕੀਤੀ ਹੈ।
ਸੂਬੇ ਦੀ ਨਿਆਂ ਮੰਤਰੀ ਬੈਕੀ ਡਰੂਹਾਨ ਨੇ ਅੱਜ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਛੇ ਸਾਲਾ ਲਿਲੀ ਅਤੇ ਉਸ ਦੇ ਚਾਰ ਸਾਲਾ ਭਰਾ ਜੈਕ ਦੇ 2 ਮਈ ਤੋਂ ਲਾਪਤਾ ਹੋਣ ਦਾ ਦੁੱਖ ਪੂਰੇ ਸੂਬੇ ਅਤੇ ਇਸ ਤੋਂ ਬਾਹਰ ਮਹਿਸੂਸ ਕੀਤਾ ਜਾ ਰਿਹਾ ਹੈ।
ਡਰੂਹਾਨ ਨੇ ਕਿਹਾ ਕਿ ਜਾਂਚਕਰਤਾ ਉਨ੍ਹਾਂ ਦਾ ਪਤਾ ਲਗਾਉਣ ਲਈ ਅਣਥੱਕ ਮਿਹਨਤ ਕਰ ਰਹੇ ਹਨ ਅਤੇ ਮੈਂ ਲੋਕਾਂ ਨੂੰ ਬੇਨਤੀ ਕਰਦੀ ਹਾਂ ਕਿ ਜੇ ਕਿਸੇ ਨੂੰ ਬੱਚਿਆਂ ਬਾਰੇ ਜਾਣਕਾਰੀ ਹੈ ਤਾਂ ਇਸ ਨੂੰ ਆਰਸੀਐਮਪੀ ਨਾਲ ਸਾਂਝਾ ਕੀਤਾ ਜਾਵੇ।
ਪੁਲਿਸ ਦਾ ਮੰਨਣਾ ਹੈ ਕਿ ਦੋਵੇਂ ਬੱਚੇ ਲੈਂਸਡਾਊਨ ਸਟੇਸ਼ਨ ਵਿਚ ਆਪਣੇ ਘਰ ਤੋਂ ਭਟਕ ਗਏ ਸਨ, ਜੋ ਹੈਲੀਫੈਕਸ ਤੋਂ ਲਗਭਗ 140 ਕਿਲੋਮੀਟਰ ਉੱਤਰ ਪੂਰਬ ਵਿਚ ਸੰਘਣੇ ਜੰਗਲ ਵਾਲਾ ਇਲਾਕਾ ਹੈ।
