27.76C Vancouver 27.76C VancouverJun 17, 2020 9:28 PM -
ਐਟਲਾਂਟਾ 'ਚ ਰੇਸ਼ਰਡ ਬਰੂਕਸ ਨੂੰ ਗੋਲੀ ਮਾਰਨ ਵਾਲੇ ਅਫ਼ਸਰ 'ਤੇ ਫੈਲਨੀ ਕਤਲ (ਭਿਆਨਕ/ਹਿੰਸਕ ਕਤਲ) ਦੇ ਦੋਸ਼ ਲਗਾਏ ਜਾ ਰਹੇ ਹਨ।
ਇਸ ਤੋਂ ਅਲਾਵਾ 10 ਹੋਰ ਦੋਸ਼ ਲਗਾਉਣ ਬਾਰੇ ਆਖਿਆ ਗਿਆ ਹੈ।
ਫਲਟਨ ਕਾਉਂਟੀ ਡਿਸਟ੍ਰਿਕਟ ਅਟੌਰਨੀ, ਪੌਲ ਹੋਵਰਡ ਨੇ ਇਸ ਸੰਬੰਧੀ ਐਲਾਨ ਕੀਤਾ।
ਅੱਜ ਦੀ ਨਿਊਜ਼ ਕਾਨਫਰੰਸ 'ਚ ਉਨ੍ਹਾਂ ਸੇਵਾਵਾਂ ਤੋਂ ਹਟਾਏ ਗਏ ਅਫ਼ਸਰ ਗੈਰੇਟ ਰੌਲਫ਼ 'ਤੇ ਲੱਗ ਰਹੇ ਦੋਸ਼ਾਂ ਬਾਰੇ ਜਾਣਕਾਰੀਆਂ ਦਿੱਤੀਆਂ।
ਹੋਵਰਡ ਨੇ ਦੱਸਿਆ ਕਿ ਰੌਲਫ਼ ਨੇ ਜ਼ਮੀਨ 'ਤੇ ਡਿੱਗੇ ਹੋਏ ਬਰੂਕਸ ਨੂੰ ਲੱਤਾਂ ਮਾਰੀਆਂ, ਅਤੇ ਦੂਜਾ ਅਫ਼ਸਰ ਡੇਵਿਨ ਬ੍ਰੌਸਨਨ, ਪੀੜਤ ਦੇ ਮੋਢੇ 'ਤੇ ਖੜਾ ਰਿਹਾ।
ਹੋਵਰਡ ਨੇ ਦੱਸਿਆ ਕਿ ਬ੍ਰੋਸਨਨ ਇਸ ਮਾਮਲੇ 'ਚ ਸਹਿਯੋਗ ਕਰ ਰਿਹਾ ਹੈ, ਅਤੇ ਉਸ ਨੇ ਟੈਸਟਿਮਨੀ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਯਾਦ ਆਉਂਦੇ 40 ਮਾਮਲਿਆਂ 'ਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ।
ਬ੍ਰੋਸਨਨ 'ਤੇ ਹਮਲੇ ਅਤੇ ਹੋਰ ਅਪਰਾਧਾਂ ਸੰਬੰਧੀ ਦੋਸ਼ ਲਗਾਏ ਗਏ ਹਨ।
27 ਸਾਲਾ ਰੇਸ਼ਰਡ ਬਰੂਕਸ ਨੂੰ ਸ਼ੁੱਕਰਵਾਰ ਰਾਤ ਗੋਲੀ ਮਾਰੀ ਗਈ ਸੀ।
