ਹੁਣ ਐਲਬਰਟਾ ’ਚ ਪੈਸੇ ਕਮਾਉਣਾ ਹੋਇਆ ਔਖਾ

ਐਲਬਰਟਾ ਕੈਨੇਡਾ ਦਾ ਦੂਜਾ ਅਜਿਹਾ ਸੂਬਾ ਬਣ ਗਿਆ ਹੈ, ਜਿੱਥੇ ਮਜ਼ਦੂਰੀ ਬਹੁਤ ਘੱਟ ਹੈ। 2018 ਵਿਚ ਸੂਬੇ ਨੇ ਮਜ਼ਦੂਰੀ ਪ੍ਰਤੀ ਘੰਟਾ $15 ਕਰ ਦਿੱਤੀ ਸੀ, ਜੋ ਦੇਸ਼ ਵਿਚ ਸਭ ਤੋਂ ਵੱਧ ਦਰ ਸੀ ਪਰ ਇਸ ਦੇ ਬਾਅਦ ਸੂਬੇ ਨੇ ਇਸ ਵਿਚ ਵਾਧਾ ਨਹੀਂ ਕੀਤਾ।

ਕਈ ਸੂਬੇ ਅਤੇ ਪ੍ਰਦੇਸ਼ ਜਿਨ੍ਹਾਂ ਨੇ 2023 ਵਿਚ ਮਜ਼ਦੂਰੀ ਵਿਚ ਵਾਧਾ ਨਹੀਂ ਕੀਤਾ ਸੀ, ਇਸ ਸਾਲ ਕਰਨ ਜਾ ਰਹੇ ਹਨ ਇਕ ਸਮੇਂ ਕੈਨੇਡਾ ਦਾ ਸਭ ਤੋਂ ਅਮੀਰ ਸੂਬਾ ਹੁਣ ਕਾਫੀ ਪਿੱਛੇ ਚਲਾ ਗਿਆ ਹੈ।

ਸਭ ਤੋਂ ਘੱਟ ਤਨਖਾਹ ਸਸਕੈਚਵਨ ਵਿਚ ਹੈ ਜੋ ਪ੍ਰਤੀ ਘੰਟਾ $14 ਹੈ। ਵਾਈਬ੍ਰੈਂਟ ਕਮਿਊਨਿਟੀਜ਼ ਕੈਲਗਰੀ ਦੇ ਕਾਰਜਕਾਰੀ ਨਿਰਦੇਸ਼ਕ ਨੇ ਦੱਸਿਆ ਕਿ ਇਹ ਕੈਲਗਰੀ ਦੀ ਰਹਿਣ ਦੀ ਤਨਖਾਹ ਤੋਂ ਘੱਟ ਹੈ ਜੋ ਅਲਬਰਟਾ ਲਿਵਿੰਗ ਵੇਜ ਨੈੱਟਵਰਕ ਮੁਤਾਬਕ $23.70 ਹੈ।

ਉਨ੍ਹਾਂ ਕਿਹਾ ਕਈ ਸਾਲਾਂ ਤੋਂ ਘੱਟੋ-ਘੱਟ ਮਜ਼ਦੂਰੀ ਨਾ ਵਧਣ ਕਰਕੇ ਕਈ ਲੋਕਾਂ ਲਈ ਗੁਜ਼ਾਰਾ ਕਰਨਾ ਮੁਸ਼ਕਿਲ ਹੋ ਗਿਆ ਹੈ। ਬਾਕੀ ਸੂਬਿਆਂ ਨੇ ਰਹਿਣ ਦੀ ਕੀਮਤ ਨਾਲ ਤਾਲਮੇਲ ਰੱਖਣ ਲਈ ਆਪਣੀਆਂ ਤਨਖਾਹਾਂ ਨੂੰ ਐਡਜਸਟ ਕੀਤਾ ਹੈ।

ਓਨਟਾਰੀਓ ਅਕਤੂਬਰ ਵਿਚ ਘੱਟੋ-ਘੱਟ ਮਜ਼ਦੂਰੀ ਵਧਾ ਕੇ $17.20 ਅਤੇ ਬੀ. ਸੀ. ਜੂਨ ਮਹੀਨੇ ਇਸ ਨੂੰ $17.40 ਕਰਨ ਜਾ ਰਿਹਾ ਹੈ। ਫੈਡਰਲ ਘੱਟੋ-ਘੱਟ ਮਜ਼ਦੂਰੀ 1 ਅਪ੍ਰੈਲ ਤੋਂ ਵੱਧ ਕੇ $17.30 ਹੋ ਗਿਆ ਹੈ।