13.92C Vancouver 13.92C VancouverOct 4, 2021 8:58 PM -
ਅੱਜ ਬੀ.ਸੀ. ਦੀ ਵਿਧਾਨ ਸਭਾ ਇੱਕ ਵਿਅਸਤ ਜਗ੍ਹਾ ਬਣੀ ਹੋਈ ਹੈ।
ਇਸ ਦੀ ਵਜ੍ਹਾ ਸਿਰਫ ਇਹ ਨਹੀਂ ਹੈ ਕਿ ਇਸ ਪਤਝੜ ਦੇ ਸੈਸ਼ਨ ਦੀ ਸ਼ੁਰੂਆਤ ਹੋ ਗਈ ਹੈ ਬਲਕਿ ਇਸ ਦੀ ਵਜ੍ਹਾ ਇਹ ਵੀ ਹੈ ਕਿ ਲੈਜਿਸਲੇਸ਼ਨ ਗਰਾਉਂਡ 'ਚ ਪ੍ਰਦਰਸ਼ਨਕਾਰੀਆਂ ਨੇ ਵੀ ਪਹੁੰਚ ਕੀਤੀ ਹੈ।
ਪੈਂਡੈਮਿਕ ਦੀ ਦਸਤਕ ਤੋਂ ਬਾਅਦ ਅੱਜ ਸਭ ਤੋਂ ਵੱਡੀ ਗਿਣਤੀ 'ਚ ਸਿਆਸਤਦਾਨਾਂ ਨੇ ਵਿਧਾਨ ਸਭਾ ਤਕ ਪਹੁੰਚ ਕੀਤੀ ਹੈ।
ਇਸੇ ਵਿਚਾਲੇ ਪੈਸੀਫਿਕ ਵਾਈਲਡ ਨਾਮ ਦੇ ਇੱਕ ਗਰੁੱਪ ਵੱਲੋਂ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ।
ਗਰੁੱਪ ਦਾ ਕਹਿਣਾ ਹੈ ਕਿ 500,000 ਹਸਤਾਖਰਾਂ ਵਾਲਾ ਇਹ ਦਸਤਾਵੇਜ ਫਾਰੈਸਟਸ ਮੰਤਰੀ ਕੈਟਰੀਨ ਕੌਨਰਾਏ ਨੂੰ ਭੇਜਿਆ ਜਾਵੇਗਾ।
ਇਸ ਦੇ ਤਹਿਤ ਵੋਲਫ ਕੱਲ ਨੂੰ ਰੋਕਣ ਦੀ ਮੰਗ ਕੀਤੀ ਜਾਵੇਗੀ।
ਇੰਡੀਜਨਸ ਹੱਕਾਂ, ਵਾਤਾਵਰਨ ਤਬਦੀਲੀ ਅਤੇ ਓਲਡ ਗਰੋਥ ਲੌਗਿੰਗ ਸੰਬੰਧੀ ਪ੍ਰਦਰਸ਼ਨਕਾਰੀ ਅੱਜ ਸਵੇਰੇ ਕਰੀਬ 8.30 ਵਜੇ ਤੋਂ ਲੈਜਿਸਲੇਚਰ ਕੋਲ ਪਹੁੰਚਣ ਲੱਗੇ ਸਨ।
ਇਨ੍ਹਾਂ ਦਾ ਕਹਿਣਾ ਹੈ ਕਿ ਫੈਬਰਿਕ ਦੀਆਂ ਸਟ੍ਰਿਪਸ ਦੀ ਵਰਤੋਂ ਕਰਦੇ ਹੋਏ ਵਿਧਾਨ ਸਭਾ ਇਮਾਰਤ ਨੂੰ ਸਾਰੇ ਪਾਸੇ ਤੋਂ ਘੇਰਾ ਪਾਇਆ ਜਾਵੇਗਾ।
