17.92C Vancouver 17.92C VancouverDec 8, 2021 10:30 PM - The Canadian Press
ਕੈਨੇਡਾ ਦੇ ਡੇਮੀਐਨ ਵਾਰਨਰ ਨੂੰ ਦੇਸ਼ ਦਾ ਸਭ ਤੋਂ ਵੱਡਾ ਖੇਡ ਸਨਮਾਨ ਹਾਸਿਲ ਹੋਇਆ ਹੈ।
ਵਾਰਨਰ ਨੂੰ ਇਸ ਸਾਲ ਦੀ ਲੋ ਮਾਰਸ਼ ਟਰਾਫੀ ਨਾਲ ਸਨਮਾਨਿਆ ਜਾ ਰਿਹਾ ਹੈ।
ਟੋਕੀਓ ਓਲੰਪਿਕਸ 'ਚ ਡਿਕੈਥਲਨ ਦੇ ਚੈਂਪੀਅਨ ਬਣੇ ਡੇਮੀਐਨ ਵਾਰਨਰ ਨੂੰ ਅਥਲੀਟ ਆਫ ਦ ਈਅਰ ਚੁਣਿਆ ਗਿਆ ਹੈ।
ਵਾਰਨਰ ਨੇ ਨਾ ਸਿਰਫ ਟੋਕੀਓ ਓਲੰਪਿਕਸ ਵਿੱਚ ਸੋਨ ਤਗਮਾ ਜਿੱਤਿਆ ਬਲਕਿ ਉਹ ਇਤਿਹਾਸ ਦੇ ਸਿਰਫ ਚੌਥੇ ਖਿਡਾਰੀ ਬਣ ਗਏ ਸਨ ਜੋ ਕਿ 10 ਡਿਸਿਪਲਿਨਸ ਵਾਲੇ ਈਵੈਂਟ 'ਚ 9,000 ਤੋਂ ਵਧੇਰੇ ਅੰਕ ਜੁਟਾਉਣ 'ਚ ਕਾਮਯਾਬ ਹੋਏ ਸਨ।
ਔਂਟੈਰੀਓ ਦੇ ਲੰਡਨ ਤੋਂ ਵਾਸਤਾ ਰੱਖਣ ਵਾਲੇ ਡੈਮੀਐਨ ਵਾਰਨਰ, ਕੈਨੇਡਾ ਦੇ ਪਹਿਲੇ ਅਥਲੀਟ ਹਨ ਜੋ ਕਿ ਇਸ ਈਵੈਂਟ 'ਚ ਓਲੰਪਿਕ ਗੋਲਡ ਜਿੱਤਣ 'ਚ ਕਾਮਯਾਬ ਰਹੇ ਹੋਣ।
ਉਨ੍ਹਾਂ ਨੇ ਨਾ ਸਿਰਫ ਰਾਸ਼ਟਰੀ ਰਿਕਾਰਡ ਸਥਾਪਿਤ ਕੀਤਾ ਬਲਕਿ 9,018 ਅੰਕਾਂ ਨਾਲ ਓਲੰਪਿਕ ਰਿਕਾਰਡ ਵੀ ਸਥਾਪਿਤ ਕੀਤਾ ਸੀ।
ਇਸ ਸਾਲਾਨਾ ਟੋਰੌਂਟੋ ਸਟਾਰ ਐਵਾਰਡ ਲਈ ਮੀਡੀਆ ਮੈਂਬਰਾਂ ਨੇ ਬੁੱਧਵਾਰ ਨੂੰ ਵੋਟ ਕੀਤਾ ਸੀ।
ਸੌਕਰ ਦੀ ਖੇਡ ਨਾਲ ਜੁੜੇ ਕੈਂਸਸ ਸਿਟੀ ਚੀਫਸ ਦੇ ਔਫੈਂਸਿਵ ਲਾਈਨਮੈਨ ਲੌਰੈਂਟ ਡੁਵਾਰਨੀ ਟਾਰਡਿਫ ਅਤੇ ਫੁੱਟਬਾਲ ਖਿਡਾਰੀ ਅਲਫੌਨਸੋ ਡੇਵਿਸ ਨੂੰ ਬੀਤੇ ਸਾਲ ਦੇ ਕੋ-ਵਿਨਰ ਐਲਾਨਿਆ ਗਿਆ ਹੈ।
