14.35C Vancouver 14.35C VancouverSep 14, 2020 10:24 PM -
ਇੱਕ ਨਾਮੀ ਫ਼ਰਨੀਚਰ ਕੰਪਨੀ ਵੱਲੋਂ ਕਨੇਡੀਅਨ ਲੋਕਾਂ ਨੂੰ ਸਾਵਧਾਨ ਕੀਤਾ ਗਿਆ ਹੈ ਕਿ ਆਉਣ ਵਾਲੇ ਕੁਝ ਸਮੇਂ ਲਈ ਦਫ਼ਤਰ ਨਾਲ ਸੰਬੰਧਤ ਫ਼ਰਨੀਚਰ ਦੀ ਘਾਟ ਲਈ ਤਿਆਰ ਰਿਹਾ ਜਾਵੇ।
ਕੁਰਸੀਆਂ, ਮੇਜ ਅਤੇ ਹੋਰ ਦਫ਼ਤਰੀ ਫ਼ਰਨੀਚਰ ਦੀ ਮੰਗ 'ਚ ਉਸ ਵੇਲੇ ਵਾਧਾ ਹੋਇਆ ਹੈ, ਜਦ ਬਹੁਤੇ ਲੋਕਾਂ ਵੱਲੋਂ ਘਰ ਤੋਂ ਪੜ੍ਹਾਈ ਅਤੇ ਕੰਮ ਜਾਰੀ ਰੱਖਣ ਦੀ ਗੱਲ ਸਾਹਮਣੇ ਆ ਰਹੀ ਹੈ।
ਆਈਕੀਆ ਕੈਨੇਡਾ ਦੀ ਬੁਲਾਰੀ, ਕ੍ਰਿਸਟਿਨ ਨਿਊਬਿਗਿੰਗ ਦਾ ਕਹਿਣਾ ਹੈ ਕਿ ਕੰਪਨੀ ਨੇ ਦਫ਼ਤਰੀ ਫ਼ਰਨੀਚਰ ਅਤੇ ਹੋਰ ਘਰ ਤੋਂ ਕੰਮ ਕਰਨ ਜਿਹੇ ਫ਼ਰਨੀਚਰ ਸੰਬੰਧੀ ਮੰਗ 'ਚ ਵਾਧਾ ਹੁੰਦਾ ਵੇਖਿਆ ਹੈ।
ਕੋਵਿਡ-19 ਦੀ ਦੂਜੀ ਵੇਵ ਦੇ ਦਸਤਕ ਦੇਣ ਵਿਚਾਲੇ, ਕਈ ਕਨੇਡੀਅਨ ਫ਼ਿਲਹਾਲ ਦਫ਼ਤਰ ਜਾਂ ਸਕੂਲ ਵਾਪਸੀ ਲਈ ਤਿਆਰ ਨਹੀਂ ਹਨ।
ਇਸ ਦੇ ਨਾਲ ਹੀ ਕੰਪਨੀ ਦਾ ਕਹਿਣਾ ਹੈ ਕਿ ਵਿਦੇਸ਼ਾਂ ਤੋਂ ਆਉਣ ਵਾਲੇ ਫ਼ਰਨੀਚਰ 'ਚ ਫ਼ਿਲਹਾਲ ਰੁਕਾਵਟਾਂ ਪੇਸ਼ ਆ ਰਹੀਆਂ ਹਨ, ਜਿਸ ਕਾਰਨ ਡਿਮਾਂਡ 'ਤੇ ਪੂਰਾ ਉੱਤਰਨਾ ਮੁਸ਼ਕਿਲ ਹੋ ਰਿਹਾ ਹੈ।
ਯਾਦ ਰਹੇ ਆਈਕੀਆ ਦੇ 50 ਦੇਸ਼ਾਂ 'ਚ 1,000 ਦੇ ਕਰੀਬ ਫ਼ਰਨਿਸ਼ਿੰਗ ਸਪਲਾਇਰ ਹਨ, ਜਿਸ ਵਿੱਚ ਚੀਨ, ਪੋਲੈਂਡ, ਇਟਲੀ, ਲਿਥੂਆਨੀਆ, ਸਵੀਡਨ ਅਤੇ ਜਰਮਨੀ ਮੁੱਖ ਹਨ।
