13.8C Vancouver 13.8C VancouverJul 22, 2020 11:38 PM -
ਐਬਟਸਫੋਰਡ ਪੁਲਿਸ ਦੇ ਅਫ਼ਸਰ, ਕਾਂਸਟੇਬਲ ਐਲਨ ਯੰਗ, ਜਿੰਨਾ ਨੂੰ ਕਿ ਲਾਈਫ ਸੱਪੋਰਟ 'ਤੇ ਰੱਖਿਆ ਗਿਆ ਸੀ, ਉਨ੍ਹਾਂ ਨੇ ਦਮ ਤੋੜ ਦਿੱਤਾ ਹੈ।
ਇਸ ਦੁੱਖ ਭਰੇ ਸਮਾਚਾਰ ਦੀ ਜਾਣਕਾਰੀ ਅਧਿਕਾਰੀਆਂ ਵੱਲੋਂ ਟਵਿਟਰ 'ਤੇ ਸਾਂਝੀ ਕੀਤੀ ਗਈ।
ਅਫ਼ਸਰ ਨੂੰ ਇੱਕ ਖੁਸ਼ਮਿਜਾਜ਼ ਅਤੇ ਚੰਗੀ ਸ਼ਖਸੀਅਤ ਵਜੋਂ ਯਾਦ ਕੀਤਾ ਜਾ ਰਿਹਾ ਹੈ।
ਦੱਸਿਆ ਗਿਆ ਕਿ ਐਲਨ ਯੰਗ ਦੀ ਮੌਤ ਮੰਗਲਵਾਰ ਰਾਤ ਹੋ ਗਈ ਸੀ।
ਜਦ ਉਨ੍ਹਾਂ ਆਖਰੀ ਸਾਹ ਲਏ ਤਾਂ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰ, ਦੋਸਤ ਅਤੇ ਕੁਝ ਸਾਥੀ ਵੀ ਉਨ੍ਹਾਂ ਦੇ ਨਾਲ ਸਨ।
ਅਫ਼ਸਰ ਬਾਰੇ ਦੱਸਿਆ ਗਿਆ ਕਿ ਉਹ ਹਮੇਸ਼ਾ ਹੀ ਆਪਣੇ ਆਲੇ-ਦੁਆਲੇ ਦੇ ਲੋਕਾਂ ਨੂੰ ਹੱਸਦੇ-ਮੁਸਕੁਰਾਉਂਦੇ ਵੇਖਣਾ ਪਸੰਦ ਕਰਦੇ ਸਨ।
ਯਾਦ ਰਹੇ ਬੀਤੇ ਵੀਰਵਾਰ ਨੂੰ ਆਫ-ਡਿਊਟੀ ਰਹਿੰਦੇ ਹੋਏ ਅਫ਼ਸਰ ਨੇ ਨੈਲਸਨ ਦੇ ਇਲਾਕੇ 'ਚ ਕਿਸੇ ਕਹਾਸੁਣੀ ਨਾਲ ਜੁੜੀ ਘਟਨਾ 'ਚ ਦਖਲ ਦਿੱਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ ਗਈ ਸੀ।
ਅਫ਼ਸਰ ਬਾਰੇ ਪਹਿਲਾਂ ਹੀ ਜਾਣਕਾਰੀ ਦਿੱਤੀ ਗਈ ਸੀ ਕਿ ਉਨ੍ਹਾਂ ਦੇ ਬਚਣ ਦੇ ਆਸਾਰ ਬੇਹੱਦ ਘੱਟ ਹਨ।
ਮਾਮਲੇ 'ਚ ਇੱਕ 26 ਸਾਲਾ ਵਿਅਕਤੀ ਦੀ ਗ੍ਰਿਫਤਾਰੀ ਹੋਈ ਸੀ, ਜੋ ਕਿ ਪੁਲਿਸ ਹਿਰਾਸਤ ਵਿੱਚ ਹੀ ਹੈ।
