16.48C Vancouver 16.48C VancouverOct 23, 2020 3:42 PM -
ਸ਼ਨੀਵਾਰ ਨੂੰ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਹੋ ਰਹੀ ‘ਸਨੈਪ ਇਲੈਕਸ਼ਨ’ ਵਿੱਚ ਵੋਟਰ ਮਤਦਾਨ ਕਰਨ ਜਾ ਰਹੇ ਹਨ।
ਬੀ.ਸੀ. ਦੀ ਗ੍ਰੀਨ ਪਾਰਟੀ ਆਪਣੇ ਚੋਣ ਪ੍ਰਚਾਰ ਦੌਰਾਨ ਘੱਟ ਗਿਣਤੀ ਸਰਕਾਰਾਂ ਦੀ ਮਹਿਮਾ ਗਾਉਂਦੀ ਆਈ ਹੈ।
ਲਿਬਰਲ ਪਾਰਟੀ ਵਲੋਂ ਐਨ.ਡੀ.ਪੀ. ਉੱਤੇ ਕੋਵਿਡ-19 ਨੂੰ ਲੈਕੇ ਰਾਜਨੀਤੀ ਖੇਡਣ ਦੇ ਦੋਸ਼ ਲਾਏ ਜਾਂਦੇ ਰਹੇ ਹਨ।
ਐਨ.ਡੀ.ਪੀ. ਲੀਡਰ ਜੌਹਨ ਹੋਰਗਨ ਵਲੋਂ ਨਿਰਧਾਰਤ ਸਮੇਂ ਤੋਂ ਇੱਕ ਸਾਲ ਪਹਿਲਾਂ ਮਹਾਂਮਾਰੀ ਦੇ ਚਲਦਿਆਂ ਚੋਣਾਂ ਦਾ ਐਲਾਨ, ਚੋਣ ਪ੍ਰਚਾਰ ਦੌਰਾਨ ਸ਼ੁਰੂ ਤੋਂ ਹੀ ਮੁੱਖ ਮੁੱਦਾ ਬਣਿਆ ਰਿਹਾ ਹੈ।
ਹੋਰਗਨ ਦੀਆਂ ਬਚਾਅ ਟਿੱਪਣੀਆਂ ਮੁਤਾਬਕ ਚੋਣਾਂ ਦਾ ਫੈਸਲਾ ਇਸ ਲਈ ਲਿਆ ਗਿਆ ਕਿਉਂਕਿ ਉਹ ਇਸ ਅਨਿਸ਼ਚਿਤ ਸਮੇਂ ਦੌਰਾਨ ਬਹੁਮਤ ਦੀ ਨਿਸ਼ਚਤਤਾ ਚਾਹੁੰਦੇ ਸਨ।
ਗ੍ਰੀਨ ਪਾਰਟੀ ਦੀ ਲੀਡਰ ਸੋਨੀਆ ਫਰਸਟਨੋ ਮੁਤਾਬਕ ਕੋਵਿਡ -19 ਦੌਰਾਨ, ਲੈਜਿਸਲੇਚਰ ਵਲੋਂ ਪੂਰਾ ਸਹਿਯੋਗ ਮਿਲਦਾ ਆਇਆ ਹੈ ਅਤੇ ਹੋਰਗਨ 2017 ਵਿੱਚ ਸਥਾਪਤ ਕੀਤੇ ਗਏ ਗਵਰਨਿੰਗ ਸਮਝੌਤੇ ਦੀ ਉਲੰਘਣਾ ਕਰ ਰਹੇ ਹਨ।
ਬੀ.ਸੀ. ਲਿਬਰਲ ਲੀਡਰ ਐਂਡਰਿਊ ਵਿਲਕਨਸਨ ਨੇ ਹੋਰਗਨ ਉੱਤੇ ਮਹਾਂਮਾਰੀ ਕਾਰਨ ਸੰਘਰਸ਼ ਕਰ ਰਹੇ ਕਾਰੋਬਾਰਾਂ ਦੀ ਰਾਹਤ ਰਾਸ਼ੀ ਦੀ ਵਰਤੋਂ ਚੋਣਾਂ ਲਈ ਕਰਨ ਦੇ ਇਲਜ਼ਾਮ ਵੀ ਲਾਏ ਹਨ।
ਕੋਵਿਡ -19 ਦੇ ਚਲਦਿਆਂ ਇਸ ਵਾਰ ਚੋਣ ਪ੍ਰਚਾਰ ਵੀ ਕਾਫੀ ਵੱਖਰਾ ਰਿਹਾ, ਉਮੀਦਵਾਰਾਂ ਨੇ ਵਰਚੁਅਲ ਢੰਗ ਨਾਲ ਟਾਊਨ ਹਾਲ ਅਤੇ ਜ਼ੂਮ ਕਾਲਾਂ ਰਾਹੀਂ ਪ੍ਰਚਾਰ ਕੀਤਾ ਅਤੇ ਵੋਟਰਾਂ ਨਾਲ ਹੱਥ ਵੀ ਨਹੀਂ ਮਿਲਾਏ ਗਏ।
