14.85C Vancouver 14.85C VancouverJul 28, 2021 9:36 PM -
ਕੈਨੇਡਾ ਲਈ ਓਲੰਪਿਕਸ ਦੇ 5ਵੇਂ ਦਿਨ ਤੈਰਾਕ ਪੈਨੀ ਓਲੈਕਸੀਆਕ ਨੇ ਕਾਂਸੀ ਦਾ ਤਗਮਾ ਜਿੱਤਿਆ।
ਉਨ੍ਹਾਂ ਇਹ ਤਗਮਾ 200 ਮੀਟਰ ਫ੍ਰੀਸਟਾਈਲ ਈਵੈਂਟ 'ਚ ਜਿੱਤਿਆ।
ਉਨ੍ਹਾਂ 200 ਮੀਟਰ ਫ੍ਰੀਸਟਾਈਲ ਈਵੈਂਟ 'ਚ 1 ਮਿੰਟ 54.70 ਸੈਕਿੰਡ ਦਾ ਸਮਾਂ ਕਲੌਕ ਕੀਤਾ।
ਉੱਧਰ 1 ਮਿੰਟ 53.50 ਸੈਕਿੰਡਸ ਦੀ ਟਾਈਮਿੰਗ ਨਾਲ ਆਸਟ੍ਰੇਲੀਆ ਦੀ ਐਰੀਆਰਨ ਟਿਟਮਸ ਨੇ ਨਵਾਂ ਓਲੰਪਿਕ ਰਿਕਾਰਡ ਸਥਾਪਿਤ ਕਰਦੇ ਹੋਏ ਗੋਲਡ ਮੈਡਲ ਆਪਣੇ ਨਾਮ ਕੀਤਾ।
ਓਲੈਕਸੀਆਕ ਕੈਨੇਡਾ ਲਈ ਓਲੰਪਿਕਸ ਵਿੱਚ ਸਭ ਤੋਂ ਵੱਧ ਤਗਮੇ ਜਿੱਤਣ ਵਾਲੀ ਖਿਡਾਰਨ ਬਣ ਗਈ ਹੈ।
ਉਨ੍ਹਾਂ ਇਸੇ ਓਲੰਪਿਕਸ ਵਿੱਚ 2 ਅਤੇ ਓਲੰਪਿਕ ਖੇਡਾਂ 'ਚ ਕੁੱਲ 6 ਮੈਡਲ ਆਪਣੇ ਨਾਮ ਕਰ ਲਏ ਹਨ।
ਉਨ੍ਹਾਂ ਕੱਲ ਦੀ ਜਿੱਤ ਤੋਂ ਬਾਅਦ ਕਿਹਾ ਕਿ ਉਹ ਆਪਣੇ ਪਰਿਵਾਰ ਨੂੰ ਮਿਸ ਕਰ ਰਹੀ ਹੈ।
ਕੈਨੇਡਾ ਨੇ ਜਿੱਤੇ 9 ਮੈਡਲ
ਟੋਕਿਓ ਖੇਡਾਂ ਦੇ 5ਵੇਂ ਦਿਨ ਕੈਨੇਡਾ ਦੀ ਝੋਲੀ 'ਚ ਇੱਕ ਕਾਂਸੀ ਦਾ ਤਗਮਾ ਪਿਆ।
ਇਸ ਦੇ ਨਾਲ ਹੀ ਹੁਣ ਕੈਨੇਡਾ ਦੇ ਖਾਤੇ 'ਚ ਕੁੱਲ 9 ਤਗਮੇ ਪੈ ਗਏ ਹਨ ਜਿਸ 'ਚ 2 ਗੋਲਡ ਮੈਡਲ ਵੀ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਕੈਨੇਡਾ ਨੇ 3 ਸਿਲਵਰ ਅਤੇ 4 ਕਾਂਸੀ ਦੇ ਤਗਮੇ ਜਿੱਤੇ ਹਨ।
