25.53C Vancouver 25.53C VancouverJun 23, 2020 3:45 PM -
ਨੋਵਾਕ ਜੋਕੋਵਿਚ ਦੇ ਸਰਬੀਆ ਅਤੇ ਕ੍ਰੋਏਸ਼ੀਆ ਵਿੱਚ ਹੋਈ ਟੈਨਿਸ ਦੀ ਪ੍ਰਦਰਸ਼ਨੀ ਸੀਰੀਜ਼ ਤੋਂ ਬਾਅਦ ਮੰਗਲਵਾਰ ਨੂੰ ਹੋਏ ਕੋਵਿਡ-19 ਟੈਸਟ ਦਾ ਨਤੀਜਾ ਪੌਜ਼ਿਟਿਵ ਆਇਆ ਹੈ।
ਸਰਬੀਆ ਦੇ ਚੋਟੀ ਦੇ ਇਹ ਖਿਡਾਰੀ, ਕੋਰੋਨਾਵਾਇਰਸ ਦਾ ਸ਼ਿਕਾਰ ਹੋਣ ਵਾਲੇ ਚੌਥੇ ਖਿਡਾਰੀ ਹਨ ਜਿਨ੍ਹਾਂ ਨੇ ਇਸ ਸੀਰੀਜ਼ ਵਿੱਚ ਹਿੱਸਾ ਲਿਆ।
ਜੋਕੋਵਿਚ ਦੇ ਨਾਲ ਹੀ ਉਹਨਾਂ ਦੀ ਪਤਨੀ ਜੇਲੇਨਾ ਦਾ ਟੈਸਟ ਵੀ ਪੌਜ਼ਿਟਿਵ ਆਇਆ ਹੈ।
ਜੋਕੋਵਿਚ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਉਹਨਾਂ ਦਾ ਅਤੇ ਉਹਨਾਂ ਦੀ ਪਤਨੀ ਦਾ ਟੈਸਟ ਪੌਜ਼ਿਟਿਵ ਆਇਆ ਹੈ ਜਦਕਿ ਉਹਨਾਂ ਦੇ ਬੱਚਿਆਂ ਦੇ ਟੈਸਟ ਨੈਗੇਟਿਵ ਆਏ ਹਨ।
ਜੋਕੋਵਿਚ ਦੀ ਇਸ ਟੂਰਨਾਮੈਂਟ ਨੂੰ ਅਯੋਜਿਤ ਕਰਕੇ ਕਈ ਮੁਲਕਾਂ ਤੋਂ ਖਿਡਾਰੀ ਸੱਦਣ ਲਈ ਆਲੋਚਨਾ ਹੁੰਦੀ ਰਹੀ ਹੈ।
ਜੋਕੋਵਿਚ ਤੋਂ ਪਹਿਲਾਂ, ਵਿਕਟਰ ਟਰੋਇਕੀ ਅਤੇ ਉਹਨਾਂ ਦੀ ਗਰਭਵਤੀ ਪਤਨੀ, ਗ੍ਰੀਗੋਰ ਦਿਮਿਤਰੋਵ ਅਤੇ ਬੋਰਨਾ ਕੋਰਿਚ ਵੀ ਇਸ ਟੂਰਨਾਮੈਂਟ ਵਿੱਚ ਸ਼ਾਮਿਲ ਹੋਣ ਤੋਂ ਬਾਅਦ ਕੋਵਿਡ-19 ਤੋਂ ਪ੍ਰਭਾਵਿਤ ਹੋ ਚੁੱਕੇ ਹਨ।
ਇਸ ਟੂਰਨਾਮੈਂਟ ਦੌਰਾਨ, ਸਰੀਰਕ ਦੂਰੀ ਦੇ ਨਿਯਮਾਂ ਦੀ ਬਿਲਕੁਲ ਪਾਲਣਾ ਨਹੀਂ ਕੀਤੀ ਗਈ ਅਤੇ ਜੋਕੋਵਿਚ ਨੇ ਨਾਲ-ਨਾਲ ਬਾਕੀ ਖਿਡਾਰੀਆਂ ਨੂੰ ਵੀ ਇੱਕ ਦੂਜੇ ਨੂੰ ਜੱਫੀਆਂ ਪਾਉਂਦੇ ਹੋਏ ਵੇਖਿਆ ਗਿਆ ਸੀ।
ਜੋਕੋਵਿਚ ਕ੍ਰੋਏਸ਼ੀਆ ਤੋਂ ਵਾਪਸ ਆ ਗਏ ਹਨ ਅਤੇ ਉਹਨਾਂ ਦਾ ਟੈਸਟ ਬੈਲਗਰੇਡ ਵਿਖੇ ਕੀਤਾ ਗਿਆ।
ਬਿਆਨ ਦੇ ਮੁਤਾਬਕ, ਜੋਕੋਵਿਚ ਨੂੰ ਵਾਇਰਸ ਦੇ ਕੋਈ ਲੱਛਣ ਨਹੀਂ ਹਨ।
ਟੈਸਟ ਦਾ ਨਤੀਜਾ ਪੌਜ਼ਿਟਿਵ ਆਉਣ ਦੇ ਬਾਵਜੂਦ, ਜੋਕੋਵਿਚ ਨੇ ਇਸ ਟੂਰਨਾਮੈਂਟ ਦਾ ਬਚਾਅ ਕੀਤਾ।
ਉਹਨਾਂ ਕਿਹਾ ਉਹ 14 ਦਿਨਾਂ ਲਈ ਇੱਕਲਤਾ ਵਿੱਚ ਰਹਿਣਗੇ ਅਤੇ ਉਹਨਾਂ ਇਸ ਸੀਰੀਜ਼ ਦੌਰਾਨ ਵਾਇਰਸ ਤੋਂ ਪ੍ਰਭਾਵਿਤ ਹੋਏ ਵਿਅਕਤੀਆਂ ਤੋਂ ਮੁਆਫ਼ੀ ਮੰਗੀ।
ਆਯੋਜਕਾਂ ਨੇ ਦੱਸਿਆ ਕਿ ਏਡਰੀਆ ਟੂਅਰ ਦਾ ਅਗਲੇ ਹਫ਼ਤੇ ਬੋਸਨੀਆ ਵਿੱਚ ਹੋਣ ਵਾਲਾ ਪੜਾਅ ਰੱਦ ਕਰ ਦਿੱਤਾ ਗਿਆ ਹੈ।
