15.25C Vancouver 15.25C VancouverAug 26, 2021 4:41 PM -
ਐਮਰਜੈਂਸੀ ਮੈਨੇਜਮੈਂਟ ਬੀ ਸੀ ਦੇ ਮੁਤਾਬਿਕ ਇਸ ਸਮੇਂ ਸੂਬੇ ਵਿੱਚ ਜਲ ਰਹੀਆਂ ਐਕਟਿਵ ਜੰਗਲੀ ਅੱਗਾਂ ਦੀ ਗਿਣਤੀ 250 ਤੋਂ ਘੱਟ ਗਈ ਹੈ।
ਇਸ ਸਮੇਂ 240 ਜੰਗਲੀ ਅੱਗਾਂ ਜਲ ਰਹੀਆਂ ਹਨ ਜਿਨਾਂ ਵਿੱਚੋਂ 22 ਨੂੰ ਚਿੰਤਾਜਨਕ ਮੰਨਿਆ ਜਾ ਰਿਹਾ ਹੈ ਜਿਸ ਦਾ ਮਤਲਬ ਹੈ ਕਿ ਇਹ ਆਮ ਜਨਤਾ ਦੀ ਸੁਰੱਖਿਆ ਲਈ ਖਤਰਾ ਸਾਬਿਤ ਹੋ ਸਕਦੀਆਂ ਹਨ।
ਬੀ ਸੀ ਦੇ 3400 ਫਾਇਰ ਫਾਈਟਰਸ ਅਤੇ ਸੂਬੇ ਤੋਂ ਬਾਹਰੋਂ ਆਏ 400 ਦੇ ਕਰੀਬ ਫਾਇਰ ਫਾਈਟਰਸ ਇਹਨਾਂ ਅੱਗਾਂ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਬੀ ਸੀ ਵਾਇਲਡ ਫਾਇਰ ਸਰਵਿਸਸ ਦੇ ਮੁਤਾਬਿਕ ਵ੍ਹਾਈਟ ਰੋਕ ਫਾਇਰ, ਲਿਟਨ ਫਾਇਰ ਅਤੇ ਟਰੀਮੋਂਟ ਫਾਇਰ ਹਾਲੇ ਵੀ ਬੇਕਾਬੂ ਵਾਲੀ ਕੈਟਾਗਰੀ ਵਿੱਚ ਆਉਂਦੀਆਂ ਹਨ।
ਇਹਨਾਂ ਅੱਗਾਂ ਕਰਕੇ 45 ਘਰ ਖਾਲੀ ਹਨ ਅਤੇ 90 ਨੂੰ ਕਿਸੇ ਵੀ ਸਮੇ ਆਪਣੇ ਘਰ ਖਾਲੀ ਕਰਨ ਲਈ ਤਿਆਰ ਰਹਿਣ ਵਾਸਤੇ ਕਿਹਾ ਗਿਆ ਹੈ।
ਕੈਨੇਡਾ ਦੇ ਮੌਸਮ ਦੇ ਵਿਭਾਗ ਦੇ ਮੁਤਾਬਿਕ ਹੁਣ ਮੀਂਹ ਪੈ ਸਕਦਾ ਹੈ ਅਤੇ ਪੂਰੇ ਸੂਬੇ ਵਿੱਚ ਤਾਪਮਾਨ 20 ਡਿਗਰੀ ਤੋਂ ਘੱਟ ਸਕਦਾ ਹੈ।
