31.58C Vancouver 31.58C VancouverApr 25, 2020 12:26 AM -
ਨੋਵਾ ਸਕੌਸ਼ੀਆ ਦੇ ਪੀੜਤਾਂ ਦੇ ਲਈ ਇੱਕ ਔਨਲਾਈਨ ਵਿਜਿਲ ਤਿਆਰ ਕੀਤੀ ਗਈ ਹੈ।
ਇਸ 'ਚ ਕੁਝ ਬੇਹਦ ਭਾਵੁਕ ਕਰ ਦੇਣ ਵਾਲੇ ਸੁਨੇਹੇ ਸਾਂਝੇ ਕੀਤੇ ਗਏ ਹਨ।
ਇਹ ਵਿਜਿਲ ਉਨ੍ਹਾਂ ਪੀੜਤਾਂ ਦੇ ਸਨਮਾਨ ਅਤੇ ਯਾਦ 'ਚ ਸੀ, ਜਿੰਨਾ ਬੀਤੇ ਐਤਵਾਰ ਦੀ ਭਿਆਨਕ ਸ਼ੂਟਿੰਗ 'ਚ ਆਪਣੀ ਜਾਨ ਗਵਾ ਦਿੱਤੀ। ਇਸ 'ਚ ਸੁਨੇਹਿਆਂ ਦੇ ਨਾਲ-ਨਾਲ ਬਹੁਤ ਸਾਰੇ ਲੋਕਾਂ ਵੱਲੋਂ ਤਿਆਰ ਕੀਤਾ ਗਿਆ ਸੰਗੀਤ ਵੀ ਸ਼ਾਮਿਲ ਸੀ।
ਦੇਸ਼ ਦੇ ਵੱਖੋ-ਵੱਖਰੇ ਲੋਕ ਅਤੇ ਕੁਝ ਨਾਮੀ ਚਿਹਰੇ ਪੂਰੇ ਹਫਤੇ ਤੋਂ ਹੀ ਪੀੜਤਾਂ ਨੂੰ ਯਾਦ ਕਰਦੇ ਰਹੇ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਪ੍ਰੀਮਿਅਰ ਸਟੀਫਨ ਮੈਕਨੀਲ ਅਤੇ ਗਵਰਨਰ ਜਨਰਲ ਜੂਲੀ ਪਾਏਟ ਦੇ ਸੁਨੇਹੇ ਵੀ ਭਾਵੁਕ ਕਰਨ ਵਾਲੇ ਸਨ।
ਅੱਜ ਦੀ ਵਿਜਿਲ ਨੂੰ ਪੀੜਤਾਂ ਦੀ ਯਾਦ 'ਚ ਭਾਵੁਕ ਕਰ ਦੇਣ ਵਾਲੀ ਸ਼ਰਧਾਂਜਲੀ ਵਜੋਂ ਯਾਦ ਕੀਤਾ ਜਾਵੇਗਾ।
ਯਾਦ ਰਹੇ ਕੋਵਿਡ-19 ਕਾਰਨ ਬਣੇ ਹਾਲਾਤਾਂ ਕਾਰਨ, ਪੀੜਤਾਂ ਨੂੰ ਔਨਲਾਈਨ ਤਰੀਕੇ ਨਾਲ ਸ਼ਰਧਾਂਜਲੀ ਭੇਂਟ ਕੀਤੀ ਜਾ ਰਹੀ ਹੈ।
