ਜੰਗਲ ਵਿਚ ਲੱਗੀ ਅੱਗ ਕਾਰਨ ਸ਼ਨੀਵਾਰ ਨੂੰ ਜਾਰੀ ਕੀਤੇ ਗਏ ਨਿਕਾਸੀ ਦੇ ਆਰਡਰ ਕੀਤਾ ਗਿਆ ਰੱਦ

ਬੀ.ਸੀ. ਦੇ ਵੈਲੇਮਾਉਂਟ ਦੇ ਦੱਖਣ ਵਿਚ ਜੰਗਲ ਵਿਚ ਲੱਗੀ ਅੱਗ ਕਾਰਨ ਸ਼ਨੀਵਾਰ ਨੂੰ ਜਾਰੀ ਕੀਤੇ ਗਏ ਨਿਕਾਸੀ ਦੇ ਆਰਡਰ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਫਰੇਜ਼ਰ-ਫੋਰਟ ਜਾਰਜ ਦੇ ਖੇਤਰੀ ਜ਼ਿਲ੍ਹੇ ਅਤੇ ਵੈਲੇਮਾਉਂਟ ਦੇ ਵਸਨੀਕ ਜਿਨ੍ਹਾਂ ਨੂੰ ਉਥੋਂ ਚਲੇ ਜਾਣ ਦਾ ਹੁਕਮ ਦਿੱਤਾ ਗਿਆ ਸੀ, ਉਹ ਹੁਣ ਘਰ ਵਾਪਸ ਆ ਸਕਦੇ ਹਨ।

ਜ਼ਿਕਰਯੋਗ ਹੈ ਕਿ ਹਾਈਵੇਅ 5 ਦੇ ਪੂਰਬ, 17 ਐਵੇਨਿਊ ਦੇ ਦੱਖਣ ਅਤੇ ਕੈਨੋ ਨਦੀ ਦੇ ਉੱਤਰ ਦੀਆਂ ਜਾਇਦਾਦਾਂ ਦੇ ਵਸਨੀਕਾਂ ਲਈ ਬੀਤੇ ਸ਼ਨੀਵਾਰ ਨਿਕਾਸੀ ਆਰਡਰ ਜਾਰੀ ਕੀਤਾ ਗਿਆ ਸੀ ਅਤੇ ਹੁਣ ਸੀਡਰਸਾਈਡ ਖੇਤਰ ਲਈ ਨਿਕਾਸੀ ਆਰਡਰ ਜਾਰੀ ਕੀਤਾ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਵਸਨੀਕ ਘਰ ਆਪਣੇ ਘਰਾਂ ਵਿਚ ਰਹਿ ਸਕਦੇ ਹਨ ਪਰ ਉਨ੍ਹਾਂ ਨੂੰ ਸੰਭਾਵਿਤ ਹਾਲਾਤਾਂ ਵਿਚ ਜਾਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ।

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਨਿਕਾਸੀ ਆਰਡਰ ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੇ ਮੈਂਬਰਾਂ ਦੀ ਤੇਜ਼ ਕਾਰਵਾਈ ਤੋਂ ਬਾਅਦ ਰੱਦ ਕੀਤੇ ਗਏ ਹਨ, ਜਿਨ੍ਹਾਂ ਨੇ ਅੱਗ ’ਤੇ ਕਾਬੂ ਪਾਉਣ ਲਈ ਲੜਾਈ ਲੜੀ।

ਜ਼ਿਕਰਯੋਗ ਹੈ ਕਿ ਕੈਨੋ ਰੋਡ ਜੰਗਲੀ ਅੱਗ ਦਾ ਪਤਾ ਸ਼ਨੀਵਾਰ ਨੂੰ ਲੱਗਾ ਸੀ ਅਤੇ ਇਸ ਦਾ ਆਕਾਰ 0.08 ਵਰਗ ਕਿਲੋਮੀਟਰ ਸੀ। ਵੈਲੇਮਾਉਂਟ ਕਾਮਲੂਪਸ ਤੋਂ ਲਗਭਗ 230 ਕਿਲੋਮੀਟਰ ਉੱਤਰ-ਪੂਰਬ ਵਿੱਚ ਸਥਿਤ ਹੈ।